საჯარო სამართლის იურიდიული პირის - საქართველოს ოპერატიულ-ტექნიკური სააგენტოს მიერ მომსახურების გაწევის საფასურის განაკვეთების, ასევე ამ საფასურის გადახდის, მისი გადახდისგან გათავისუფლების და გადახდილი საფასურის დაბრუნების წესის დამტკიცების შესახებ საჯარო სამართლის იურიდიული პირის - საქართველოს ოპერატიულ-ტექნიკური სააგენტოს უფროსის 2019 წლის 20 თებერვლის №. 6 ბრძანებაში ცვლილების შეტანის შესახებ

1. წესის მე-3 მუხლს დაემატოს შემდეგი შინაარსის „ზ“ ქვეპუნქტი:

„ზ) პენეტრაციის ტესტით მომსახურება“.

2. წესის მე-4 მუხლს დაემატოს შემდეგი შინაარსის მე-7 პუნქტი:

„7. სააგენტოს მიერ პენეტრაციის ტესტით მომსახურება:

“.             

3. წესის მე-5 მუხლს დაემატოს შემდეგი შინაარსის მე-8 პუნქტი:

„8. მომსახურების საფასური ამ წესის მე-4 მუხლის მეშვიდე პუნქტით გათვალისწინებულ შემთხვევაში გამოითვლება 1 კაც-საათისთვის დადგენილი მომსახურების საფასურის განაკვეთის ნამრავლით პენეტრაციის ტესტით მომსახურებისთვის აუცილებელი კაც-საათების რაოდენობაზე.“.

4. წესს დაემატოს შემდეგი შინაარსის 8⁴ მუხლი:

„მუხლი 8⁴. მოთხოვნა პენეტრაციის ტესტით მომსახურებაზე

1. შემსყიდველი ორგანიზაცია პენეტრაციის ტესტით მომსახურების მოთხოვნით წერილობით მიმართავს სააგენტოს. წერილობით მოთხოვნა უნდა შეიცავდეს შემსყიდველის საკონტაქტო ინფორმაციას და ელექტრონული ფოსტის მისამართს. წერილობით მიმართვას თან უნდა ერთოდეს შესაბამისი ტექნიკური დავალების აღწერილობა. ტექნიკური დავალება უნდა იყოს მკაფიო და მასში მაქსიმალური სიზუსტით უნდა იყოს აღწერილი საინფორმაციო-ტექნოლოგიური ინფრასტრუქტურის ის ნაწილები, რომელთა მიმართაც უნდა განხორციელდეს პენეტრაციის ტესტი.

2. სააგენტო უფლებამოსილია, პენეტრაციის ტესტის ფარგლების, ამოცანების და ცალკეული ტექნიკური საკითხების დაზუსტების მიზნით მოსთხოვოს შემსყიდველ ორგანიზაციას დამატებითი ინფორმაციის წარმოდგენა და თუ ასეთი დაზუსტების შემდგომაც წარმოდგენილი ტექნიკური დავალება არ იქნება საკმარისი პენეტრაციის ტესტის განსახორციელებლად, სააგენტო უარს განაცხადებს შემსყიდველი ორგანიზაციის მომსახურებაზე.

3. პენეტრაციის ტესტის ტექნიკური დავალების შეფასების შემდეგ სააგენტო განსაზღვრავს პენეტრაციის ტესტის განხორციელებისთვის აუცილებელი კაც-საათების რაოდენობას და აღნიშნულის შესახებ აცნობებს შემსყიდველს მის მიერ მითითებულ ელექტრონულ ფოსტაზე.

4. შემსყიდველი ვალდებულია ამ მუხლის მე-3 პუნქტში აღნიშნული ინფორმაციის მიღებიდან 10 დღის განმავლობაში გაუგზავნოს სააგენტოს დასტური ან უარი მომსახურების შესყიდვაზე წერილობით ან ელექტრონული ფოსტის მისამართზე შესაბამისი შეტყობინების გაგზავნის გზით.

5. სააგენტოს პენეტრაციის ტესტის განხორციელების ვალდებულება წარმოეშობა ამ მუხლის მე-4 პუნქტში მითითებული თანხმობის და შესაბამისი ხელშეკრულების გაფორმების შემდეგ.“.