აღმასრულებელი ხელისუფლების, ზოგიერთი საჯარო დაწესებულების ემბლემის გამოსახვის წესი

ა) საქართველოს სახელმწიფო გერბის გამოსახულებითა და დაწესებულების დასახელების აღმნიშვნელი წარწერით შედგენილი ემბლემა, შენობის აბრა, ბანერი, საზოგადოებასთან ურთიერთობების სხვა საშუალება: სამინისტროებისათვის*, სახელმწიფო მინისტრის აპარატისათვის და საქართველოს მთავრობის ადმინისტრაციისათვის დანართ 1-ის, საქართველოს მთავრობისა და სამინისტროების კონტროლქვეშ არსებული საჯარო სამართლის იურიდიული პირებისა და სახელმწიფო საქვეუწყებო დაწესებულებების ემბლემებისთვის დანართ 2-ის, ხოლო მედიასთან საკომუნიკაციო ბანერის შემთხვევაში, შესაბამისი წესით – დანართ 3-ის შესაბამისად;

ბ) ოფიციალური კორესპონდენციის/წერილის ბლანკი სამინისტროებისთვის, სახელმწიფო მინისტრის აპარატისთვის, საქართველოს მთავრობის ადმინისტრაციისთვის დანართ 4-ის, ხოლო საჯარო სამართლის იურიდიული პირებისა და სახელმწიფო საქვეუწყებო დაწესებულებების შემთხვევაში – დანართ 5-ის შესაბამისად;

გ) ადმინისტრაციულ-სამართლებრივი აქტის ბლანკი  სამინისტროებისთვის, სახელმწიფო მინისტრის აპარატისთვის, საქართველოს მთავრობის ადმინისტრაციისთვის დანართ 6-ის, ხოლო საჯარო სამართლის იურიდიული პირებისა და სახელმწიფო საქვეუწყებო დაწესებულებების  შემთხვევაში – დანართ 7-ის შესაბამისად.

*შენიშვნა: ამ მუხლის „ა“ ქვეპუნქტი არ ვრცელდება:

ა) საქართველოს თავდაცვის სამინისტროს თავდაცვის ძალებისა და საქართველოს თავდაცვის სამინისტროს სისტემაში შემავალ საჯარო სამართლის იურიდიულ პირებზე;

ბ) საქართველოს შინაგან საქმეთა სამინისტროს მმართველობის სფეროში მოქმედ საჯარო სამართლის იურიდიულ პირებზე, საქართველოს შინაგან საქმეთა სამინისტროს მმართველობის სფეროში შემავალ სახელმწიფო საქვეუწყებო დაწესებულებაზე, საქართველოს შინაგან საქმეთა სამინისტროს ტერიტორიულ ორგანოებსა და საქართველოს შინაგან საქმეთა სამინისტროს ოპერატიულ-სამძებრო საქმიანობის, დანაშაულის წინააღმდეგ ბრძოლის, ღია და ფარული წყაროებიდან ინფორმაციის მოპოვების/დამუშავების/ანალიზის, საზოგადოებრივი უსაფრთხოებისა და მართლწესრიგის დაცვის, დაკავებულ და დაპატიმრებულ პირთა მიმართ ზედამხედველობის განხორციელების, უკანონო მიგრაციის წინააღმდეგ ბრძოლის, საგზაო მოძრაობის უსაფრთხოების უზრუნველყოფის, დისციპლინური ნორმების დარღვევაზე ზედამხედველობის, საექსპერტო-კრიმინალისტიკური და სპეციალური გამოკვლევების, ადმინისტრაციული შენობებისა და სხვა სტრატეგიული ობიექტების დაცვისა და უსაფრთხოების უზრუნველყოფის ფუნქციის მქონე დანაყოფებზე;

გ) საქართველოს კულტურის, სპორტისა და ახალგაზრდობის სამინისტროს მმართველობის სფეროში მოქმედ კულტურული და საგანმანათლებლო საქმიანობის განმახორციელებელ საჯარო სამართლის იურიდიულ პირებზე.