„საჯარო სამართლის იურიდიული პირის - ღვინის ეროვნული სააგენტოს დებულების დამტკიცების შესახებ“ საქართველოს სოფლის მეურნეობის მინისტრის 2012 წლის 17 აპრილის №2-67 ბრძანებაში ცვლილების შეტანის თაობაზე

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის საფუძველზე, ვბრძანებ :

1. მე-4 მუხლი ჩამოყალიბდეს  შემდეგი რედაქციით:

„მუხლი 4. სააგენტოს სტრუქტურა

სააგენტოს სტრუქტურული ერთეულებია:

ა) ადმინისტრაციული დეპარტამენტი;

ბ) მევენახეობა-მეღვინეობის ანალიზისა და რეგულირების დეპარტამენტი;

გ) მარკეტინგის დეპარტამენტი;

დ) მუდმივმოქმედი სადეგუსტაციო კომისია.“.

2. მე-5 მუხლის პირველი პუნქტის „ლ“ ქვეპუნქტი ჩამოყალიბდეს შემდეგი რედაქციით:

„ლ) სამეურნეო და ლოჯისტიკის  საკითხების  უზრუნველყოფა  და  სააგენტოს  ქონების ინვენტარიზაციის  ჩატარების ორგანიზება;“.

3. მე-5 მუხლის პირველი პუნქტს  დაემატოს შემდეგი შინაარსის „ო¹“ ქვეპუნქტი:

„ო¹) დარგის საინფორმაციო უზრუნველყოფა, სააგენტოს ვებგვერდზე სააგენტოს შესახებ ინფორმაციის და სიახლის განთავსება, მასობრივი ინფორმაციის საშუალებებთან ურთიერთობის კოორდინაცია, დარგთან დაკავშირებული სარეკლამო საქმიანობის ხელშეწყობა;“.

4. მე-5 მუხლის მე-4 პუნქტი ჩამოყალიბდეს შემდეგი რედაქციით:

„4. მარკეტინგის დეპარტამენტის ფუნქციებია:

ა) საქართველოში წარმოებული ალკოჰოლიანი პროდუქციის კონკურენტუნარიანობის ამაღლების როგორც შიდა, ისე გარე სამომხმარებლო ბაზარზე ღირსეულად დამკვიდრებისა და დარგის საექსპორტო პოტენციალის მაქსიმალურად გამოყენების ხელშეწყობა;

ბ) კომპეტენციის ფარგლებში დარგთან დაკავშირებული სამარკეტინგო და სარეკლამო საქმიანობის ხელშეწყობა;

გ) ალკოჰოლიანი სასმელების დეგუსტაციების, კონკურსების და გამოფენების მოწყობა ან/და მათში მონაწილეობის მიღება;

დ) მევენახეობისა და მეღვინეობის საერთაშორისო და ეროვნულ ორგანიზაციებთან ურთიერთობა;

ე) სხვა ქვეყნის შესაბამის სახელმწიფო და კერძო ორგანიზაციებთან და საერთაშორისო ორგანიზაციებთან თანამშრომლობა, თანამშრომლობის პრიორიტეტულ მიმართულებათა განსაზღვრა;

ვ) სამომხმარებლო ბაზრის მარკეტინგული კვლევა;

ზ) საერთაშორისო პარტნიორებთან და დონორ ორგანიზაციებთან ურთიერთობების დაგეგმვა და თანამშრომლობის განვითარების ხელშეწყობა;

თ) სააგენტოს საქმიანობასთან დაკავშირებული სხვადასხვა დოკუმენტის უცხო ენაზე მომზადება;

ი) საქართველოს კანონმდებლობით დადგენილ ფარგლებში, დაკისრებული ფუნქციების შესრულების მიზნით, სხვა უფლება-მოვალეობების განხორციელება.“.

5. მე-5 მუხლს დაემატოს შემდეგი შინაარსის მე-5 პუნქტი:

„5. მუდმივმოქმედი სადეგუსტაციო კომისია ახორციელებს ყურძნისეული  წარმოშობის ალკოჰოლური სასმელების ორგანოლეპტიკური ტესტირების ჩატარებას.“.