„საჯარო სამართლის იურიდიული პირის − შემოსავლების სამსახურის მიერ მომსახურების გაწევისათვის საფასურებისა და მათი განაკვეთების დამტკიცების შესახებ“ საქართველოს მთავრობის 2010 წლის 30 მარტის №96 დადგენილებაში ცვლილების შეტანის თაობაზე

✨ ჰკითხე AI-ს ამ კანონის შესახებ

საქართველოს მთავრობის დადგენილება მოქმედი მუნიციპალური ქონება გადასახადები

მიღების თარიღი

19.11.2025

გამომცემი ორგანო

საქართველოს მთავრობა

ნომერი

№508

სარეგისტრაციო კოდი

040030000.10.003.025402

გამოქვეყნების წყარო

matsne.gov.ge , 20/11/2025

📥 მინიშნება 1 🧬 მსგავსი 10

🕸️ გრაფი — კავშირების ვიზუალიზაცია

← უკუმითითება ცვლილება → 🧬 სემანტიკური ეს აქტი

📥 უკუმითითებები — 1 დოკუმენტი

საქართველოს მთავრობის დადგენილება (1)

საჯარო სამართლის იურიდიული პირის – შემოსავლების სამსახურის მიერ მომსახურების გაწევისათვის საფასურებისა და მათი განაკვეთე 30.03.2010

🧬 სემანტიკურად მსგავსი დოკუმენტები — 10

ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.

დოკუმენტის ტექსტი

საქართველოს მთავრობის

დადგენილება №508

2025 წლის 19 ნოემბერი

ქ. თბილისი

„საჯარო სამართლის იურიდიული პირის − შემოსავლების სამსახურის მიერ მომსახურების გაწევისათვის საფასურებისა და მათი განაკვეთების დამტკიცების შესახებ“ საქართველოს მთავრობის 2010 წლის 30 მარტის №96 დადგენილებაში ცვლილების შეტანის თაობაზე

მუხლი 1

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „საჯარო სამართლის იურიდიული პირის − შემოსავლების სამსახურის მიერ მომსახურების გაწევისათვის საფასურებისა და მათი განაკვეთების დამტკიცების შესახებ“ საქართველოს მთავრობის 2010 წლის 30 მარტის №96 დადგენილებაში (სსმ, III, №33, 31/03/2010) შეტანილ იქნეს ცვლილება და:

1. დადგენილების:

ა) 1¹მუხლის „ი“ ქვეპუნქტის შემდეგ დაემატოს შემდეგი შინაარსის „კ“ ქვეპუნქტი:

„კ) საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირი − საჯარო რეესტრის ეროვნული სააგენტო „სსიპ − შემოსავლების სამსახურის მიერ მომსახურების გაწევისათვის საფასურებისა და მათი განაკვეთების“ 4² გრაფით გათვალისწინებული მომსახურების საფასურისგან.“;

ბ) 1⁹ მუხლის:

ბ.ა) მე-2 პუნქტი ჩამოყალიბდეს შემდეგი რედაქციით:

„2. „სსიპ − შემოსავლების სამსახურის მიერ მომსახურების გაწევისათვის საფასურებისა და მათი განაკვეთების“ მე-3, 33¹, 35-ე, მე-40, 78-ე − 78³, 79-ე − 79³, 133-ე, 134-ე, 136-ე − 141-ე, 146-ე − 149-ე, 160-ე − 168-ე გრაფებით გათვალისწინებული მომსახურების გაწევისათვის დადგენილი საფასურის გადახდისგან თავისუფლდება პირი, თუ იგი, ამ მომსახურების გაწევის მოთხოვნით, სსიპ − შემოსავლების სამსახურს განცხადებას წარუდგენს ელექტრონული ფორმით ავტორიზებული მომხმარებლის გვერდიდან.“;

ბ.ბ) მე-2 პუნქტის შემდეგ დაემატოს შემდეგი შინაარსის 2¹პუნქტი:

„2¹. „სსიპ − შემოსავლების სამსახურის მიერ მომსახურების გაწევისათვის საფასურებისა და მათი განაკვეთების“ 142-ე − 143¹ გრაფებით გათვალისწინებული მომსახურების საფასური არ ვრცელდება ისეთ შემთხვევებზე, როდესაც დისტანციური არხებით არ არის შესაძლებელი მომსახურების მიღება.“.

