„საქართველოს სპორტსმენთა ხელშეწყობის სახელმწიფო მიზნობრივი პროგრამის დამტკიცების შესახებ“ საქართველოს მთავრობის 2014 წლის 6 იანვრის №39 დადგენილებაში ცვლილების შეტანის თაობაზე

ა) პირველი, მე-2 და მე-3 მუხლები ჩამოყალიბდეს შემდეგი რედაქციით:

„მუხლი 1. „საქართველოს სპორტსმენთა ხელშეწყობის სახელმწიფო მიზნობრივი პროგრამა“ (შემდგომში – პროგრამა) განსაზღვრავს იმ ღონისძიებათა ნუსხას, რომლებმაც ხელი უნდა შეუწყოს ოლიმპიური თამაშებისა და სხვა საერთაშორისო შეჯიბრებებისათვის საქართველოს სპორტსმენთა (მათ შორის, ვეტერან სპორტსმენთა) მაღალ დონეზე მომზადებასა და წარმატებით ასპარეზობას.

„მუხლი 9¹. ვეტერან სპორტსმენთა ხელშეწყობის მიზნით, სპორტის ოლიმპიურ სახეობებსა და ჭადრაკში ვეტერანთა შორის შეჯიბრებებზე მიღწეული შედეგებისათვის, აღნიშნულ შეჯიბრებებზე წარმოდგენილი საქართველოს ვეტერანთა ნაკრები გუნდების წევრებისა და მწვრთნელებისთვის დაწესდეს შემდეგი ფულადი პრიზები (ლარში):

1. სპორტის ინდივიდუალურ ოლიმპიურ სახეობებსა და ჭადრაკში:

ა) მსოფლიო ჩემპიონატებზე:

ა.ა) I ადგილი (პირადი) – 15 000;

ა.ბ) II ადგილი (პირადი) – 10 000;

ა.გ) III ადგილი (პირადი) – 5 000;

ბ) ევროპის ჩემპიონატებზე:

ბ.ა) I ადგილი (პირადი) – 10 000;

ბ.ბ) II ადგილი (პირადი) – 7 000;

ბ.გ) III ადგილი (პირადი) – 3 000.

2. სპორტის ოლიმპიურ სათამაშო სახეობებში:

ა) მსოფლიო ჩემპიონატებზე:

ა.ა) I ადგილი − 30 000;

ა.ბ) II ადგილი − 20 000;

ა.გ) III ადგილი − 10 000;

ბ) ევროპის ჩემპიონატებზე:

ბ.ა) I ადგილი − 20 000;

ბ.ბ) II ადგილი − 10 000;

ბ.გ) III ადგილი − 5 000.

3. ამ მუხლით განსაზღვრული ფულადი პრიზები გაიცემა მხოლოდ იმ შემთხვევაში, თუ ამავე მუხლში მითითებული შეჯიბრებები გათვალისწინებულია შესაბამისი სპორტის სახეობის საერთაშორისო სპორტული ორგანიზაციის კალენდარული გეგმით.

4. სპორტის ინდივიდუალურ ოლიმპიურ სახეობებსა და ჭადრაკთან მიმართებით, ამ მუხლით დადგენილი ფულადი პრიზები გაიცემა იმ შემთხვევაში, თუ შეჯიბრებაში მონაწილეობს არანაკლებ 20 ქვეყნის წარმომადგენელი და ამ შეჯიბრების ფარგლებში შესაბამის სახეობაში /დისციპლინაში/წონით კატეგორიაში/კონკრეტულ ასპარეზობაში (რომელშიც თამაშდება მედლების ერთი კომპლექტი) მონაწილეობს არანაკლებ 10 ვეტერანი სპორტსმენი (მათ შორის, საქართველოდან არაუმეტეს 3 ვეტერანი სპორტსმენი), ხოლო სპორტის შესაბამისი სახეობის ყველაზე მძიმე წონით კატეგორიაში შეიძლება მონაწილეობდეს არანაკლებ 6 სპორტსმენი და ამ შემთხვევაში, თუკი მონაწილეთა საერთო რაოდენობა არ აღემატება 9 ვეტერან სპორტსმენს, საქართველოდან მონაწილეთა რაოდენობა არ უნდა აღემატებოდეს 2 ვეტერან სპორტსმენს (თუ მონაწილეთა საერთო რაოდენობა 9 ვეტერან სპორტსმენს აღემატება, საქართველოდან მონაწილეთა რაოდენობა არ უნდა აღემატებოდეს 3 ვეტერან სპორტსმენს).

5. სპორტის ოლიმპიური სათამაშო სახეობების შეჯიბრებებთან მიმართებით, ამ მუხლით დადგენილი ფულადი პრიზები გაიცემა იმ შემთხვევაში, თუ აღნიშნულ შეჯიბრებაში მონაწილეობს არანაკლებ 12 ნაკრები გუნდი.

