საქართველოს სასჯელაღსრულების დაწესებულებებში მყოფ პატიმართა და მსჯავრდებულთა სადღეღამისო კვების ნორმებისა და სასჯელაღსრულების დაწესებულებების მაღაზიებში კვების პროდუქტების ასორტიმენტის განსაზღვრის მიზნით სპეციალური კომისიის შექმნის თაობაზე

სახელმწიფო სარეგისტრაციო კოდი 100.110.000.22.027.009.978

საქართველოს იუსტიციის მინისტრის

ბრძანება №39

2007 წლის 12 თებერვალი

ქ. თბილისი

საქართველოს სასჯელაღსრულების დაწესებულებებში მყოფ პატიმართა და მსჯავრდებულთა სადღეღამისო კვების ნორმებისა და სასჯელაღსრულების დაწესებულებების მაღაზიებში კვების პროდუქტების ასორტიმენტის განსაზღვრის მიზნით სპეციალური კომისიის შექმნის თაობაზე

,,პატიმრობის შესახებ“ საქართველოს კანონის 36-ე მუხლის პირველი პუნქტის მოთხოვნათა შესაბამისად, საქართველოს სასჯელაღსრულების დაწესებულებებში მყოფ პატიმართა და მსჯავრდებულთა სადღეღამისო კვების ახალი ნორმებისა და სასჯელაღსრულების დაწესებულებების მაღაზიებში კვების პროდუქტების ასორტიმენტის განსაზღვრის მიზნით, ვბრძანებ:

1. შეიქმნას სასჯელაღსრულების დაწესებულებაში მყოფ პატიმართა და მსჯავრდებულთა სადღეღამისო კვების ნორმებისა და სასჯელაღსრულების დაწესებულებების მაღაზიებში კვების პროდუქტების ასორტიმენტის განსაზღვრის მიზნით სპეციალური კომისია, შემდეგი შემადგენლობით:

ა) გიორგი არსოშვილი – სასჯელაღსრულების სისტემის რეფორმის, მონიტორინგისა და სამედიცინო ზედამხედველობის დეპარტამენტის უფროსი, კომისიის თავმჯდომარე;

ბ) რევაზ დაფქვიაშვილი – სასჯელაღსრულების სისტემის რეფორმის, მონიტორინგისა და სამედიცინო ზედამხედველობის დეპარტამენტის მოწვეული ექსპერტი.

გ) ეთერ ინასარიძე – საქართველოს იუსტიციის სამინისტროს სასამართლო ექსპერტიზის ეროვნული ბიუროს კვების პროდუქტების, თამბაქოს ნაწარმის, ალკოჰოლიანი და უალკოჰოლო სასმელების ლაბორატორიის ექსპერტი;

დ) ქეთევან დადიანი – საქართველოს იუსტიციის სამინისტროს სასამართლო ექსპერტიზის ეროვნული ბიუროს კვების პროდუქტებისა და თამბაქოს ნაწარმის ექსპერტიზის ლაბორატორიის თანამშრომელი;

ე) მარინე კოდუა – საქართველოს იუსტიციის სამინისტროს სასამართლო ექსპერტიზის ეროვნული ბიუროს კვების პროდუქტებისა და თამბაქოს ნაწარმის ექსპერტიზის ლაბორატორიის თანამშრომელი.

2. კომისიის მუშაობაში მონაწილეობის მიღება ეთხოვოს:

ა) გულნარა დვალს – ბიოლოგიურ მეცნიერებათა დოქტორი, ს.ს. გ. ნათაძის სახელობის სანიტარიისა და ჰიგიენის სამეცნიერო-კვლევითი ინსტიტუტის კვების განყოფილების ხელმძღვანელი;

ბ) ავთანდილ ფირცხალავას – პროფესორი, ს.ს. გ. ნათაძის სახელობის სანიტარიისა და ჰიგიენის სამეცნიერო-კვლევითი ინსტიტუტის დირექტორი;

გ) მაია ლეჟავას – ს.ს. გ. ნათაძის სახელობის სანიტარიისა და ჰიგიენის სამეცნიერო-კვლევითი ინსტიტუტის კვების განყოფილების ექიმ-ჰიგიენისტი.

3. 2007 წლის 10 აპრილამდე კომისიამ შეიმუშაოს სასჯელაღსრულების დაწესებულებებში მყოფ პატიმართა და მსჯავრდებულთა სადღეღამისო კვების ახალი ნორმები და შესაბამისობაში მოიყვანოს 2003 წლის 8 მაისის №111/ნ საქართველოს შრომის, ჯანმრთელობისა და სოციალური დაცვის მინისტრის ,,საკვებ ნივთიერებებსა და ენერგიაზე ორგანიზმის ფიზიოლოგიური მოთხოვნილებისა და საარსებო მინიმუმის განსაზღვრისათვის საჭირო სასურსათო კალათის შემადგენლობის ნორმებისა და ნორმატივების დამტკიცების შესახებ“ ბრძანებასთან.

4. ბრძანების შესრულებაზე კონტროლი დაევალოს იუსტიციის მინისტრის მოადგილეს (გივი მიქანაძე).

5. ბრძანება ამოქმედდეს ხელმოწერისთანავე.

გ. ქავთარაძე