„ფასიანი ქაღალდების საჯარო შეთავაზებისა და განთავსების ანგარიშის წარდგენის წესის დამტკიცების თაობაზე“ საქართველოს ეროვნული ბანკის პრეზიდენტის 2020 წლის 7 ოქტომბრის №179/04 ბრძანებაში ცვლილების შეტანის შესახებ

საქართველოს ეროვნული ბანკის პრეზიდენტის

2023 წლის 26 დეკემბერი

ქ. თბილისი

1.  ბრძანებით დამტკიცებულ წესს დაემატოს შემდეგი შინაარის 10¹ მუხლი:

„მუხლი 10¹. გამარტივებული ემისიის პროსპექტი

1. ეროვნული ბანკის მიერ ლიცენზირებული კომერციული ბანკის სასესხო ფასიანი ქაღალდების საჯარო შეთავაზება შესაძლებელია განხორციელდეს ამ წესის დანართი №11-ის შესაბამისად შედგენილი და ეროვნული ბანკის მიერ დამტკიცებული გამარტივებული ემისიის პროსპექტის საფუძველზე.

2. გამარტივებულ ემისიის პროსპექტზე ვრცელდება ამ წესით დადგენილი მოთხოვნები, გარდა ამ წესის მე-4 მუხლის მე-3 პუნქტის „გ“, „დ“, „ვ“ და „ზ“ ქვეპუნქტებით, ასევე მე-5-მე-9 მუხლებით გათვალისწინებული  მოთხოვნებისა.

3. ამ მუხლის პირველი პუნქტი არ ვრცელდება იმ სასესხო ფასიანი ქაღალდის საჯარო შეთავაზებაზე, რომლებიც აკმაყოფილებს ერთ-ერთ შემდეგ პირობას:

ა) სუბორდინირებული ან კონვერტირებადია;

ბ) უზრუნველყოფს სხვა ტიპის ფასიანი ქაღალდის შეძენის ან გამოწერის უფლებას;

გ) დაკავშირებულია დერივატივთან.“.

2.   ბრძანების №1-10 დანართები ჩამოყალიბდეს თანდართული რედაქციით.

3.   ბრძანებას დაემატოს დანართი №11 თანდართული რედაქციით.