სსიპ - გასტრონომიის ეროვნული სააგენტოს სახელმწიფო მნიშვნელობის სიმბოლოების დამტკიცების შესახებ
დოკუმენტის ტექსტი
|
საქართველოს გარემოს დაცვისა და სოფლის მეურნეობის მინისტრის ბრძანება №2-424 |
|
2026 წლის 19 ოქტომბერი ქ. თბილისი |
„სახელმწიფო მნიშვნელობის სიმბოლოების შესახებ“ საქართველოს კანონის მე-3 მუხლის მე-2 პუნქტისა და საქართველოს მთავრობის 2022 წლის 14 დეკემბრის №572 დადგენილებით დამტკიცებული „აღმასრულებელი ხელისუფლების, ზოგიერთი საჯარო დაწესებულების ემბლემის გამოსახვის წესის“ შესაბამისად, ვბრძანებ :
1. დამტკიცდეს თანდართული საქართველოს გარემოს დაცვისა და სოფლის მეურნეობის სამინისტროს სისტემაში შემავალი სსიპ – გასტრონომიის ეროვნული სააგენტოს (შემდგომში – სააგენტო) სახელმწიფო მნიშვნელობის სიმბოლოები:
ა) ემბლემა (დანართი №1);
ბ) მედიასთან საკომუნიკაციო ბანერი (დანართი №2);
გ) ოფიციალური კორესპონდენციის/წერილის ქართულენოვანი ბლანკის ნიმუში (დანართი №3);
დ) ოფიციალური კორესპონდენციის/წერილის ინგლისურენოვანი ბლანკის ნიმუში (დანართი №4);
ე) ადმინისტრაციულ-სამართლებრივი აქტის ბლანკის ნიმუში (დანართი №5).
2. სააგენტოს ემბლემას წარმოადგენს საქართველოს მცირე სახელმწიფო გერბის გამოსახულება და დაწესებულების დასახელების აღმნიშვნელი წარწერა.
2. ემბლემა შეიძლება გამოისახოს:
ა) სააგენტოს ვებგვერდზე;
ბ) სააგენტოს საინფორმაციო ბანერებზე, აბრებზე;
გ) სააგენტოს მიერ გაცემულ სერტიფიკატებსა და დოკუმენტაციაზე;
დ) სააგენტოს თანამშრომლის სამსახურებრივ მოწმობაზე;
ე) სააგენტოს სარგებლობაში არსებულ ავტომობილზე;
ვ) სააგენტოს ბეჭდვით გამოცემებზე, ვიდეო და ფოტომასალებზე;
ზ) სარეკლამო-საინფორმაციო, სუვენირულ პროდუქციაზე და სამსახურებრივ ინვენტარზე.
3. საჭიროების შემთხვევაში ემბლემის გამოყენებასთან დაკავშირებული საკითხები შესაძლებელია დაზუსტდეს სააგენტოს უფროსის ინდივიდუალური ადმინისტრაციულ-სამართლებრივი აქტით.
4. სააგენტომ ემბლემის აღმართვისას იხელმძღვანელოს „საქართველოს სახელმწიფო სიმბოლოებთან ერთად სახელმწიფო მნიშვნელობის სიმბოლოების აღმართვის, გამოფენისა და გამოსახვის წესის დამტკიცების შესახებ“ საქართველოს მთავრობის 2019 წლის 12 ივნისის №282 დადგენილებით.
5. სააგენტო უზრუნველყოფს „სახელმწიფო მნიშვნელობის სიმბოლოების შესახებ“ საქართველოს კანონის მე-7 მუხლის პირველი პუნქტით გათვალისწინებული ღონისძიების გატარებას.
|
ხშირად დასმული კითხვები
- მოქმედებს თუ არა „სსიპ - გასტრონომიის ეროვნული სააგენტოს სახელმწიფო მნიშვნელობის სიმბოლოების დამტკიცების შესახებ“?
- დიახ, საქართველოს მინისტრის ბრძანება „სსიპ - გასტრონომიის ეროვნული სააგენტოს სახელმწიფო მნიშვნელობის სიმბოლოების დამტკიცების შესახებ“ ამჟამად ძალაშია. ბოლო კონსოლიდირებული რედაქცია — 19.10.2026.
- როდის იქნა მიღებული „სსიპ - გასტრონომიის ეროვნული სააგენტოს სახელმწიფო მნიშვნელობის სიმბოლოების დამტკიცების შესახებ“?
- „სსიპ - გასტრონომიის ეროვნული სააგენტოს სახელმწიფო მნიშვნელობის სიმბოლოების დამტკიცების შესახებ“ მიღებულია 19.10.2026. მიმღები ორგანო — საქართველოს გარემოს დაცვისა და სოფლის მეურნეობის მინისტრი. დოკუმენტის ნომერი — №2-424. სარეგისტრაციო კოდი — 010020000.22.023.017021.
- სად არის „სსიპ - გასტრონომიის ეროვნული სააგენტოს სახელმწიფო მნიშვნელობის სიმბოლოების დამტკიცების შესახებ“-ის ოფიციალური ტექსტი?
- ოფიციალური წყაროა საქართველოს საკანონმდებლო მაცნე (matsne.gov.ge). legali.ge-ზე ტექსტი მოცემულია 19.10.2026 მდგომარეობით.
როგორ დავიმოწმოთ
საქართველოს მინისტრის ბრძანება „სსიპ - გასტრონომიის ეროვნული სააგენტოს სახელმწიფო მნიშვნელობის სიმბოლოების დამტკიცების შესახებ“, №2-424, 19.10.2026, სარეგისტრაციო კოდი 010020000.22.023.017021 (კონსოლიდირებული რედაქცია 19.10.2026). ხელმისაწვდომია: https://legali.ge/law/7021489/