„საჯარო სამართლის იურიდიული პირის – „ფონდი – ათასწლეულის გამოწვევა საქართველოს (ემ-სი-ჯი)“ შექმნის შესახებ“ საქართველოს პრეზიდენტის 2004 წლის 3 დეკემბრის №561 ბრძანებულებაში ცვლილებების შეტანის თაობაზე”
🕸️ გრაფი — კავშირების ვიზუალიზაცია
📥 უკუმითითებები — 1 დოკუმენტი
საქართველოს პრეზიდენტის ბრძანებულება (1)
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
სახელმწიფო სარეგისტრაციო კოდი040.030.000.08.002.003
საქართველოს პრეზიდენტის
ბრძანებულება №1094
2005 წლის 29 დეკემბერი
ქ. თბილისი
„საჯარო სამართლის იურიდიული პირის – „ფონდი – ათასწლეულის გამოწვევა საქართველოს (ემ-სი-ჯი)“ შექმნის შესახებ“ საქართველოს პრეზიდენტის 2004 წლის 3 დეკემბრის №561 ბრძანებულებაში ცვლილებების შეტანის თაობაზე
„ნორმატიული აქტების შესახებ“ საქართველოს კანონის 36-ე მუხლის შესაბამისად „საჯარო სამართლის იურიდიული პირის – „ფონდი – ათასწლეულის გამოწვევა საქართველოს (ემ-სი-ჯი)“ შექმნის შესახებ“ საქართველოს პრეზიდენტის 2004 წლის 3 დეკემბრის №561 ბრძანებულებაში (სსმ III, 2004 წ., №142, მუხ. 1283) შეტანილ იქნეს შემდეგი ცვლილებები:
ა) ბრძანებულების პრეამბულა ჩამოყალიბდეს შემდეგი რედაქციით:
„საქართველოში ეკონომიკური ზრდის და სიღარიბის დაძლევის, ინფრასტრუქტურის განვითარებისა და ამ დარგში არსებული პრობლემების მოგვარების ხელშეწყობის მიზნით ამერიკის შეერთებული შტატების მთავრობის მიერ საქართველოსათვის გამოყოფილი დახმარების ფარგლებში, რომელიც გათვალისწინებულია ამერიკის შეერთებული შტატების მთავრობას, რომელიც მოქმედებს ათასწლეულის გამოწვევის კორპორაციის სახით და საქართველოს მთავრობას შორის 2005 წლის 12 სექტემბერს ხელმოწერილი ათასწლეულის გამოწვევის შეთანხმებით (კომპაქტით), „საჯარო სამართლის იურიდიული პირის შესახებ“ საქართველოს კანონის მე-5 მუხლის მე-2 პუნქტის „ბ“ ქვეპუნქტის შესაბამისად:“;
ბ) ბრძანებულების მე-2 პუნქტი ჩამოყალიბდეს შემდეგი რედაქციით:
„2. საქართველოს მთავრობამ (ზ. ნოღაიდელი) უზრუნველყოს ფონდის დებულებისა და სამეთვალყურეო საბჭოს შემადგენლობის დამტკიცება.“;
გ) ბრძანებულების მე-4 პუნქტი ამოღებულ იქნეს.
მ. სააკაშვილი