1. სამსახურის პენიტენციური დეპარტამენტის გარე დაცვისა და ინფორმაციულ-ტექნიკური უსაფრთხოების მთავარი სამმართველოს მოსამსახურე (შემდგომ – გუშაგი) გამშვებ პუნქტზე გაატარებს:

ა) სამინისტროს, სამსახურისა და დაწესებულების მოსამსახურეებს – სამსახურებრივი მოწმობით;

ბ) გამომძიებლებსა და პროკურორებს – სამსახურებრივი მოწმობითა და შესაბამისი საშვით;

გ) ადვოკატს – სამსახურებრივი მოწმობით, საქართველოს კანონმდებლობით დადგენილი ფორმის ორდერით და შესაბამისი საშვით;

დ) პაემანზე მისულ პატიმრობის კოდექსის მე-17 მუხლის მე-2 ნაწილით გათვალისწინებულ პირებს, დაწესებულების მოსამსახურის თანხლებით, თუ მათ აქვთ დაწესებულების დირექტორის წერილობითი ნებართვა, აგრეთვე ამ დებულების 63-ე მუხლის საფუძველზე გაცემული საშვი;

ე) პატიმრობის კოდექსის მე-60 მუხლის პირველი ნაწილით გათვალისწინებულ პირებს - სამსახურებრივი მოწმობითა და პირადობის დამადასტურებელი ან სხვა საიდენტიფიკაციო, ფოტოსურათიანი დოკუმენტით;

ვ) სხვა პირებს, რომლებიც თავიანთი სამუშაოს ხასიათიდან გამომდინარე უნდა შევიდნენ დაწესებულებაში – ერთჯერადი ან დროებითი საშვითა და პირადობის დამადასტურებელი ან სხვა საიდენტიფიკაციო, ფოტოსურათიანი დოკუმენტით.

2. გამშვებ დერეფანში პირების გაშვებისას გუშაგი იცავს შემდეგ თანმიმდევრობას:

ა) გუშაგი ამოწმებს პირზე დაშვებულ საშვს, პირადობის დამადასტურებელ ან სხვა საიდენტიფიკაციო, ფოტოსურათიან დოკუმენტს და დარწმუნდება მის სისწორესა და კუთვნილებაში წარმდგენი პირის მიმართ. თუ შემოწმებისას გუშაგს პირადობის დამადასტურებელი ან სხვა საიდენტიფიკაციო, ფოტოსურათიანი დოკუმენტის სისწორეში ან/და წარმდგენი პირის მიერ საბუთის კუთვნილებაში ეჭვი შეეპარება, დოკუმენტის დაბრუნების გარეშე მოახსენებს ყარაულის უფროსს ან ყარაულის უფროსის თანაშემწეს და მოქმედებს მისი მითითებით;

ბ) გუშაგი პირს სთავაზობს სპეციალურად გამოყოფილ ადგილზე დატოვოს ნივთები, რომელთა შეტანაც დაწესებულების ტერიტორიაზე აკრძალულია;

გ) გამოკითხავს პირს, აქვს თუ არა მას ცეცხლსასროლი იარაღი. თუ პირს ცეცხლსასროლი იარაღი აქვს, გუშაგი მოახსენებს ყარაულის უფროსს ან ყარაულის უფროსის თანაშემწეს, მისი ბრძანებით ინახავს ცეცხლსასროლ იარაღს შესაბამის დაცულ ადგილას და სანაცვლოდ აძლევს პირს შესაბამის ნომერს. ცეცხლსასროლი იარაღის მიღება/გაცემა რეგისტრირდება სათანადო ჟურნალში (დანართი №15);

დ) შემოწმების შემდეგ აღებს პირველ შემსვლელ კარს, შეუშვებს გამშვებ დერეფანში პირს და დაკეტავს კარს;

ე) არ დაუშვებს გამშვებ დერეფანში 3 პირზე მეტის ყოფნას, დაწესებულებიდან გამომსვლელი და დაწესებულებაში შემსვლელი პირების ერთად ყოფნას, აგრეთვე ბრალდებულთა/მსჯავრდებულთა და სხვა პირების ერთდროულ გაშვებას, გარდა იმ შემთხვევებისა, როდესაც ბრალდებულს/მსჯავრდებულს ახლავს დაწესებულების წარმომადგენელი.

