წყლის მიწოდების რეჟიმის განსაზღვრის წესისა და მორწყვის ნორმების დამტკიცების შესახებ

✨ ჰკითხე AI-ს ამ კანონის შესახებ
საქართველოს მინისტრის ბრძანება მოქმედი წყალი და კომუნალური გარემოწყალი
მიღების თარიღი
30.08.2023 ბოლო ცვლილება 27.02.2026
გამომცემი ორგანო
საქართველოს გარემოს დაცვისა და სოფლის მეურნეობის მინისტრი
ნომერი
№2-686
სარეგისტრაციო კოდი
400020000.22.023.016830
გამოქვეყნების წყარო
matsne.gov.ge , 31/08/2023
🧬 მსგავსი 10
🕸️ გრაფი — კავშირების ვიზუალიზაცია
← უკუმითითება ცვლილება → 🧬 სემანტიკური ეს აქტი
🧬 სემანტიკურად მსგავსი დოკუმენტები — 10

ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.

ცვლილებები (1)
1
„წყლის მიწოდების რეჟიმის განსაზღვრის წესისა და მორწყვის ნორმების დამტკიცების შესახებ“ საქართველოს გარემოს დაცვისა და სოფლის მეურნეობის მინისტრის 2023 წლის 30 აგვისტოს №2-686 ბრძანებაში ცვლილების შეტანის თაობაზე
27.02.2026
31.08.2023 27.02.2026

დოკუმენტის ტექსტი

📑 სარჩევი (7 მუხლი)
 

საქართველოს გარემოს დაცვისა და სოფლის მეურნეობის მინისტრის

ბრძანება №2-686

2023 წლის 30 აგვისტო

ქ. თბილისი

 

წყლის მიწოდების რეჟიმის განსაზღვრის წესისა და მორწყვის ნორმების დამტკიცების შესახებ

„წყალმომხმარებელთა ორგანიზაციების შესახებ“ საქართველოს კანონის 29-ე მუხლის მე-7 პუნქტის საფუძველზე, ვბრძანებ :


მუხლი 1

დამტკიცდეს თანდართული – წყლის მიწოდების რეჟიმის განსაზღვრის წესი და მორწყვის ნორმები.

მუხლი 2
ეს ბრძანება ამოქმედდეს გამოქვეყნებისთანავე.

საქართველოს გარემოს დაცვისა და სოფლის მეურნეობის მინისტრიოთარ შამუგია



წყლის მიწოდების რეჟიმის განსაზღვრის წესი და მორწყვის  ნორმები

 

მუხლი 1. ზოგადი დებულება
„წყლის მიწოდების რეჟიმის განსაზღვრის წესი და მორწყვის ნორმები“ (შემდგომ – „წესი“),შემუშავებულია „წყალმომხმარებელთა ორგანიზაციების შესახებ“ საქართველოს კანონის შესაბამისად და აწესრიგებს პირველადი წყალმოსარგებლის (შემდგომ – მიმწოდებლის) მიერ საირიგაციო სისტემაში წყლის მიწოდების რეჟიმის განსაზღვრის პროცედურებს და ადგენს  მორწყვის ნორმებს.

მუხლი 2. ტერმინთა განმარტება
1. ამ წესში გამოყენებულ ტერმინებს აქვს შემდეგი მნიშვნელობა:

ა)  მომხმარებელი – წყალმომხმარებელთა ორგანიზაცია ან სხვა წყალმომხმარებელი;

ბ) სარწყავი მიწა – სასოფლო-სამეურნეო გამოყენებისათვის ვარგისი წყალუზრუნველყოფილი და რეგულარული სარწყავი მიწა;

გ) წყლის მიწოდების რეჟიმი – მიმწოდებლის მიერ კონკრეტული საირიგაციო სისტემისთვის განსაზღვრული, მისაწოდებელი წყლის მოცულობა და ჯერადობა;

დ) წყლის მიწოდების ბრუტო მოცულობა – მომხმარებლის მიერ მოთხოვნილი წყლის მისაწოდებლად, წყლის კვების წყაროდან აღებული წყლის რაოდენობა, რომელიც მოიცავს წყლის ტრანსპორტირების დროს არსებულ დანაკარგებსაც;

ე) წყლის მიწოდების ნეტო მოცულობა – მომხმარებლისათვის მისაწოდებელი წყლის რაოდენობა დადგენილი ნორმების შესაბამისად;

ვ) წყლის კვების წყარო – მდინარე, წყალსაცავი ან/და წყლის სხვა ობიექტი, საიდანაც ხდება წყლის აღება სარწყავი ან/და სხვა არაპროფილური დანიშნულებით.

