„საქართველოს შინაგან საქმეთა სამინისტროს საჯარო სამართლის იურიდიული პირის - „112“-ის დებულების დამტკიცების შესახებ“ საქართველოს შინაგან საქმეთა მინისტრის 2011 წლის 28 დეკემბრის №1073 ბრძანებაში ცვლილების შეტანის თაობაზე

საქართველოს შინაგან საქმეთა მინისტრის

2016 წლის 30 მარტი

ქ. თბილისი

1.  პირველი მუხლის:

ა) მე-6 პუნქტი ჩამოყალიბდეს შემდეგი რედაქციით:

„6. „112“-ს აქვს დამოუკიდებელი ბალანსი, ანგარიში სახელმწიფო ხაზინაში, სიმბოლიკა, ლოგო, ბეჭედი და იურიდიული პირის სხვა რეკვიზიტები.“;

ბ)  მე-6 პუნქტის შემდეგ დაემატოს შემდეგი შინაარსის 6¹ პუნქტი:

„6¹. „112“ უფლებამოსილია სახელმწიფო ხაზინის თანხმობით ჰქონდეს საბანკო ანგარიში ერთ ან რამდენიმე კომერციულ ბანკში.“.

2.  მე-3 მუხლის პირველი პუნქტის „ვ“ ქვეპუნქტი ჩამოყალიბდეს შემდეგი რედაქციით:

„ვ) საგანგებო სიტუაციებისა და გადაუდებელი დახმარების აუცილებლობის შემთხვევაში „112“-ზე შეტყობინების განხორციელების აუცილებელი წესების, შესაბამისი ქცევისა და მოქმედებების შესახებ საზოგადოების ინფორმირება და ცნობიერების ამაღლება;“.

3. მე-5 მუხლის პირველი პუნქტის:

ა) „გ“ ქვეპუნქტის შემდეგ დაემატოს შემდეგი შინაარსის „გ¹“ ქვეპუნქტი:

„გ¹) ამტკიცებს „112“-ის წლიურ ბიუჯეტს;“;

ბ) „დ“ ქვეპუნქტის შემდეგ დაემატოს შემდეგი შინაარსის „დ¹“ ქვეპუნქტი:

„დ¹) კანონმდებლობით დადგენილი წესით აფორმებს და წყვეტს  შრომით ხელშეკრულებებს შტატგარეშე მოსამსახურეებთან;“.

4. მე-7 მუხლის მე-2 პუნქტის :

ა) „დ“ ქვეპუნქტი ჩამოყალიბდეს შემდეგი რედაქციით:

„დ) ინფორმაციული ტექნოლოგიებისა და პროექტების მართვის სამსახური;“;

ბ) „თ“ ქვეპუნქტი ამოღებულ იქნეს.

5. მე-9 მუხლის :

ა) მე-2 პუნქტის „ე“ ქვეპუნქტის შემდეგ დაემატოს შემდეგი შინაარსის „ე¹“ ქვეპუნქტი:

„ე¹)  თავისი კომპეტენციის ფარგლებში უზრუნველყოფს „112“-ის ოპერატორთა რანგირების მიზნით მათ შეფასებას;“;

ბ) მე-3 პუნქტის „ი“ ქვეპუნქტი ჩამოყალიბდეს შემდეგი რედაქციით:

„ი) უზრუნველყოფს ,,112“-ის მოსამსახურეთა პროფესიული მომზადების, გადამზადებისა და კვალიფიკაციის ამაღლების, მათი საკვალიფიკაციო გამოცდების მომზადება/ჩატარებას და გამოცდების შედეგების მიხედვით მოსამსახურეთა შეფასებას;“;

გ) მე-4 პუნქტი ჩამოყალიბდეს შემდეგი რედაქციით:

„4. ინფორმაციული ტექნოლოგიებისა და პროექტების მართვის სამსახური:

ა) უზრუნველყოფს „112“-ში ინფორმაციული ტექნოლოგიების დანერგვას, მის განახლებას და გამართულ ფუნქციონირებას;

ბ) უზრუნველყოფს ლოკალური და გლობალური საქსელო კავშირების შექმნას და მათ მდგრად მუშაობას;

გ) უზრუნველყოფს „112“-ის ინფორმაციული ტექნოლოგიების შექმნისა და განვითარების შესახებ წინადადებების შემუშავებას;

დ) უზრუნველყოფს ინფორმაციული დაცვის საშუალებების დანერგვას და მომსახურებას;

ე) უზრუნველყოფს „112“-ის შიდა პროცესებისა და პროცედურების შესწავლას, ანალიზს და საქმიანობის ოპტიმიზაციის მიზნით შემუშავებული რეკომენდაციების დანერგვას;

ვ) უზრუნველყოფს „112“-ის არსებული სერვისების/პროდუქტების გაუმჯობესებასა და ახალი სერვისების/პროდუქტების შექმნას ან შექმნასთან დაკავშირებით რეკომენდაციების მომზადება-განხორციელებას;

ზ) აწარმოებს კვლევებს ადგილობრივ და საერთაშორისო დონეზე საუკეთესო პრაქტიკის შესწავლის მიზნით;

თ) უზრუნველყოფს „112“-ის მოსამსახურეთა სამუშაო ადგილების (პერიფერიული მოწყობილობები, პროგრამული უზრუნველყოფა და საკომუნიკაციო საშუალება) გამართვას და მდგრად მუშაობას;

ი) უზრუნველყოფს „112“-ის მიერ მესამე პირებთან გაფორმებული ხელშეკრულების საფუძველზე მესამე პირების ობიექტებზე დამონტაჟებული სახანძრო ან/და აირის უსაფრთხოების სისტემის „112“-თან წვდომის გამართულობას;

კ) ახორციელებს დაკავშირების ალტერნატიული არხების დანერგვის პროცესის ტექნიკურ მხარდაჭერასა და შესაბამის მოწყობილობებთან კავშირგაბმულობის უზრუნველყოფას;

ლ) ახორციელებს ამ წესდებით (დებულებით) და კანონმდებლობით გათვალისწინებულ სხვა უფლებამოსილებებს.“;

დ)  მე-5 პუნქტის „ა“ ქვეპუნქტის შემდეგ დაემატოს შემდეგი შინაარსის „ა¹“ ქვეპუნქტი:

„ა¹) კანონმდებლობით დადგენილი წესით „112“-ის დირექტორს დასამტკიცებლად წარუდგენს „112“-ის წლიურ ბიუჯეტს;“;

ე) მე-6 პუნქტის „თ“ ქვეპუნქტის შემდეგ დაემატოს შემდეგი შინაარსის „თ¹“ ქვეპუნტი:

„თ¹) ასრულებს ადგილობრივ, საერთაშორისო და დონორ ორგანიზაციებში წარმომადგენლობით ფუნქციებს და ხელს უწყობს საერთაშორისო თანამშრომლობის განვითარებას;“;

ვ) მე-7 პუნქტის „ბ“ ქვეპუნქტის შემდეგ დაემატოს შემდეგი შინაარსის „ბ¹“ ქვეპუნქტი:

„ბ¹) თავისი კომპეტენციის ფარგლებში უზრუნველყოფს „112“-ის ოპერატორთა რანგირების მიზნით მათ შეფასებას;“;

ზ) მე-8 პუნქტი ამოღებულ იქნეს.