6. ვეტერანთა ნაკრები გუნდის მთავარ მწვრთნელს მიეცეს ფულადი პრიზი:

ა) სპორტის ინდივიდუალურ ოლიმპიურ სახეობებსა და ჭადრაკთან მიმართებით, ვეტერანთა ნაკრები გუნდის წევრების მიერ შესაბამის შეჯიბრებაზე ნაჩვენები ყველაზე მაღალი შედეგისთვის განსაზღვრული ფულადი პრიზის ოდენობით;

ბ) სპორტის ოლიმპიური სათამაშო სახეობების შეჯიბრებებთან მიმართებით, ამ მუხლის მე-2 პუნქტით შესაბამისი შედეგისთვის დაწესებული ფულადი პრიზის 20%-ის ოდენობით.

7. სპორტის ოლიმპიური სათამაშო სახეობების შეჯიბრებებისთვის ამ მუხლით გათვალისწინებული ფულადი პრიზები ვეტერან სპორტსმენებს შორის გადანაწილდეს სამინისტროსათვის აღნიშნულ სახეობებში საქართველოს ეროვნული სპორტული ფედერაციების მიერ წარდგენილი წინადადების საფუძველზე.“;

გ) მე-10, მე-11 და მე-12 მუხლები ჩამოყალიბდეს შემდეგი რედაქციით:

„მუხლი 10. სპორტის ინდივიდუალურ ოლიმპიურ (როგორც ზაფხულის, ისე ზამთრის) და არაოლიმპიურ სახეობებში გუნდურ და პირადგუნდურ შეჯიბრებებში მიღწეული შედეგებისა და სპორტის ცალკეული სათამაშო სახეობისათვის განსაზღვრული ფულადი პრიზები (სპორტსმენებს, მწვრთნელებს, სათამაშო სახეობებში – აგრეთვე საექიმო და ადმინისტრაციულ პერსონალს შორის) გადანაწილდეს სამინისტროსათვის აღნიშნულ სახეობებში საქართველოს ეროვნული სპორტული ფედერაციების მიერ წარდგენილი წინადადების საფუძველზე.

მუხლი 11. საერთაშორისო პარალიმპიური კომიტეტის ეგიდით გასამართ გუნდურ და პირადგუნდურ შეჯიბრებებში მიღწეული შედეგებისათვის ფულადი პრიზები (სპორტსმენებს, მწვრთნელებსა და ადმინისტრაციულ პერსონალს შორის) გადანაწილდეს სამინისტროსათვის ა(ა)იპ – საქართველოს პარალიმპიური კომიტეტის მიერ წარდგენილი წინადადების საფუძველზე.

მუხლი 12. სპორტის ინდივიდუალურ ოლიმპიურ (როგორც ზაფხულის, ასევე ზამთრის) და არაოლიმპიურ სახეობებსა და საერთაშორისო პარალიმპიური კომიტეტის ეგიდით გასამართ შეჯიბრებებში მიღწეული შედეგების მიხედვით საექიმო პერსონალისათვის განსაზღვრული თანხები გადანაწილდეს სამინისტროსათვის ა(ა)იპ – საქართველოს სპორტული მედიცინის ასოციაციის მიერ წარდგენილი წინადადების საფუძველზე.“;

დ) მე-12 მუხლის შემდეგ დაემატოს შემდეგი შინაარსის მე-13 მუხლი:

„მუხლი 13

1. საქართველოს მთავრობა უფლებამოსილია, მიიღოს გადაწყვეტილება:

ა) გარდა ამ პროგრამით განსაზღვრული ფულადი პრიზებისა, დამატებითი ფულადი პრიზების გაცემის შესახებ, ამავე პროგრამით გათვალისწინებული შედეგების მიღწევისთვის;

ბ) ამ პროგრამით გათვალისწინებულ შეჯიბრებებში მონაწილეობისათვის ფულადი პრიზების გაცემის შესახებ, იმ შემთხვევაში, თუ აღნიშნულ შეჯიბრებებში ვერ იქნა მიღწეული ამავე პროგრამით გათვალისწინებული შედეგები;

გ) იმ შეჯიბრებებში მიღწეული შედეგებისათვის ფულადი პრიზების გაცემის შესახებ, რომლისთვისაც ამ პროგრამით არ არის გათვალისწინებული ფულადი პრიზების გაცემა.

2. ამ პროგრამით გათვალისწინებული ფულადი პრიზების გაცემას, მათ შორის, ამ მუხლის პირველი პუნქტით გათვალისწინებულ შემთხვევაში, უზრუნველყოფს სამინისტრო.“.