2. ამ წესის მიზნებისათვის, ასევე გამოიყენება „წყალმომხმარებელთა ორგანიზაციების შესახებ“ საქართველოს კანონით  განსაზღვრული ტერმინები, თუ ამ წესით სხვაგვარად არ არის დადგენილი.

მუხლი 3. წყლის მიწოდების რეჟიმის განსაზღვრის ძირითადი პრინციპები
1. მიმწოდებელი ვალდებულია ყოველწლიურად გამოაქვეყნოს და დაამტკიცოს მის მფლობელობაში არსებულ თითოეულ საირიგაციო სისტემასთან მიმართებაში წყლის მიწოდების რეჟიმი, წყლის მიწოდების არეალების გათვალისწინებით.
2. წყლის მიწოდების რეჟიმი მიმწოდებლის მიერ უნდა შემუშავდეს გასული წლის წყალაღების, მდინარეთა კალაპოტებში წყლის ხარჯების და წყალსაცავებში წყლის მოცულობის,  გასული 2 წლის მონაცემების წყლის განაწილების (წყლის ბრუტო და ნეტო მოცულობების) ლიმიტების, მომხმარებელთა საპროგნოზო მოთხოვნის, არსებული ჰიდროლოგიური მდგომარეობისა და სხვა სავარაუდო საპროგნოზო გარემოებების გათვალისწინებით, რომელიც უშუალოდ დაკავშირებულია წყლის მიწოდების რეჟიმის განსაზღვრასთან.
3. წყლის მიწოდების რეჟიმის შემუშავებისას ირიგაციასთან ერთად, ასევე გათვალისწინებული უნდა იქნეს ენერგეტიკული, საწარმოო, თევზის მეურნეობისა და სხვა დანიშნულებით წყლის მიწოდება, იმგვარად, რომ უზრუნველყოფილ იქნეს პრიორიტეტული გარემოს შექმნა პროფილური მომხმარებლისთვის.
4. წყლის მიწოდების რეჟიმი ისე უნდა განისაზღვროს, რომ ითვალისწინებდეს წყალსაცავებში დასატოვებელი წყლის აუცილებელ მოცულობას, რომელიც გამოიყენება საირიგაციო სისტემისა და ამ წყალსაცავის სწორი ექსპლუატაციის მოთხოვნებიდან გამომდინარე, შემდგომი საირიგაციო პერიოდისთვის.
5. წყლის მიწოდების რეჟიმში,  ელექტროენერგიის გენერაციის ობიექტებისთვის,  განცალკევებულად უნდა განისაზღვროს რეჟიმები, მათი სპეციფიკის გათვალისწინებით.
6. მიწოდების რეჟიმი უნდა განსაზღვრავდეს საირიგაციო სისტემაში წყლის მიწოდების მოცულობებს, შესაბამისი სარწყავი მიწების არეალების მიხედვით. ასევე, უნდა ითვალისწინებდეს მოცემული არეალებისთვის დეფიციტის პირობებში  განსაზღვრულ რეჟიმებს.
7. წყლის მიწოდების რეჟიმის საერთო (ჯამური) წყალმოთხოვნილება არ უნდა აღემატებოდეს როგორც საირიგაციო სისტემის წყლის კვების წყაროს რესურსებს, ასევე საირიგაციო სისტემის არხებისა და ჰიდროტექნიკური ნაგებობების გამტარუნარიანობას.
8. მიმწოდებელი, თითოეულ წყალსაცავისთვის განსაზღვრავს დასატოვებელი წყლის აუცილებელ მოცულობას, წყალსაცავის თავისებურებებისა და  მოქმედი  კანონმდებლობის შესაბამისად.

