„გუდაურის სარეკრეაციო ტერიტორიის ქალაქთმშენებლობითი გეგმების დამტკიცების თაობაზე“ საქართველოს მთავრობის 2019 წლის 2 დეკემბრის №587 დადგენილებაში ცვლილების შეტანის შესახებ

1. დადგენილების სათაური ჩამოყალიბდეს შემდეგი რედაქციით:

„გუდაურისა და ხადის ხეობის სარეკრეაციო ტერიტორიის ქალაქთმშენებლობითი გეგმების დამტკიცების თაობაზე“.

2. დადგენილების პირველი მუხლის:

ა) პირველი პუნქტი ჩამოყალიბდეს შემდეგი რედაქციით:

„1. გუდაურის სარეკრეაციო ტერიტორიის ქალაქთმშენებლობითი დოკუმენტაცია − თანდართული ტექსტური ნაწილი, აგრეთვე დანართი №1 და დანართი №2.“;

ბ) მე-5 პუნქტის შემდგომ დაემატოს შემდეგი შინაარსის მე-6 პუნქტი:

„6. ხადის ხეობის სარეკრეაციო ტერიტორიის რუკა (დანართი №7).“.

3. დადგენილებას დაემატოს ამ მუხლის მე-2 პუნქტის „ა“ ქვეპუნქტით გათვალისწინებული თანდართული „ტექსტური ნაწილი“ და ჩამოყალიბდეს ამ დადგენილების დანართ №1-ით განსაზღვრული რედაქციით.

4. დადგენილების პირველი მუხლის მე-2 პუნქტით დამტკიცებული დანართი 3 ჩამოყალიბდეს ამ დადგენილების დანართ №2-ით განსაზღვრული რედაქციით.

5. დადგენილების პირველი მუხლის მე-3 პუნქტით დამტკიცებული დანართი 4 ჩამოყალიბდეს ამ დადგენილების დანართ №3-ით განსაზღვრული რედაქციით.

6. დადგენილებას დაემატოს ამ მუხლის მე-2 პუნქტის „ბ“ ქვეპუნქტით გათვალისწინებული დანართი №7 და ჩამოყალიბდეს ამ დადგენილების დანართ №4-ით განსაზღვრული რედაქციით.