„სამედიცინო საქმიანობის ლიცენზიისა და სტაციონარული დაწესებულების ნებართვის გაცემის წესისა და პირობების შესახებ დებულებების დამტკიცების თაობაზე“ საქართველოს მთავრობის 2010 წლის 17 დეკემბრის №385 დადგენილებაში ცვლილების შეტანის შესახებ

✨ ჰკითხე AI-ს ამ კანონის შესახებ

მიღების თარიღი

15.07.2022

გამომცემი ორგანო

საქართველოს მთავრობა

ნომერი

№366

სარეგისტრაციო კოდი

470230000.10.003.023577

გამოქვეყნების წყარო

matsne.gov.ge , 15/07/2022

🧬 მსგავსი 10

🕸️ გრაფი — კავშირების ვიზუალიზაცია

← უკუმითითება ცვლილება → 🧬 სემანტიკური ეს აქტი

🧬 სემანტიკურად მსგავსი დოკუმენტები — 10

ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.

დოკუმენტის ტექსტი

საქართველოს მთავრობის

დადგენილება №366

2022 წლის 15 ივლისი

ქ. თბილისი

„სამედიცინო საქმიანობის ლიცენზიისა და სტაციონარული დაწესებულების ნებართვის გაცემის წესისა და პირობების შესახებ დებულებების დამტკიცების თაობაზე“ საქართველოს მთავრობის 2010 წლის 17 დეკემბრის №385 დადგენილებაში ცვლილების შეტანის შესახებ

მუხლი 1

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „სამედიცინო საქმიანობის ლიცენზიისა და სტაციონარული დაწესებულების ნებართვის გაცემის წესისა და პირობების შესახებ დებულებების დამტკიცების თაობაზე“ საქართველოს მთავრობის 2010 წლის 17 დეკემბრის №385 დადგენილებაში (სსმ, №168, 24/12/2010) შეტანილ იქნეს ცვლილება და დადგენილებით დამტკიცებული №1² დანართის („სასწრაფო სამედიცინო დახმარების სალიცენზიო პირობები“) მე-8 გრაფის შემდეგ დაემატოს შემდეგი შინაარსის მე-9-მე-10 გრაფები:

„9	არასპეციალიზებულ ბრიგადაში შესაძლებელია, იყოს პარამედიკოსი	ასეთის არსებობის შემთხვევაში
10	მოტოტრანსპორტით სამედიცინო დახმარების სერვისის უზრუნველყოფა	ასეთის არსებობის შემთხვევაში; შენიშვნა: მოტოტრანსპორტით სამედიცინო დახმარების სერვისის მიწოდების შემთხვევაში, სასწრაფო სამედიცინო დახმარების მიწოდებასთან დაკავშირებული სხვა მოთხოვნები, რომლებიც მოიცავს ბაზისური მედიკამენტებისა და ბაზისური სამედიცინო დანიშნულების საგნების ნუსხას, განისაზღვრება საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის ნორმატიული აქტით
10.1	პარამედიკოსს უნდა ჰქონდეს გავლილი სასწრაფო სამედიცინო დახმარების სამსახურის ექიმამდელი, პრეჰოსპიტალური, გადაუდებელი სამედიცინო დახმარების სპეციალისტის − (პარამედიკოსის) სპეციალიზაციის შესაბამისი კურსი	პროგრამა უნდა იყოს აკრედიტებული საქართველოს ოკუპირებული ტერიტორიებიდან დევნილთა, შრომის ჯანმრთელობისა და სოციალური დაცვის სამინისტროს პროფესიული განვითარების საბჭოს მიერ
10.2	ექიმს ან პარამედიკოსს გავლილი უნდა ჰქონდეს მოტოტრანსპორტით სამედიცინო დახმარების სპეციალიზაციის კურსი, კანონმდებლობით დადგენილი მოთხოვნების შესაბამისად	ასეთის არსებობის შემთხვევაში; პროგრამა უნდა იყოს აკრედიტებული საქართველოს ოკუპირებული ტერიტორიებიდან დევნილთა, შრომის ჯანმრთელობისა და სოციალური დაცვის სამინისტროს პროფესიული განვითარების საბჭოს მიერ.“.

მუხლი 2

დადგენილება ამოქმედდეს გამოქვეყნებისთანავე.

პრემიერ-მინისტრი		ირაკლი ღარიბაშვილი