გურჯაანის მუნიციპალიტეტის საკრებულოს 2022 წლის 03 ივნისის №43 დადგენილებაში „ბინათმესაკუთრეთა ამხანაგობების აღრიცხვისა და ბინათმესაკუთრეთა ამხანაგობების განვითარების ხელშეწყობის განსახორციელებლად გათვალისწინებული თანხების განკარგვის წესის დამტკიცების შესახებ“ ცვლილების შეტანის თაობაზე

1. მე-10 მუხლის მე-3 პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) ამხანაგობის მიერ შერჩეული, მომსახურე ორგანიზაციის/მეწარმე სუბიექტის მიერ მომზადებული დეფექტური აქტისა და შესასრულებელი სამუშაოების ხარჯთაღრიცხვის დედანი, რომელიც შედგენილი უნდა იყოს მოქმედი სამშენებლო ნორმებისა და წესების მიხედვით, რესურსული მეთოდის გამოყენებით;“.

2. მე-10 მუხლის მე-3 პუნქტს დაემატოს შემდეგი შინაარსის „გ“ ქვეპუნქტი:

„გ) საჭიროების შემთხვევაში არქიტექტურული პროექტი;“.

3. მე-11 მუხლის პირველი პუნქტი ჩამოყალიბდეს შემდეგი რედაქციით:

„1. მერია, საქართველოს კანონის „ზოგადი ადმინისტრაციული კოდექსი“ თანახმად, აღრიცხავს ამხანაგობის მიერ შემოტანილ განცხადებებს, რომლებსაც განიხილავს მერიის ინფრასტრუქტურის, სივრცითი მოწყობისა და არქიტექტურის სამსახური, რომელიც ადგილზე შემოწმებით ადგენს შესასრულებელი სამუშაოების აუცილებლობასა და წარმოდგენილი დეფექტური აქტისა და ხარჯთაღღრიცხვის  შესაბამისობას წინამდებარე წესით დადგენილ პირობებთან და წარმოადგენს შესაბამის დასკვნას, რომლის საფუძველზეც მერია იღებს გადაწყვეტილებას;“.

4. მე-13 მუხლის მე-2 პუნქტი ჩამოყალიბდეს შემდეგი რედაქციით:

„2. ამხანაგობა ვალდებულია, სამუშაოს დასრულების შემდეგ, ხელშეკრულებით გათვალისწინებულ ვადაში და ხელშეკრულებით დადგენილი წესით, მერიაში წარადგინოს შესრულებული სამუშაოს თაობაზე ტექნიკურ-ფინანსური ანგარიში, შესაბამისი აკრედიტებული ექსპერტის დადებით დასკვნასთან ერთად, რომლის საფუძველზე, ამ წესის მე-10 მუხლის მე-2 პუნქტით განსაზღვრული პროცენტის ფარგლებში მერია ახორცილებს საბოლოო ფინანსურ ანგარიშსწორებას.“.