„დაგროვებითი პენსიის შესახებ“ საქართველოს კანონში ცვლილების შეტანის თაობაზე“ საქართველოს კანონში ცვლილების შეტანის შესახებ

1. პირველი მუხლის:

ა) მე-3 პუნქტის „დ“ ქვეპუნქტი ჩამოყალიბდეს შემდეგი რედაქციით:

„დ) მე-6 პუნქტის შემდეგ დაემატოს შემდეგი შინაარსის მე-7 პუნქტი:

„7. ამ კანონით გათვალისწინებული საპენსიო შენატანები ხორციელდება, აგრეთვე დამსაქმებლებსა და დასაქმებულებთან/მონაწილეებთან ანგარიშსწორება (მათ შორის, პენსიის/საპენსიო აქტივების საპენსიო სააგენტოს მიერ გადაცემა/გადახდა/დაბრუნება) ხდება საქართველოს ეროვნულ ვალუტაში (ლარში).“.“;

ბ) 30-ე პუნქტი ამოღებულ იქნეს.

2. მე-3 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. ეს კანონი, გარდა ამ კანონის პირველი მუხლის მე-6 პუნქტის „გ“ ქვეპუნქტისა, მე-7 პუნქტისა, მე-8 პუნქტის „დ“ ქვეპუნქტით განსაზღვრული კანონის მე-8 მუხლის მე-4 პუნქტის „მ“ ქვეპუნქტისა, მე-16 პუნქტით განსაზღვრული კანონის 15¹ მუხლის მე-4 პუნქტის „ბ“ ქვეპუნქტისა, 28-ე პუნქტის „ა“−„ვ“ ქვეპუნქტებისა, 34-ე პუნქტის „გ“ ქვეპუნქტისა და 36-ე პუნქტით განსაზღვრული კანონის 34¹ მუხლის მე-2 პუნქტისა და ამ კანონის მე-2 მუხლის პირველი პუნქტისა, ამოქმედდეს გამოქვეყნებისთანავე.“;

ბ) მე-5 პუნქტი ამოღებულ იქნეს.

თბილისი,

27 ივნისი 2024 წ.

№4313-XIVმს-Xმპ