„სატრანსპორტო საშუალებათა რეგისტრაციის ნომრის (სახელმწიფო სანომრე ნიშნები), შიდა ტრანზიტის, ტრანზიტული ნომრისა და „TEST“ ნომრის ნიმუშის დამტკიცების შესახებ“ საქართველოს მთავრობის 2014 წლის 8 აპრილის №278 დადგენილებაში ცვლილების შეტანის თაობაზე

✨ ჰკითხე AI-ს ამ კანონის შესახებ

საქართველოს მთავრობის დადგენილება მოქმედი ეკონომიკა და ინფრასტრუქტურა ტრანსპორტი

მიღების თარიღი

26.12.2025

გამომცემი ორგანო

საქართველოს მთავრობა

ნომერი

№595

სარეგისტრაციო კოდი

310150000.10.003.025489

გამოქვეყნების წყარო

matsne.gov.ge , 29/12/2025

📥 მინიშნება 1 🧬 მსგავსი 10 📎 დანართები 1

🕸️ გრაფი — კავშირების ვიზუალიზაცია

← უკუმითითება ცვლილება → 🧬 სემანტიკური ეს აქტი

📥 უკუმითითებები — 1 დოკუმენტი

საქართველოს მთავრობის დადგენილება (1)

სატრანსპორტო საშუალებათა რეგისტრაციის ნომრის (სახელმწიფო სანომრე ნიშნები), შიდა ტრანზიტის, ტრანზიტული ნომრისა და „TEST“ 08.04.2014

🧬 სემანტიკურად მსგავსი დოკუმენტები — 10

ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.

დოკუმენტის ტექსტი

საქართველოს მთავრობის

დადგენილება №595

2025 წლის 26 დეკემბერი

ქ. თბილისი

„სატრანსპორტო საშუალებათა რეგისტრაციის ნომრის (სახელმწიფო სანომრე ნიშნები), შიდა ტრანზიტის, ტრანზიტული ნომრისა და „TEST“ ნომრის ნიმუშის დამტკიცების შესახებ“ საქართველოს მთავრობის 2014 წლის 8 აპრილის №278 დადგენილებაში ცვლილების შეტანის თაობაზე

მუხლი 1

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „სატრანსპორტო საშუალებათა რეგისტრაციის ნომრის (სახელმწიფო სანომრე ნიშნები), შიდა ტრანზიტის, ტრანზიტული ნომრისა და „TEST“ ნომრის ნიმუშის დამტკიცების შესახებ“ საქართველოს მთავრობის 2014 წლის 8 აპრილის №278 დადგენილებაში (www.matsne.gov.ge, 10/04/2014, 310150000.10.003.017898) შეტანილ იქნეს ცვლილება და:

1. დადგენილების პირველი მუხლის პირველი პუნქტის:

ა) „უ“ და „ფ“ ქვეპუნქტები ჩამოყალიბდეს შემდეგი რედაქციით:

„უ) „ავტომობილის შიდა ტრანზიტის ნიმუში“ (დანართი №20);

ფ) „ავტომობილის ტრანზიტული ნომრის ნიმუში“ (დანართი №20¹);“;

ბ) „ფ“ ქვეპუნქტის შემდეგ დაემატოს შემდეგი შინაარსის „ფ¹“ და „ფ²“ ქვეპუნქტები:

„ფ¹) „მოტოციკლის შიდა ტრანზიტის ნიმუში“ (დანართი №21);

ფ²) „მოტოციკლის ტრანზიტული ნომრის ნიმუში“ (დანართი №21¹);“.

2. დადგენილებით დამტკიცებული:

ა) დანართი №20 ჩამოყალიბდეს თანდართული რედაქციით;

ბ) დანართ №20-ის შემდეგ დაემატოს №20¹ დანართი თანდართული რედაქციით;

გ) დანართი №21 ჩამოყალიბდეს თანდართული რედაქციით;

დ) დანართ №21-ის შემდეგ დაემატოს №21¹დანართი თანდართული რედაქციით.

მუხლი 2

დაევალოს საჯარო სამართლის იურიდიულ პირს − საქართველოს შინაგან საქმეთა სამინისტროს მომსახურების სააგენტოს ამ დადგენილების პირველი მუხლის პირველი პუნქტის „ა“ და „ბ“ ქვეპუნქტებით დამტკიცებული ნიმუშების სატრანსპორტო საშუალებათა შიდა ტრანზიტის დამზადებისათვის/გაცემისათვის საჭირო ორგანიზაციული ღონისძიებების 2026 წლის 1 მარტამდე განხორციელება.

მუხლი 3

2026 წლის 1 მარტამდე გაცემულ და იურიდიული ძალის მქონე ძველი ნიმუშის შიდა ტრანზიტს იურიდიული ძალა შეუნარჩუნდეს საქართველოს კანონმდებლობით განსაზღვრული მისი მოქმედების ვადით.

