„დავების განხილვის წესების დამტკიცების შესახებ“ საქართველოს ენერგეტიკისა და წყალმომარაგების მარეგულირებელი ეროვნული კომისიის 2020 წლის 4 ივნისის №24 დადგენილებაში ცვლილების შეტანის შესახებ
🕸️ გრაფი — კავშირების ვიზუალიზაცია
📥 უკუმითითებები — 1 დოკუმენტი
საქართველოს ენერგეტიკისა და წყალმომარაგების მარეგულირებელი ეროვნული კომისიის დადგენილება (1)
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
|
საქართველოს ენერგეტიკისა და წყალმომარაგების მარეგულირებელი ეროვნული კომისიის დადგენილება №60 |
|
2023 წლის 21 დეკემბერი ქ. თბილისი |
„ნორმატიული აქტების შესახებ“ საქართველოს ორგანული კანონის მე-14 მუხლისა და მე-20 მუხლის მე-4 და მე-6 პუნქტების, აგრეთვე, „ენერგეტიკისა და წყალმომარაგების შესახებ“ საქართველოს კანონის 23-ე და 155-ე მუხლების საფუძველზე, საქართველოს ენერგეტიკისა და წყალმომარაგების მარეგულირებელი ეროვნული კომისია ადგენს:
|
| მუხლი 1 |
„დავების განხილვის წესების დამტკიცების შესახებ“ საქართველოს ენერგეტიკისა და წყალმომარაგების მარეგულირებელი ეროვნული კომისიის 2020 წლის 4 ივნისის №24 დადგენილებაში (საქართველოს საკანონმდებლო მაცნე, www.matsne.gov.ge, 10/06/2020, სარეგისტრაციო კოდი: 010220020.16.009.016374) შევიდეს ცვლილება და ამ დადგენილებით დამტკიცებული დავების განხილვის წესების მე-16 მუხლი ჩამოყალიბდეს შემდეგი რედაქციით:
„მუხლი 16. სადავო საკითხის განხილვის ვადა 1. კომისია განცხადებას/ადმინისტრაციულ საჩივარს იხილავს და გადაწყვეტილებას იღებს განცხადების/ადმინისტრაციული საჩივრის კომისიაში რეგისტრაციიდან 2 თვის ვადაში. 2. ამ მუხლის პირველი პუნქტით განსაზღვრული ვადა, გამონაკლის შემთხვევაში, კომისიის დასაბუთებული გადაწყვეტილებით, შეიძლება გაგრძელდეს 2 თვით, თუ საქმის სირთულიდან გამომდინარე კომისიას ესაჭიროება დამატებითი დრო საკითხის გადაწყვეტისათვის. კომისია ვადის გაგრძელების თაობაზე გადაწყვეტილებას იღებს ამ მუხლის პირველი პუნქტით გათვალისწინებული ორთვიანი ვადის ამოწურვამდე, ზეპირი მოსმენის გარეშე, კომისიის აპარატის შესაბამისი სტრუქტურული ერთეულის შუამდგომლობით და ამის შესახებ აცნობებს განცხადების/ადმინისტრაციული საჩივრის წარმდგენ პირს.“. |
| მუხლი 2 |
ეს დადგენილება ამოქმედდეს გამოქვეყნებისთანავე.
|
|