,,საქართველოს პრეზიდენტის გამგებლობაში არსებული სახელმწიფო საქვეუწყებო დაწესებულება _ ოფიციალურ გამოცემათა სამსახურის _ საქართველოს პრეზიდენტის ბიბლიოთეკის სალიკვიდაციო ღონისძიებების შესახებ”

საქართველოს პრეზიდენტის

ბრძანებულება №1045

2005 წლის 14 დეკემბერი

ქ. თბილისი

საქართველოს პრეზიდენტის   გამგებლობაში არსებული სახელმწიფო საქვეუწყებო დაწესებულება – ოფიციალურ გამოცემათა სამსახურის – საქართველოს პრეზიდენტის ბიბლიოთეკის სალიკვიდაციო ღონისძიებების შესახებ

1. ლიკვიდირებულ იქნეს „საქართველოს პრეზიდენტთან არსებული საინფორმაციო-ანალიზური ცენტრის – საქართველოს პრეზიდენტის ბიბლიოთეკის შექმნის შესახებ“ საქართველოს პრეზიდენტის 2000 წლის 7 მარტის №82 ბრძანებულებით შექმნილი საქართველოს პრეზიდენტის გამგებლობაში არსებული სახელმწიფო საქვეუწყებო დაწესებულება – ოფიციალურ გამოცემათა სამსახური – საქართველოს პრეზიდენტის ბიბლიოთეკა (შემდგომში – სამსახური).

2. შეიქმნას სამსახურის სალიკვიდაციო კომისია შემდეგი შემადგენლობით:

ზურაბ ჯიბლაძე – სამსახურის უფროსი, კომისიის თავმჯდომარე

მაკა ბახტაძე – საქართველოს ფინანსთა სამინისტროს საბიუჯეტო დეპარტამენტის სპეციალისტი

მზია ბეზუაშვილი       – სამსახურის ბუღალტერი

თემურ მეგრელიშვილი –        საქართველოს ეკონომიკური განვითა­რე­­ბის სამინისტროს ქონების მართვის პოლიტიკის დეპარტამენტის სამმართვე­ლოს უფროსი.

3. სამსახურის ლიკვიდაციასთან დაკავშირებით სალიკვიდაციო კომისიამ 2006 წლის 1 თებერვლამდე უზრუნველყოს კანონმდებლობით გათვალისწინებული ორგანიზაციული, საკადრო, მატერიალურ-ტექნიკური, სამართლებრივი და სხვა შესაბამისი ღონისძიებების განხორციელება.

4. ძალადაკარგულად გამოცხადდეს „საქართველოს პრეზიდენტთან არსებული საინფორმაციო ანალიზური ცენტრის – საქართველოს პრეზიდენტის ბიბლიოთეკის შექმნის შესახებ“ საქართველოს პრეზიდენტის 2000 წლის 7 მარტის №82 ბრძანებულება.

5. ამ ბრძანებულების მე-4 პუნქტი ამოქმედდეს 2006 წლის 1 თებერვლიდან.

6. ეს ბრძანებულება ამოქმედდეს გამოქვეყნებისთანავე.

მ. სააკაშვილი