„ქალაქ ქუთაისის მუნიციპალიტეტში ქალთა და ბავშვთა საკითხებზე მომუშავე მუნიციპალური საბჭოს შექმნისა და მისი დებულების დამტკიცების შესახებ“ ქალაქ ქუთაისის მუნიციპალიტეტის საკრებულოს 2025 წლის 25 ივნისის №129 დადგენილებაში ცვლილების შეტანის თაობაზე

1. დადგენილების დანართის მე-4 მუხლის მე-3 პუნქტი ჩამოყალიბდეს შემდეგი რედაქციით: „3. საბჭოს თავმჯდომარის მოადგილეს ირჩევს საბჭოს თავმჯდომარე.“.

2. დადგენილების დანართის მე-5 მუხლის „ზ“ ქვეპუნქტი ჩამოყალიბდეს შემდეგი რედაქციით: „ზ) საკრებულოს წევრების, საკრებულოს ფრაქციებისა და კომისიების წევრების, მერიის სამსახურების წარმომადგენლების უფლებამოსილების შეწყვეტა/უფლებამოსილების ვადის ამოწურვა, გათავისუფლება.“.

3. დადგენილების დანართის მე-6 მუხლის 1-ლი პუნქტი ჩამოყალიბდეს შემდეგი რედაქციით: „1. საბჭოს პირველ სხდომას იწვევს საბჭოს თავმჯდომარე, რომელიც საბჭოს შემადგენლობიდან ირჩევს მოადგილეს.“.

4. დადგენილების დანართის მე-6 მუხლის მე-7 პუნქტი ჩამოყალიბდეს შემდეგი რედაქციით: „7. საბჭოს სხდომები და გადაწყვეტილებები ფორმდება საბჭოს სხდომის ოქმით, რომელსაც ხელს აწერს საბჭოს თავმჯდომარე და საბჭოს მდივანი.“.

5. დადგენილების დანართის მე-6 მუხლს დაემატოს შემდეგი შინაარსის მე-10 პუნქტი: „10. საბჭოს საქმიანობის ორგანიზაციულ, დოკუმენტურ და საინფორმაციო უზრუნველყოფას ახორციელებს ქალაქ ქუთაისის მუნიციპალი­ტეტის საკრებულოს აპარატის წარმომადგენელი, რომელიც არის საბჭოს მდივანი.“.