მასწავლებლის ეროვნული პრემიით დაჯილდოების წესის დამტკიცების შესახებ

მასწავლებლის ეროვნული პრემიით დაჯილდოების წესის დამტკიცების შესახებ საქართველოს მთავრობის დადგენილება №139 2024 წლის 16 აპრილი ქ. თბილისი მასწავლებლის ეროვნული პრემიით დაჯილდოების წესის დამტკიცების შესახებ მუხლი 1🔗 „ზოგადი განათლების შესახებ“ საქართველოს კანონის 25-ე მუხლის მე-2 პუნქტის „ბ“ ქვეპუნქტის „ბ.გ“ ქვეპუნქტის შესაბამისად, დამტკიცდეს „მასწავლებლის ეროვნული პრემიით დაჯილდოების წესი“ ამ დადგენილების დანართის შესაბამისად.  მუხლი 2🔗 დადგენილება ამოქმედდეს გამოქვეყნებისთანავე. პრემიერ-მინისტრიირაკლი კობახიძე მასწავლებლის ეროვნული პრემიით დაჯილდოების წესი მუხლი 1🔗 1.  მასწავლებლის ეროვნული პრემიით დაჯილდოების წესი (შემდგომში – წესი) განსაზღვრავს საქართველოს ზოგადსაგანმანათლებლო დაწესებულებაში დასაქმებული მასწავლებლების (შემდგომში – მასწავლებელი) მასწავლებლის ეროვნული პრემიით დაჯილდოების პირობებს. 2. მასწავლებლის ეროვნული პრემია გადაეცემა განათლების სისტემის განვითარებაში შეტანილი განსაკუთრებული წვლილისთვის ღვაწლმოსილ მასწავლებელს (შემდგომში –  ლაურეატი). 3.  მასწავლებლის ეროვნული პრემია მოიცავს  ლაურეატზე გადასაცემ: ა) ერთდროულ ფულად გასაცემელს – 10 000 ლარს;   ბ) სამკერდე ნიშანს, რომლის ნიმუშსა და აღწერილობას ინდივიდუალური ადმინისტრაციულ-სამართლებრივი აქტით ამტკიცებს საქართველოს განათლების, მეცნიერებისა და ახალგაზრდობის მინისტრი (შემდგომში – მინისტრი). მუხლი 2🔗 1. მასწავლებლის ეროვნული პრემიის მოსაპოვებლად ლაურეატთა გამოვლენის მიზნით კანდიდატურები წარედგინება მინისტრის მიერ შექმნილ კომისიას. 2. მასწავლებლის ეროვნული პრემიის ლაურეატებს მინისტრის ინდივიდუალური ადმინისტრაციულ-სამართლებრივი აქტით დამტკიცებული კრიტერიუმების საფუძველზე ავლენს ამ მუხლის პირველი პუნქტით განსაზღვრული კომისია. 3. ლაურეატს მასწავლებლის ეროვნული პრემია ენიჭება მინისტრის ინდივიდუალური ადმინისტრაციულ-სამართლებრივი აქტით. 4. მასწავლებლის ეროვნული პრემია  ლაურეატს გადაეცემა საჯაროდ, საზეიმო ვითარებაში. მუხლი 3🔗. ამ წესის პირველი მუხლის მე-3 პუნქტის „ა“ ქვეპუნქტით გათვალისწინებული ერთდროული ფულადი გასაცემელი წარმოადგენს წლიური სახელმწიფო ბიუჯეტის შესახებ საქართველოს კანონით განსაზღვრული ასიგნებებიდან სახელმწიფოს მიერ ერთჯერადი გასაცემლის სახით გადასახდელ ფულად თანხას, რომელიც ლაურეატზე გაიცემა პროგრამის – „მასწავლებლის ეროვნული პრემიის“ (პროგრამული კოდი: 32 02 13) ფარგლებში გათვალისწინებული ასიგნებებიდან.