ზოგიერთი საარჩევნო ღონისძიების განსაზღვრის თაობაზე

სახელმწიფო სარეგისტრაციო კოდი 010.210.010.15.008.011.221

საქართველოს საარჩევნო ადმინისტრაცია

საქართველოს ცენტრალური საარჩევნო კომისიის

დადგენილება N34/2007

2007 წლის 13 დეკემბერი

ქ. თბილისი

ზოგიერთი საარჩევნო ღონისძიების განსაზღვრის თაობაზე

საქართველოს ორგანული კანონის „საქართველოს საარჩევნო კოდექსი“ 25-ე მუხლის მე-3 პუნქტის, 29-ე მუხლის მე-3 პუნქტისა და 77-ე მუხლის საფუძველზე, საქართველოს ცენტრალური საარჩევნო კომისია ადგენს:

    მუხლი 1.

1. საოლქო საარჩევნო კომისია კენჭისყრის გარეშე ცნობად აფორმებს განკარგულებას საუბნო საარჩევნო კომისიის პერსონალური შემადგენლობის შესახებ მათი ხელმძღვანელი თანამდებობის პირების მითითებით.

2. ამ დადგენილების პირველი მუხლის პირველი პუნქტის მიხედვით შედგენილი საოლქო საარჩევნო კომისიის განკარგულება მოთხოვნისთანავე გადაეცემა ცესკოს.

    მუხლი 2.

ეს დადგენილება შეიძლება გასაჩივრდეს თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, სარაჯაშვილის №1ა) მისი მიღებიდან 3 კალენდარული დღის ვადაში.

    მუხლი 3.

ეს დადგენილება ამოქმედდეს გამოქვეყნებისთანავე.

კომისიის თავმჯდომარე ლ. თარხნიშვილი

კომისიის მდივანი გ. მჭედლიძე