დასაქმების ხელშეწყობის 2026 წლის სახელმწიფო პროგრამის დამტკიცების შესახებ
მიღების თარიღი 30.12.2025
ძალაში შესვლა 01.01.2026
გამომცემი ორგანო საქართველოს მთავრობა
ნომერი №630
სარეგისტრაციო კოდი 190020010.10.003.025527 51
გამოქვეყნების წყარო matsne.gov.ge, 31/12/2025
🕸️ გრაფი — კავშირების ვიზუალიზაცია
🧠 სემანტიკურად მსგავსი დოკუმენტები (5)
დასაქმების ხელშეწყობის 2025 წლის სახელმწიფო პროგრამის დამტკიცების შესახებ დასაქმების ხელშეწყობის 2024 წლის სახელმწიფო პროგრამის დამტკიცების შესახებ 2023 − 2026 წლების ქვეყნის ძირითადი მონაცემებისა და მიმართულებების დოკუმენტის შედგენის მიზნით განსახორციელებელ ღონისძიებათა შესახებ 2027 − 2030 წლების ქვეყნის ძირითადი მონაცემებისა და მიმართულებების დოკუმენტის შედგენის მიზნით განსახორციელებელ ღონისძიებათა შესახებ დასაქმების ხელშეწყობის 2023 წლის სახელმწიფო პროგრამის დამტკიცების შესახებ
დოკუმენტის ტექსტი
დასაქმების ხელშეწყობის 2026 წლის სახელმწიფო პროგრამის დამტკიცების შესახებ
საქართველოს მთავრობის
დადგენილება №630
2025 წლის 30 დეკემბერი
ქ. თბილისი
დასაქმების ხელშეწყობის 2026 წლის სახელმწიფო პროგრამის
დამტკიცების შესახებ
მუხლი 1🔗
„საქართველოს 2026 წლის სახელმწიფო ბიუჯეტის შესახებ“ საქართველოს კანონის 30-ე მუხლის მე-2 პუნქტის, „სახელმწიფო შესყიდვების შესახებ“ საქართველოს კანონისა და „დასაქმების ხელშეწყობის შესახებ“ საქართველოს კანონის შესაბამისად, დამტკიცდეს დასაქმების ხელშეწყობის 2026 წლის სახელმწიფო პროგრამა შემდეგი ქვეპროგრამების სახით:
1. „დასაქმების ხელშეწყობის მომსახურებათა განვითარების ქვეპროგრამა“ (დანართი №1).
2. „სამუშაოს მაძიებელთა პროფესიული კვალიფიკაციის ამაღლების ქვეპროგრამა“ (დანართი №2).
3. „არასამხედრო, ალტერნატიული შრომითი სამსახურის გავლის ქვეპროგრამა“ (დანართი №3).
მუხლი 2🔗
„დასაქმების ხელშეწყობის 2025 წლის სახელმწიფო პროგრამის დამტკიცების შესახებ“ საქართველოს მთავრობის 2024 წლის 31 დეკემბრის №487 დადგენილების №3 დანართის „საზოგადოებრივ სამუშაოებზე დასაქმების ხელშეწყობის ქვეპროგრამის“ დასრულებასთან დაკავშირებით:
ა) „დასაქმების ხელშეწყობის 2025 წლის სახელმწიფო პროგრამის დამტკიცების შესახებ“ საქართველოს მთავრობის 2024 წლის 31 დეკემბრის №487 დადგენილების №3 დანართის „საზოგადოებრივ სამუშაოებზე დასაქმების ხელშეწყობის ქვეპროგრამის“ ფარგლებში გათვალისწინებული ღონისძიებები და წარმოშობილი ვალდებულებები, რომელთა დაფინანსება დადგენილი წესით ვერ განხორციელდა 2025 წელს, განხორციელდეს შემდეგი პირობით: საქონლისა და/ან მომსახურების მიმწოდებლისა და პროგრამის განმახორციელებლის მიერ 2025 წელს ნაკისრი ვალდებულებები, ხელშეკრულების მოქმედების ვადის გასვლის მიუხედავად, დაფინანსდეს „საქართველოს 2026 წლის სახელმწიფო ბიუჯეტის შესახებ“ საქართველოს კანონით „დასაქმების სისტემის რეფორმების პროგრამის“ (პროგრამული კოდი: 27 05) 27 05 03 ქვეპროგრამის ასიგნებების ფარგლებში;
ბ) სსიპ − დასაქმების ხელშეწყობის სახელმწიფო სააგენტომ უზრუნველყოს საქართველოს მთავრობის 2022 წლის 17 თებერვლის №81, 2023 წლის 16 იანვრის №17, 2024 წლის 27 თებერვლის №46 და 2024 წლის 31 დეკემბრის №487 დადგენილებებით დამტკიცებული „საზოგადოებრივ სამუშაოებზე დასაქმების ხელშეწყობის ქვეპროგრამის“ ფარგლებში ელექტრონული მონაცემების შესაბამის ელექტრონულ სისტემაში შენახვა, დამუშავება, სისტემატიზაცია და დაარქივება აღნიშნული ქვეპროგრამის ფარგლებში არსებული სახელშეკრულებო ურთიერთობის დასრულებიდან 5 (ხუთი) წლის ვადით.
მუხლი 3🔗
დადგენილება ამოქმედდეს 2026 წლის 1 იანვრიდან.
პრემიერ-მინისტრიირაკლი კობახიძე