„საქართველოს შინაგან საქმეთა სამინისტროს საჯარო სამართლის იურიდიული პირი – საზოგადოებრივი უსაფრთხოების მართვის ცენტრი „112“-ის დებულების დამტკიცების შესახებ“ საქართველოს შინაგან საქმეთა მინისტრის 2019 წლის 27 დეკემბრის №108 ბრძანებაში ცვლილების შეტანის თაობაზე

საქართველოს შინაგან საქმეთა მინისტრის

2022 წლის 11 აგვისტო

ქ. თბილისი

1. მე-2 მუხლის მე-2 პუნქტის:

ა)„ბ“ ქვეპუნქტი ჩამოყალიბდეს შემდეგი რედაქციით:

„ბ) სასწრაფო სამედიცინო დახმარების, ბუნებრივი აირით მომარაგების შეწყვეტის, შეზღუდვის ან/და წნევის დასაშვები ნორმიდან გადახრის (ცვალებადობის), სასმელი წყლის მომარაგების შეწყვეტის ან/და წნევის ცვალებადობის, სატრანსპორტო საშუალებათა ევაკუატორით ან თავისი სვლით გადაადგილების მომსახურების გაწევის ან გადაუდებელი დახმარების აუცილებლობის სხვა შემთხვევების შესახებ შეტყობინების მიღება/დამუშავება და უფლებამოსილი სუბიექტებისთვის შემდგომი რეაგირების მიზნით გადაცემა;“;

ბ) „ვ“ და „ზ“ ქვეპუნქტები ჩამოყალიბდეს შემდეგი რედაქციით:

„ვ) სატრანსპორტო საშუალებათა ევაკუატორით ან თავისი სვლით გადაადგილების უზრუნველყოფა, საგზაო-სატრანსპორტო შემთხვევის შედეგად გარდაცვლილთა გადაყვანა პროზექტურაში;

ზ) საქართველოს ადმინისტრაციული ან სისხლის სამართლის კანონმდებლობით სამინისტროს კომპეტენციისთვის მიკუთვნებული სამართალდარღვევების/დანაშაულის შემთხვევაში, სპეციალურად დაცული (საჯარიმო) სადგომების მოწყობა-ორგანიზება გადაყვანას/ჩამორთმევას დაქვემდებარებულ სატრანსპორტო საშუალებათა სპეციალურად დაცულ (საჯარიმო) სადგომზე გადაყვანისა და დგომის უზრუნველსაყოფად;“.

2. მე-5 მუხლის პირველი პუნქტის „მ“ ქვეპუნქტი ჩამოყალიბდეს შემდეგი რედაქციით:

„მ) სატრანსპორტო საშუალებათა ევაკუატორით ან თავისი სვლით გადაადგილების უზრუნველყოფა;“.

3. მე-8 მუხლის პირველი პუნქტის:

ა) „ნ“ და „ო“ ქვეპუნქტები ჩამოყალიბდეს შემდეგი რედაქციით:

„ნ) საზოგადოებრივი უსაფრთხოების მართვის ცენტრი „112“-ის მოსამსახურეებისთვის ან/და მისაღები კანდიდატებისთვის შეიმუშავებს კითხვარს, უზრუნველყოფს მათ გამოყენებასა და შედეგების შეფასებას;

ო) კომპეტენციის ფარგლებში განსაზღვრავს საზოგადოებრივი უსაფრთხოების მართვის ცენტრი „112“-ის მოსამსახურეთა პროფესიული განვითარების საჭიროებებს;“;

ბ) „ო“ ქვეპუნქტის შემდეგ დაემატოს შემდეგი შინაარსის „ო¹“ და „ო²“ ქვეპუნქტები:

„ო¹) შეიმუშავებს შესაბამის პროფესიული მომზადების პროგრამას, ტრენინგ-კურსს, მოდულს, სასწავლო მასალას და დასამტკიცებლად წარუდგენს დირექტორს;

ო²) კომპეტენციის ფარგლებში ახორციელებს პროფესიული მომზადების პროგრამას, ტრენინგ-კურსს და გასცემს შესაბამის სერტიფიკატს;“.

გ) „პ“ ქვეპუნქტი ჩამოყალიბდეს შემდეგი რედაქციით:

„პ) საზოგადოებრივი უსაფრთხოების მართვის ცენტრ „112“-ის მოსამსახურეებისთვის ან/და მისაღები კანდიდატებისთვის ახორციელებს შესაბამის მომზადების კურსს;“.

4. მე-12 მუხლის მე-4 პუნქტის „პ“ ქვეპუნქტის შემდეგ დაემატოს შემდეგი შინაარსის „პ¹“ ქვეპუნქტი:

„პ¹) ამტკიცებს პროფესიული მომზადების პროგრამას/ტრენინგ-კურსს, პროფესიული მომზადების პროგრამაზე ჩარიცხვის მსურველ აპლიკანტთა შერჩევის, მათ შორის, ტესტირებისა და გასაუბრების წესს, პროფესიული მომზადების პროგრამის/ტრენინგ-კურსის გავლის დამადასტურებელი სერტიფიკატის ფორმასა და გაცემის წესს და პროფესიული მომზადების პროგრამის განხორციელებასთან დაკავშირებულ სხვა დოკუმენტაციას;“.