„საქართველოს იუსტიციის სამინისტროს სამართალშემოქმედების დეპარტამენტის დებულების დამტკიცების შესახებ“ საქართველოს იუსტიციის მინისტრის 2018 წლის 2 მაისის №299 ბრძანებაში ცვლილების შეტანის თაობაზე

საქართველოს იუსტიციის მინისტრის

2023 წლის 13 აპრილი

ქ. თბილისი

1. დებულებას დაემატოს შემდეგი შინაარსის III¹ თავი:

„თავი III¹. დეპარტამენტის სტრუქტურა

„მუხლი 6¹

დეპარტამენტის სტრუქტურული ერთეულებია:

ა) საჯარო სამართლის სამმართველო;

ბ) კერძო სამართლის სამმართველო.

მუხლი 6²

1. საჯარო სამართლის სამმართველო უზრუნველყოფს სამართლის შესაბამის დარგში/სფეროში ამ დებულების მე-6 მუხლით გათვალისწინებული ამოცანებისა და უფლებამოსილებების განხორციელებას, აგრეთვე, დეპარტამენტის უფროსისა და დეპარტამენტის უფროსის შესაბამისი მოადგილის მითითებებისა და ცალკეული დავალებების შესრულებას.

2. კერძო სამართლის სამმართველო უზრუნველყოფს სამართლის შესაბამის დარგში/სფეროში ამ დებულების მე-6 მუხლით გათვალისწინებული ამოცანებისა და უფლებამოსილებების განხორციელებას, აგრეთვე, დეპარტამენტის უფროსისა და დეპარტამენტის უფროსის შესაბამისი მოადგილის მითითებებისა და ცალკეული დავალებების შესრულებას.“.

2. დებულებას დაემატოს შემდეგი შინაარსის მე-10 მუხლი:

„მუხლი 10

1. დეპარტამენტში არსებულ სამმართველოს ხელმძღვანელობს სამმართველოს უფროსი, რომელსაც, კანონმდებლობით დადგენილი წესით, თანამდებობაზე ნიშნავს და თანამდებობიდან ათავისუფლებს მინისტრი.

2. სამმართველოს უფროსი:

ა) ხელმძღვანელობს სამმართველოს საქმიანობას;

ბ) ანაწილებს მოვალეობებს სამმართველოს საჯარო მოსამსახურეებს შორის და ორგანიზებას უწევს სამმართველოს მუშაობას;

გ) ანაწილებს სამმართველოში შემოსულ დოკუმენტებს, იხილავს და შესაბამის რეაგირებას ახდენს სამმართველოში მომზადებულ კორესპონდენციაზე;

დ) აკონტროლებს მინისტრის ბრძანებების, მინისტრის, კურატორი მინისტრის მოადგილის, დეპარტამენტის უფროსისა და დეპარტამენტის უფროსის შესაბამისი მოადგილის მითითებებისა და დავალებების შესრულებას; აკონტროლებს სამმართველოს საჯარო მოსამსახურეთა მიერ სამსახურებრივი დისციპლინის დაცვას;

ე) ასრულებს მინისტრის, კურატორი მინისტრის მოადგილის, დეპარტამენტის უფროსისა და დეპარტამენტის უფროსის შესაბამისი მოადგილის ცალკეულ დავალებებს.

3. სამმართველოს უფროსი სამმართველოზე დაკისრებული მოვალეობების შესრულებისთვის ანგარიშვალდებულია დეპარტამენტის უფროსისა და დეპარტამენტის უფროსის შესაბამისი მოადგილის წინაშე.“.