„ზუგდიდის მუნიციპალიტეტის საკრებულოს დებულების (რეგლამენტი) დამტკიცების შესახებ“ ზუგდიდის მუნიციპალიტეტის საკრებულოს 2017 წლის 14 ნოემბრის №1 დადგენილებაში ცვლილების შეტანის თაობაზე

ა) მე-3 მუხლის მე-6 პუნქტს დაემატოს შემდეგი შინაარსის „ლ“ ქვეპუნქტი:

 „ლ) ზუგდიდის მუნიციპალიტეტის მერიის მიერ შესყიდვების გეგმის შესაბამისად წინა წელს განხორციელებული შესყიდვების შესახებ ანგარიშის მოსმენა და ცნობად მიღება.“;

ბ) 52-ე მუხლის სათაური ჩამოყალიბდეს შემდეგი რედაქციით:

„მუხლი 52. საკრებულოს სხდომაზე რეგისტრაცია. სხდომის გაცდენის საპატიო მიზეზი“;

გ) 52-ე მუხლს დაემატოს შემდეგი შინაარსის მე-5 პუნქტი:

„5. საკრებულოს წევრის მიერ  სხდომის (საკრებულოს, ბიუროს, კომისიის) გაცდენის საპატიო მიზეზად ითვლება მისი ავადმყოფობა (დადასტურებული საავადმყოფო ფურცლით), სამსახურებრივი მივლინება, შვებულება, ოჯახის წევრის დაბადება, გარდაცვალება, ავადმყოფობა (დადასტურებული საავადმყოფო ფურცლით). ამ მიზეზის თაობაზე სხდომამდე წერილობით ინფორმირებული უნდა იქნეს საკრებულოს აპარატი. ამ პუნქტის მიზნებისათვის „ოჯახის წევრში“ იგულისხმება მეუღლე, პირდაპირი აღმავალი ან დამავალი შტოს ნათესავი, გერი, და, ძმა.“;

დ) 113​¹ მუხლის პირველი და მე-3 პუნქტები ჩამოყალიბდეს შემდეგი რედაქციით:

„1. მუნიციპალიტეტის მიერ დაფუძნებული კერძო სამართლის იურიდიული პირის ხელმძღვანელობაზე პასუხისმგებელი პირი ვალდებულია ზუგდიდის მუნიციალიტეტის საკრებულოს შესაბამის კომისიას  ყოველკვარტალურად წარუდგინოს გაწეული საქმიანობის ანგარიში (წერილობით).  კომისია  უზრუნველყოფს კვარტალური ანგარიშის დამუშავებას  და   საჭიროების შემთხვევაში შეიმუშავებს რეკომენდაციას.“.

„3. საკრებულოს კომისიის  გადაწყვეტილებით მუნიციპალიტეტის მიერ დაფუძნებული კერძო სამართლის იურიდიული პირის ანგარიში  განიხილება   საკრებულოს სხდომაზე. საკრებულო წელიწადში ერთხელ აფასებს (დადებითი/უარყოფითი) კერძო სამართლის იურიდიული პირების საქმიანობას და  საჭიროების შემთხვევაში გასცემს რეკომენდაციას.“;

ე) 134-ე მუხლის  პირველი პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) ქალაქ თბილისის მუნიციპალიტეტის ა(ა)იპ „მუნიციპალური სერვისების განვითარების სააგენტოს“ საქმისწარმოების ავტომატიზებული სისტემის (MCDoc) დანერგვა;“.