“ოზურგეთის ინდუსტრიულ_პედაგოგიური კოლეჯის საჯარო სამართლის იურიდიულ პირად დაფუძვნებისა და მისი წესდების დამტკიცების შესახებ” საქართველოს განათლებისა და მეცნიერების მინისტრის 2005 წლის 17 მაისის №229 ბრძანებაში ცვლილებების შეტანის შესახებ”

სახელმწიფოსარეგისტრაციო კოდი 040.030.000.22.022.009.204

საქართველოს განათლებისა და მეცნიერების მინისტრის

 ბრძანება №780

2006 წლის 29 აგვისტო

ქ. თბილისი

 ,,ოზურგეთის ინდუსტრიულ-პედაგოგიური კოლეჯის საჯარო სამართლის იურიდიულ პირად დაფუძნებისა და მისი წესდების დამტკიცების შესახებ“ საქართველოს განათლებისა და მეცნიერების მინისტრის 2005 წლის 17 მაისის №229 ბრძანებაში ცვლილებების შეტანის შესახებ

ზოგადსაგანმანათლებლო და პროფესიული საგანმანათლებლო პროგრამების განმახორციელებელი დაწესებულებების გამიჯვნის მიზნით, ,,განათლების შესახებ“ საქართველოს კანონის მე-12 მუხლის მე-3 პუნქტის, ,,ზოგადი განათლების შესახებ“ საქართველოს კანონის 57-ე მუხლის მე-5 პუნქტის, ,,ნორმატიული აქტების შესახებ“ საქართველოს კანონის 36-ე მუხლისა და საქართველოს ზოგადი ადმინისტრაციული კოდექსის 63-ე მუხლის პირველი ნაწილის შესაბამისად, ვბრძანებ:

1. ,,ოზურგეთის ინდუსტრიულ-პედაგოგიური კოლეჯის საჯარო სამართლის იურიდიულ პირად დაფუძნებისა და მისი წესდების დამტკიცების შესახებ“ საქართველოს განათლებისა და მეცნიერების მინისტრის 2005 წლის 17 მაისის №229 ბრძანებით (სსმ III, 20.05.2005 წ., №62, მუხ. 655) დამტკიცებულ წესდებაში შეტანილ იქნეს შემდეგი ცვლილებები:

ა) წესდების მე-2 მუხლის მე-3 პუნქტი ჩამოყალიბდეს შემდეგი რედაქციით:

,,3. საშუალო პროფესიული განათლების მიღება კოლეჯში ხორციელდება ზოგადსაგანმანათლებლო პროგრამის გარეშე.“;

ბ) ამოღებულ იქნეს წესდების მე-2 მუხლის მე-4 პუნქტი.

2. ბრძანება ძალაში შევიდეს გამოქვეყნებისთანავე.

 ა. ლომაია