„საჯარო სამართლის იურიდიული პირის – თავდაცვის მოხალისის წესდების დამტკიცების შესახებ“ საქართველოს თავდაცვის მინისტრის 2023 წლის 18 დეკემბრის №125 ბრძანებაში ცვლილების შეტანის თაობაზე

საქართველოს თავდაცვის მინისტრის

ბრძანება №103

2025 წლის 14 აგვისტო

1. მე-3 მუხლის პირველი პუნქტის „ბ“ და „გ“ ქვეპუნქტები ჩამოყალიბდეს შემდეგი რედაქციით:

„ბ) უზრუნველყოს პატრიოტული, სალაშქრო, კულტურული და შემეცნებითი ღონისძიებების, აგრეთვე თავისი კომპეტენციის ფარგლებში − სამხედრო-სასწავლო ღონისძიებების დაგეგმვა/განხორციელება;

გ) განისაზღვროს დამფუძნებლად/მმართველი ორგანოს წევრად და გააფორმოს ხელშეკრულება მოხალისეთა ორგანიზაციასთან/მოხალისეთა ორგანიზაციის კანდიდატის სტატუსის მქონე სუბიექტთან;“.

2. მე-5 მუხლის პირველ პუნქტს დაემატოს შემდეგი შინაარსის „ჟ¹“ ქვეპუნქტი:

„ჟ¹) განსაზღვრავს საქართველოს კანონმდებლობით დადგენილი წესით გათვალისწინებულ შესაბამის მომზადების კურსს, რომელიც  აუცილებელია თავდაცვის სფეროში მოხალისის სტატუსის მისანიჭებლად;“.

3. მე-8 მუხლის მე-5 პუნქტის „პ“ ქვეპუნქტი ჩამოყალიბდეს შემდეგი რედაქციით:

„პ) კომპეტენციის ფარგლებში გეგმავს და ახორციელებს პატრიოტულ, სალაშქრო და შემეცნებით ღონისძიებებს.".