3. პირებს, რომლებიც შედიან დაწესებულებაში, გუშაგი ართმევს პირადობის დამადასტურებელ დოკუმენტს და უტოვებს საშვს, ხოლო გამოსვლისას უბრუნებს პირადობის დამადასტურებელ დოკუმენტს. როდესაც დაწესებულებაში ერთჯერადი საშვით შემსვლელ პირს, აგრეთვე პატიმრობის კოდექსის მე-17 მუხლის მე-2 ნაწილით გათვალისწინებულ პირს, რომელიც ხანმოკლე პაემანზეა მოსული, ჩამოერთმევა პირადობის დამადასტურებელი დოკუმენტი და გადაეცემა საშვი, გამოსვლისას უბრუნდება პირადობის დამადასტურებელი დოკუმენტი და ჩამოერთმევა საშვი. პირს, რომელმაც დაწესებულებიდან გამოსვლის დროს გადაამეტა, გუშაგი შეაჩერებს დროის გადამეტების მიზეზის გამორკვევამდე.

4. თუ არსებობს დასაბუთებული ვარაუდი, რომ საკონტროლო-გამშვებ პუნქტში გამსვლელ პირს განზრახული აქვს, შეიტანოს დაწესებულებაში ან გამოიტანოს დაწესებულებიდან აკრძალული ნივთი. გუშაგი ან/და უსაფრთხოების განყოფილების მოსამსახურე ამ პირს განუცხადებს, რომ მას შესვლის/გამოსვლის უფლება მიეცემა მხოლოდ იმ შემთხვევაში, თუ იგი თანხმობას განაცხადებს მისი კუთვნილი ნივთებისა და ტანსაცმლის შემოწმებაზე. შემოწმებას ახორციელებს იმავე სქესის მოსამსახურე, რა სქესსაც მიეკუთვნება შესამოწმებელი პირი. შემოწმების შედეგად გადამალული საგნების, ნაკეთობების ან ნივთიერებების აღმოჩენის შესახებ ეცნობება ოპერატიულ მორიგესა და უსაფრთხოების განყოფილების მოსამსახურეს, რომლებიც პირს დროებით შეაჩერებენ, რაზეც დაუყოვნებლივ ეცნობება სამსახურს და შესაბამის საგამოძიებო ორგანოს სამინისტროს გენერალურ ინსპექციას.

5. დაწესებულებაში ბრალდებულთან/მსჯავრდებულთან შეხვედრაზე შემსვლელი პირისათვის აკრძალულია ამ დებულების დანართი №5-ით გათვალისწინებული ნივთის შეტანა.

6. საკონტროლო-გამშვებ პუნქტზე პირის შეჩერების შესახებ ყარაულის უფროსი აკეთებს ჩანაწერს საყარაულო უწყისში და მიუთითებს, ვინ როდის რა მიზეზით იქნა შეჩერებული შესამოწმებლად, ვინ ატარებს შემოწმებას და შემოწმების შედეგებს.

7. დაწესებულებაში და დაწესებულების ტერიტორიაზე არსებულ საწარმოებში ქალები (სტუმრები) შეიშვებიან მხოლოდ დაწესებულების მოსამსახურეთა (კაცების) თანხლებით.

8. დაწესებულებაში იქმნება დაწესებულებაში შემსვლელ/გამომსვლელ პირთა სარეგისტრაციო ჟურნალი, რომელსაც აწარმოებს №1 განყოფილების უფროსის მიერ უფლებამოსილი პირ