გეოგრაფიული ობიექტის სახელდების შესახებ

გეოგრაფიული ობიექტის სახელდების შესახებ გორის მუნიციპალიტეტის საკრებულოს განკარგულება №43 2025 წლის 14 მარტი ქალაქი გორი გეოგრაფიული ობიექტის სახელდების შესახებ  გორის მუნიციპალიტეტის საკრებულოში შემოსულია საკრებულოს თავმჯდომარის – დავით რაზმაძის ინიციატივა ქ. გორში, წმინდაწყლის დასახლებაში არსებული გაბრიელ გვერდწითელის ქუჩის მიმდებარე უსახელო ქუჩისთვის საზოგადო მოღვაწის, არქიმანდრიტის მამა სოგრატი (სეხნო) ჭულუხაძის სახელის მინიჭების თაობაზე. გეოგრაფიული ობიექტის აღწერა შემდეგია: გზის – მონაკვეთის სავარაუდო სიგრძე 227 მ; კოორდინატები – საწყისი X=425639.6668 Y=4650172.2732; საბოლოო X=425617.7063 Y=4647302.9256. გზას ჩრდილოეთით ესაზღვრება გრუნტის გზა, სამხრეთით ესაზღვრება ნაკვეთები, გვერდწითელის ქუჩა, აღმოსავლეთით ესაზღვრება ნაკვეთები – 66.45.05.760 66.45.05.550; ჩიხი №1, ჩიხი № 2; დასავლეთით ესაზღვრება ნაკვეთები – 66.45.05.533 66.45.05.513; ჩიხი №3. გეოგრაფიული ობიექტების სახელწოდებათა დადგენის, ნორმალიზების, გამოყენების, რეგისტრაციის, აღრიცხვისა და დაცვის მიზნით გეოგრაფიული ობიექტების სახელწოდებათა სფეროში მოქმედი სამთავრობო კომისიის 2025 წლის 24 თებერვლის №45 სხდომის ოქმით მიღებული თანხმობით, „მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“ საქართველოს მთავრობის 2015 წლის 1 ივნისის №239 დადგენილების მე-7 მუხლის 1-ლი პუნქტის შესაბამისად, გეოგრაფიული ობიექტის სახელდების შესახებ გადაწყვეტილებას იღებს მუნიციპალიტეტის საკრებულო. საქართველოს ორგანული კანონის „ადგილობრივი თვითმმართველობის კოდექსი“ მე-16 მუხლის მე-2 პუნქტის „პ“ ქვეპუნქტის, 24-ე მუხლის 1-ლი პუნქტის „ა.ე“ ქვეპუნქტის და 61-ე მუხლის პირველი და მე-2 პუნქტების შესაბამისად: 1. ქ. გორში, წმინდაწყლის დასახლებაში არსებულ უსახელო ქუჩას, რომლის კორდინატებია: გზის მონაკვეთის სავარაუდო სიგრძე 227 მ; კოორდინატები – საწყისი X=425639.6668 Y=4650172.2732; საბოლოო X=425617.7063 Y=4647302.9256. გზას ჩრდილოეთით ესაზღვრება გრუნტის გზა, სამხრეთით ესაზღვრება ნაკვეთები, გაბრიელ გვერდწითელის ქუჩა, აღმოსავლეთით ესაზღვრება ნაკვეთები – 66.45.05.760 66.45.05.550; ჩიხი №1, ჩიხი №2; დასავლეთით ესაზღვრება ნაკვეთები – 66.45.05.533 66.45.05.513; ჩიხი №3 ეწოდოს სოგრატი ჭულუხაძის სახელი. 2. განკარგულება ძალაში შევიდეს ხელმოწერისთანავე. 3. განკარგულების გასაჩივრება შესაძლებელია დაინტერესებული მხარის მიერ მისი გაცნობის დღიდან ერთი თვის განმავლობაში, სარჩელის წარდგენის გზით გორის რაიონულ სასამართლოში (მისამართი: ქალაქი გორი, სერგო ჯორბენაძის ქ.№30). საკრებულოს თავმჯდომარე                                                               დავით რაზმაძე