2. დადგენილებით დამტკიცებული „სსიპ – შემოსავლების სამსახურის მიერ მომსახურების გაწევისათვის საფასურებისა და მათი განაკვეთების“:

ა) 4¹ გრაფა ამოღებულ იქნეს;

ბ) 4¹ გრაფის შემდეგ დაემატოს შემდეგი შინაარსის 4²გრაფა:

„4²	ერთ პირზე, ერთი მოთხოვნის საფუძველზე, სსიპ − შემოსავლების სამსახურის საარქივო სამმართველოდან დოკუმენტ(ებ)ის ასლ(ებ)ის/ინფორმაციის გამოთხოვა (გარდა იმ დოკუმენტებისა, რომელთა გამოთხოვაზეც ამავე დადგენილებით განსაზღვრულია საფასური)	10 სამუშაო დღე	30 ლარი“;

გ) 33-ე გრაფის შემდეგ დაემატოს შემდეგი შინაარსის 33¹გრაფა:

„33¹	პირის სახელზე გაცემული ჩეკთან გათანაბრებული დოკუმენტის შესახებ ინფორმაციის ცნობის სახით გაცემა	1 სამუშაო დღე	20 ლარი“;

დ) 140-ე გრაფის შემდეგ დაემატოს შემდეგი შინაარსის 140¹გრაფა:

„140¹	ფიქსირებული გადასახადის გადამხდელის სერტიფიკატის აღდგენა	1 სამუშაო დღე	50 ლარი“;

ე) 143-ე გრაფის შემდეგ დაემატოს შემდეგი შინაარსის 143¹გრაფა:

„143¹	სსიპ − შემოსავლების სამსახურის ავტორიზებული მომხმარებლის გვერდის (eservices.rs.ge) პირველადი აქტივაციისთვის მომართვა, მომსახურების გაწევის ადგილზე ვიზიტით	1 სამუშაო დღე	20 ლარი“;

ვ) 144-ე გრაფის შემდეგ დაემატოს შემდეგი შინაარსის 144¹და 144² გრაფები:

„144¹	გაერთიანება, ამხანაგობა და სხვა მსგავსი წარმონაქმნის სააღრიცხვო მონაცემ(ებ)ის ცვლილება	10 სამუშაო დღე	100 ლარი
144²	გაერთიანება, ამხანაგობა და სხვა მსგავსი წარმონაქმნის საგადასახადო აღრიცხვის გაუქმება	1 თვე	100 ლარი“;

ზ) 145-ე გრაფის შემდეგ დაემატოს შემდეგი შინაარსის 145¹და 145² გრაფები:

„145¹	უცხოური საწარმოს/ორგანიზაციის, მისი მუდმივი დაწესებულების ან მართვის ადგილის გადმოტანისას სააღრიცხვო მონაცემის ცვლილება	10 სამუშაო დღე	100 ლარი
145²	უცხოური საწარმოს/ორგანიზაციის, მისი მუდმივი დაწესებულების ან მართვის ადგილის გადმოტანისას საგადასახადო აღრიცხვის გაუქმება	1 თვე	100 ლარი“;

თ) 159-ე გრაფის შემდეგ დაემატოს შემდეგი შინაარსის 160-ე − 168-ე გრაფები:

„160	გადასახადის გადამხდელის საქმიანობის აქტივობის მაჩვენებლის სტატუსის შესახებ ინფორმაციის ცნობის სახით გაცემა	1 სამუშაო დღე	20 ლარი
161	გადასახადების ერთიან სახაზინო კოდზე გადახდილი თანხების შესახებ ინფორმაციის ცნობის სახით გაცემა	1 სამუშაო დღე	20 ლარი
162	საკონტროლო-სალარო აპარატების ფისკალურ მეხსიერებაში დაფიქსირებული ბრუნვის შესახებ ინფორმაციის ცნობის სახით გაცემა	1 სამუშაო დღე	20 ლარი
163	რეგისტრირებული საკონტროლო-სალარო აპარატების შესახებ ინფორმაციის ცნობის სახით გაცემა	1 სამუშაო დღე	20 ლარი
164	საგადასახადო აგენტის მიერ შემოსავლის მიმღებზე განხორციელებული განაცემებისა და დაკავებული გადასახადის შესახებ ინფორმაციის ცნობის სახით გაცემა	1 სამუშაო დღე	50 ლარი
165	გადასახადის გადამხდელის მიერ დეკლარირებული დამატებული ღირებულების გადასახადით დასაბეგრი (მათ შორის, გათავისუფლებული) ოპერაციის თანხების შესახებ ინფორმაციის ცნობის სახით გაცემა	1 სამუშაო დღე	30 ლარი
166	დამატებული ღირებულების გადასახადის გადამხდელად რეგისტრაციის შესახებ ინფორმაციის ცნობის სახით გაცემა	1 სამუშაო დღე	30 ლარი
167	გადასახადების ერთიან სახაზინო კოდზე გადახდილი თანხების (რომელიც არ არის ასახული) გადამხდელის პირადი აღრიცხვის ბარათზე ასახვა/გადატანა	10 სამუშაო დღე	30 ლარი
168	სსიპ − შემოსავლების სამსახურის მომსახურების საფასურების აღრიცხვის ბარათის კორექტირება/ასახვა/ გადატანა	10 სამუშაო დღე	30 ლარი.“.

მუხლი 2

დადგენილება ამოქმედდეს 2025 წლის 22 დეკემბრიდან.

პრემიერ-მინისტრი		ირაკლი კობახიძე