,,აჭარის ავტონომიური რესპუბლიკის განათლებისა და სპორტის სამინისტროს სტრუქტურული ქვედანაყოფების დებულებების დამტკიცების შესახებ“აჭარის ავტონომიური რესპუბლიკის განათლებისა და სპორტის მინისტრის 2025 წლის 25 მარტის N01-05/2 ბრძანებაში ცვლილებების შეტანის თაობაზე

ა) აჭარის ავტონომიური რესპუბლიკის განათლებისა და სპორტის მინისტრის 2025 წლის 25 მარტის №01-05/2 ბრძანებით დამტკიცებულ №1 დანართის მე-6 მუხლის პირველ პუნქტს დაემატოს შემდეგი სახის „გ“ ქვეპუნქტი:

„გ) საგანმანათლებლო რესურსების მართვის განყოფილება.“;

ბ) აჭარის ავტონომიური რესპუბლიკის განათლებისა და სპორტის მინისტრის 2025 წლის 25 მარტის №01-05/2 ბრძანებით დამტკიცებული №1 დანართის მე-7 მუხლის პირველი პუნქტის „ა“ ქვეპუნქტს დაემატოს შემდეგი სახის „ა¹“ ქვეპუნქტი:

„ა¹. დეპარტამენტის უფროსის მოადგილე (დეპარტამენტის საჭიროებებიდან გამომდინარე) შესაძლებელია გათვალისწინებულ იქნეს სამინისტროს საშტატო ნუსხაში (დეპარტამენტის უფროსის მოადგილის შტატი).“;

გ) ცვლილება შევიდეს აჭარის ავტონომიური რესპუბლიკის განათლებისა და სპორტის მინისტრის 2025 წლის 25 მარტის №01-05/2 ბრძანებით დამტკიცებული №1 დანართის მე-8 მუხლის მე-4 პუნქტში და ჩამოყალიბდეს შემდეგი სახით:

„4. დეპარტამენტის უფროსის მივლინებაში, შვებულებაში, საავადმყოფო ფურცელზე ყოფნისას ან კანონმდებლობით განსაზღვრულ სხვა შემთხვევებში დეპარტამენტის უფროსის ფუნქციას ასრულებს მინისტრის/უფლებამოსილი პირის ბრძანებით განსაზღვრული დეპარტამენტის უფროსის მოადგილე შტატის არსებობის შემთხვევაში, ხოლო ასეთი შტატის არარსებობის შემთხვევაში კი – ერთ-ერთი განყოფილების უფროსი.“;

დ) აჭარის ავტონომიური რესპუბლიკის განათლებისა და სპორტის მინისტრის 2025 წლის 25 მარტის №01-05/2 ბრძანებით დამტკიცებული №1 დანართის მე-8 მუხლს დაემატოს შემდეგი შინაარსის 8¹ მუხლი:

„მუხლი 8¹

1. დეპარტამენტის უფროსს შესაძლოა ჰყავდეს მოადგილე.

2. დეპარტამენტის უფროსის მოადგილე ანგარიშვალდებულია დეპარტამენტის უფროსის წინაშე.

3. დეპარტამენტის უფროსის მოადგილე:

ა) ხელს უწყობს სტრუქტურული ერთეულის უფროსს მასზე დაკისრებულ უფლება-მოვალეობათა განხორციელების დაგეგმვა-კოორდინაციასა და ორგანიზებაში;

ბ) ზედამხედველობს სტრუქტურულ ერთეულში შემავალი სტრუქტურული ქვედანაყოფების საქმიანობას და ამ სტრუქტურული ქვედანაყოფის (ქვედანაყოფების) საჯარო მოსამსახურეთა მიერ სამსახურებრივი მოვალეობების შესრულებას;

გ) უშუალოდ ამზადებს გადაწყვეტილების პროექტს მასზე დაწერილ დოკუმენტაციაზე ან ანაწილებს მათ შესაბამის სტრუქტურულ ქვედანაყოფებს შორის;

დ) ვიზას ადებს მის სტრუქტურულ ერთეულში შემავალი სტრუქტურული ქვედანაყოფების მიერ მომზადებულ დოკუმენტებს, ასევე მინისტრის მიერ დელეგირებული უფლებამოსილების ფარგლებში ხელს აწერს სტრუქტურულ ერთეულში მომზადებული სამართლებრივი აქტების ან/და დოკუმენტების პროექტებს;

ე) პასუხისმგებელია მის მიერ მიღებული და მის საკურატორო სფეროში შემავალ სტრუქტურულ ქვედანაყოფებში მომზადებული გადაწყვეტილებების პროექტების კანონიერებაზე;

ვ) ახორციელებს სტრუქტურული ერთეულის უფროსის, კურატორი მინისტრის მოადგილის/მინისტრის მითითებებს და დავალებებს, კანონმდებლობით განსაზღვრულ სხვა ფუნქციებს.“;

ე) აჭარის ავტონომიური რესპუბლიკის განათლებისა და სპორტის მინისტრის 2025 წლის 25 მარტის №01-05/2 ბრძანებით დამტკიცებული №1 დანართის მე-10 მუხლს დაემატოს შემდეგი შინაარსის 10¹ მუხლი:

„მუხლი 10¹

საგანმანათლებლო რესურსების მართვის განყოფილება:

ა) ამზადებს წინადადებებს საჯარო სკოლების  ინფრასტრუქტურის განვითარების, გაუმჯობესებისა და განახლების მიმართულებით;

ბ) უზრუნველყოფს სამინისტროს დაქვემდებარებაში არსებული საჯარო სკოლების მატერიალურ-ტექნიკური რესურსებით მომარაგებას;

გ) გეგმავს და კოორდინაციას უწევს საჯარო სკოლების ინვენტარით, ტექნიკით, ავეჯით, სასწავლო და ადმინისტრაციული აღჭურვილობით უზრუნველყოფასთან დაკავშირებულ საჭიროებებს;

დ) ახორციელებს საჯარო სკოლების მატერიალურ-ტექნიკური მდგომარეობის მონიტორინგს;

ე) მონაწილეობს ბიუჯეტის დაგეგმვის პროცესში მატერიალური რესურსების მიმართულებით;

ვ) ამზადებს ტექნიკურ დავალებებს, დასკვნებსა და წინადადებებს სახელმწიფო შესყიდვებთან დაკავშირებით (კომპეტენციის ფარგლებში);

ზ) უზრუნველყოფს შესყიდული მატერიალური ფასეულობების მიღების, აღრიცხვისა და მიზნობრივი გამოყენების კონტროლს;

თ) კოორდინაციას უწევს ურთიერთობას სამინისტროს სხვა სტრუქტურულ ერთეულებთან, საჯარო სკოლებთან, შესაბამის სახელმწიფო და მუნიციპალურ ორგანოებთან;

ი) ამზადებს პერიოდულ ანგარიშებს გაწეული საქმიანობის შესახებ და წარუდგენს დეპარტამენტის უფროსს;

კ) ასრულებს დეპარტამენტის უფროსის/დეპარტამენტის უფროსის მოადგილისა და სამინისტროს ხელმძღვანელობის სხვა დავალებებს კომპეტენციის ფარგლებში.“.

2. ბრძანება ამოქმედდეს გამოქვეყნებისთანავე.