მუხლი 4. წყლის მიწოდების რეჟიმის დამტკიცება და საჯაროობა
1. მიმწოდებელი ვალდებულია ყოველი წლის პირველ ნოემბრამდე გამოაქვეყნოს ცალკეულ საირიგაციო სისტემაზე, ამ წესებით განსაზღვრული პრინციპების დაცვით მომზადებული საირიგაციო სისტემის წყლის მიწოდების რეჟიმის პროექტი და დაინტერესებული პირების მიერ წინადადებების და მოსაზრებების წარმოსადგენად განსაზღვროს გონივრული ვადა, მაგრამ არაუგვიანეს რეჟიმის დამტკიცებამდე 10 სამუშაო დღისა.
2. წყლის მიწოდების რეჟიმის პროექტის გამოქვეყნების შემდეგ, მიმწოდებელი ვალდებულია დაინტერესებულ პირებთან (ფერმერებთან, ელექტროენერგიის გენერაციის ობიექტებთან, თევზის მეურნეობის მფლობელებთან და სხვა პირებთან) მოაწყოს გამოქვეყნებული პროექტის საჯარო განხილვები.
3. დაინტერესებული პირების მიერ მოთხოვნილი წინადადებები სარწყავი სისტემის წყალმომარაგების რეჟიმის პროექტში ცვლილებასთან დაკავშირებით, საჯაროა და ხელმისაწვდომი უნდა იყოს ყველა დაინტერესებული პირისთვის.
4. მიმწოდებელი ვალდებულია, კალენდარული წლის პირველ თებერვლამდე განიხილოს წყლის მიწოდების რეჟიმთან მიმართებით მიღებული წინადადებები და მოსაზრებები, მათ შორის მომხმარებლის მიერ მიწოდებული ინფორმაცია მოთხოვნილი წყალსარგებლობის განრიგის, მოხმარების მიზნობრიობის და მორწყვის მეთოდის  შესახებ და მხოლოდ მას შემდეგ დაამტკიცოს საირიგაციო სისტემის წყლის მიწოდების რეჟიმი, ამ წესით განსაზღვრულ პირობებისა და პროცედურების დაცვით.
5. მიმწოდებელი ვალდებულია ყოველი წლის პირველ თებერვლამდე დაამტკიცოს წყლის მიწოდების რეჟიმები, მის მფლობელობაში არსებულ ყველა საირიგაციო სისტემასთან მიმართებაში.
6. წყალმომარაგების რეჟიმი უნდა მოიცავდეს მისი დამტკიცებიდან 12-თვიან პერიოდს.
7. საირიგაციო სისტემის წყლის მიწოდების რეჟიმი და მასში განხორციელებული ნებისმიერი ცვლილება საჯაროა და ხელმისაწვდომი უნდა იყოს ყველა დაინტერესებული პირისთვის.

მუხლი 5. მორწყვის ნორმები  
სარწყავი მიწისთვის  მისაწოდებელი წყლის მოცულობის გათვალისწინებით, ერთი ჰექტარი სარწყავი მიწის ერთჯერადი მორწყვის ნორმაა:

ა) ერთწლოვანი კულტურებისთვის – 1411 მ³;

ბ) მრავალწლოვანი კულტურებისთვის – 1235 მ³.



ხშირად დასმული კითხვები

მოქმედებს თუ არა „წყლის მიწოდების რეჟიმის განსაზღვრის წესისა და მორწყვის ნორმების დამტკიცების შესახებ“?
დიახ, საქართველოს მინისტრის ბრძანება „წყლის მიწოდების რეჟიმის განსაზღვრის წესისა და მორწყვის ნორმების დამტკიცების შესახებ“ ამჟამად ძალაშია. ბოლო კონსოლიდირებული რედაქცია — 27.02.2026.
როდის იქნა მიღებული „წყლის მიწოდების რეჟიმის განსაზღვრის წესისა და მორწყვის ნორმების დამტკიცების შესახებ“?
„წყლის მიწოდების რეჟიმის განსაზღვრის წესისა და მორწყვის ნორმების დამტკიცების შესახებ“ მიღებულია 30.08.2023. მიმღები ორგანო — საქართველოს გარემოს დაცვისა და სოფლის მეურნეობის მინისტრი. დოკუმენტის ნომერი — №2-686. სარეგისტრაციო კოდი — 400020000.22.023.016830.
რამდენჯერ შევიდა ცვლილება „წყლის მიწოდების რეჟიმის განსაზღვრის წესისა და მორწყვის ნორმების დამტკიცების შესახებ“-ში?
დოკუმენტში სულ 1 ცვლილებაა შესული. მოქმედი რედაქცია ძალაშია 27.02.2026-დან.
რამდენი მუხლისგან შედგება „წყლის მიწოდების რეჟიმის განსაზღვრის წესისა და მორწყვის ნორმების დამტკიცების შესახებ“?
დოკუმენტი შედგება 7 მუხლისგან. თითოეული მუხლი ხელმისაწვდომია ცალკე ბმულით.
სად არის „წყლის მიწოდების რეჟიმის განსაზღვრის წესისა და მორწყვის ნორმების დამტკიცების შესახებ“-ის ოფიციალური ტექსტი?
ოფიციალური წყაროა საქართველოს საკანონმდებლო მაცნე (matsne.gov.ge). legali.ge-ზე ტექსტი მოცემულია 27.02.2026 მდგომარეობით.

როგორ დავიმოწმოთ

საქართველოს მინისტრის ბრძანება „წყლის მიწოდების რეჟიმის განსაზღვრის წესისა და მორწყვის ნორმების დამტკიცების შესახებ“, №2-686, 30.08.2023, სარეგისტრაციო კოდი 400020000.22.023.016830 (კონსოლიდირებული რედაქცია 27.02.2026). ხელმისაწვდომია: https://legali.ge/law/5903390/