მუხლი 4

1. დადგენილება, გარდა ამ დადგენილების პირველი მუხლისა, ამოქმედდეს გამოქვეყნებისთანავე.

2. ამ დადგენილების პირველი მუხლი ამოქმედდეს 2026 წლის 1 მარტიდან.

პრემიერ-მინისტრი		ირაკლი კობახიძე

📎 დანართები (1)

ნორმატიული-აქტი-2 ⬇

დანართი №20

ავტომობილის შიდა ტრანზიტის ნიმუში

$C:\Users\megrelishvili.d\Desktop\ახალი ტრანზიტი\IMG-20251210-WA0001.jpg$

სარეგისტრაციო ნიშნის ზოგადი აღწერილობა:

სარეგისტრაციო ნიშნის მარცხენა მხარეს, ზედა კიდესთან, გამოსახულია საქართველოს სახელმწიფო დროშა, ხოლო საქართველოს სახელმწიფო დროშის ქვედა მხარეს − საქართველოს საერთაშორისო კოდი „GE“. მარცხენა მხარეს, ქვედა კიდესთან, დატანილია ტვიფრული ნიშანი, ე.წ. „2D ბარკოდი“.

სარეგისტრაციო ნიშანს კიდის ქვედა ნახევარზე ჰორიზონტალურად გასდევს ლურჯი ზოლი, რომელზეც ლათინური ასოებით დატანილია „TRANSIT“. მარცხნიდან მარჯვნივ, თეთრ ფონზე შავი წარწერით დაიტანება ნომერი და სერია (ოთხი ციფრი და სივრცის გამოტოვებით – ორი ლათინური ასო).

შენიშვნა: ესკიზზე ნაჩვენები ზომის ერთეულია მილიმეტრი. ზომაში ცდომილება დასაშვებია ± 2 მმ-ით.

დანართი №20¹

ავტომობილის ტრანზიტული ნომრის ნიმუში

სარეგისტრაციო ნიშნის ზოგადი აღწერილობა:

სარეგისტრაციო ნიშანს კიდის ქვედა ნახევარზე ჰორიზონტალურად გასდევს წითელი ზოლი, რომელზეც ლათინური ასოებით დატანილია „TRANSIT“. მარცხნიდან მარჯვნივ, თეთრ ფონზე შავი წარწერით დაიტანება ნომერი და სერია (ოთხი ციფრი და სივრცის გამოტოვებით – ორი ლათინური ასო).

დანართი №21

მოტოციკლის შიდა ტრანზიტის ნიმუში

$C:\Users\megrelishvili.d\Desktop\ახალი ტრანზიტი\IMG-20251210-WA0000.jpg$

სარეგისტრაციო ნიშნის ზოგადი აღწერილობა:

სარეგისტრაციო ნიშნის მარცხენა მხარეს, ზედა კიდესთან, გამოსახულია საქართველოს სახელმწიფო დროშა, ხოლო საქართველოს სახელმწიფო დროშის ქვედა მხარეს − საქართველოს საერთაშორისო კოდი „GE“. მარცხენა მხარეს, ქვედა კუთხეში, დატანილია ტვიფრული ნიშანი, ე.წ. „2D ბარკოდი“.

სარეგისტრაციო ნიშანს კიდის მარჯვენა მხარეს ვერტიკალურად გასდევს ლურჯი ზოლი, რომელზეც ასევე ვერტიკალურად, ლათინური ასოებით, დატანილია „TRANSIT“. თეთრ ფონზე შავი წარწერით ზედა ნაწილში დაიტანება ნომერი (სამი ციფრი), ხოლო ქვედა ნაწილში − სერია (ორი ლათინური ასო).

დანართი №21¹

მოტოციკლის ტრანზიტული ნომრის ნიმუში

სარეგისტრაციო ნიშნის ზოგადი აღწერილობა:

სარეგისტრაციო ნიშნის მარცხენა მხარეს, ზედა კიდესთან, გამოსახულია საქართველოს სახელმწიფო დროშა, ხოლო საქართველოს სახელმწიფო დროშის ქვედა მხარეს − საქართველოს საერთაშორისო კოდი „GE“. მარცხენა მხარეს, ქვედა კუთხეში, დატანილია ტვიფრული ნიშანი, ე.წ. „2D ბარკოდი“.

სარეგისტრაციო ნიშანს კიდის მარჯვენა მხარეს ვერტიკალურად გასდევს წითელი ზოლი, რომელზეც ასევე ვერტიკალურად, ლათინური ასოებით, დატანილია „TRANSIT“. თეთრ ფონზე შავი წარწერით ზედა ნაწილში დაიტანება ნომერი (სამი ციფრი), ხოლო ქვედა ნაწილში − სერია (ორი ლათინური ასო).