განაჩენი შეიცვალა

საქმე # 330100123007756387

საქართველოს უზენაესი სასამართლო

განაჩენი

საქართველოს სახელით

საქმე №1269აპ-24 ქ. თბილისი

გ. კ. 1269აპ-24 19 მაისი, 2025 წელი

საქართველოს უზენაესი სასამართლოს სისხლის სამართლის საქმეთა

პალატამ შემდეგი შემადგენლობით:

ლალი ფაფიაშვილი (თავმჯდომარე),ლევან თევზაძე, მერაბ გაბინაშვილი

ზეპირი მოსმენის გარეშე განიხილა მსჯავრდებულ კ. გ-ს ინტერესების დამცველი ადვოკატის – ო. მ-ს საკასაციო საჩივარი თბილისის სააპელაციო სასამართლოს 2024 წლის 27 სექტემბრის განაჩენზე.

ს ა რ ე ზ ო ლ უ ც ი ო ნ ა წ ი ლ ი:

საკასაციო სასამართლომ იხელმძღვანელა საქართველოს სსსკ-ის 301-ე მუხლით, 307-ე მუხლის პირველი ნაწილის „გ“ ქვეპუნქტით, საქართველოს სსსკ-ის 182-ე მუხლის მე-3 ნაწილით, „ამნისტიის შესახებ“ საქართველოს 2024 წლის 17 სექტემბრის კანონით და

დ ა ა დ გ ი ნ ა:

1. მსჯავრდებულ კ. გ-ს ინტერესების დამცველი ადვოკატის – ო. მ-ს საკასაციო საჩივარი არ დაკმაყოფილდეს;

2. თბილისის სააპელაციო სასამართლოს 2024 წლის 27 სექტემბრის განაჩენში შევიდეს ცვლილება:

3. კ. გ. ცნობილ იქნეს დამნაშავედ საქართველოს სსკ-ის 19,137-ე მუხლის პირველი ნაწილით გათვალისწინებული დანაშაულის ჩადენისათვის და სასჯელის სახედ და ზომად განესაზღვროს – თავისუფლების აღკვეთა 7 წლით;

4. ,,ამნისტიის შესახებ“ საქართველოს 2024 წლის 17 სექტემბრის კანონის მე-4 მუხლის პირველი პუნქტის თანახმად, კ. გ-ს ერთი მეექვსედით შეუმცირდეს თბილისის საქალაქო სასამართლოს 2022 წლის 28 დეკემბრის განაჩენით საქართველოს სსკ-ის 177-ე მუხლის მე-2 ნაწილის ,,ა” და მე-3 ნაწილის ,,ბ” ქვეპუნქტებით დანიშნული სასჯელი – თვისუფლების აღკვეთა 5 წლით, რაც საქართველოს სსკ-ის 63-ე მუხლის საფუძველზე ჩაეთვალა პირობითად და საქართველოს სსკ-ის 64-ე მუხლის საფუძველზე გამოსაცდელ ვადად დაუდგინდა 5 წელი და ამ ნაწილში სასჯელის სახედ და ზომად განესაზღვოს – თავისუფლების აღკვეთა 4 წლითა და 2 თვით, რაც საქართველოს სსკ-ის 63-ე მუხლის საფუძველზე ჩაეთვალოს პირობითად და საქართველოს სსკ-ის 64-ე მუხლის საფუძველზე გამოსაცდელ ვადად დაუდგინდეს 4 წელი და 2 თვე;

4.1. თბილისის საქალაქო სასამართლოს 2022 წლის 28 დეკემბრის განაჩენი სხვა ნაწილში დარჩეს უცვლელად;

5. საქართველოს სსკ-ის 67-ე მუხლის საფუძველზე, გაუქმდეს კ. გ-ს მიმართ თბილისის საქალაქო სასამართლოს 2022 წლის 28 დეკემბრის განაჩენით დანიშნული და ,,ამნისტიის შესახებ“ საქართველოს 2024 წლის 17 სექტემბრის კანონის საფუძველზე შემცირებული პირობითი მსჯავრი;

6. საქართველოს სსკ-ის 59-ე მუხლის მე-5 ნაწილის საფუძველზე, ბოლო განაჩენით დანიშნულმა სასჯელმა სრულად შთანთქას წინა განაჩენით დანიშნული და ,,ამნისტიის შესახებ“ საქართველოს 2024 წლის 17 სექტემბრის კანონის საფუძველზე შემცირებული სასჯელი და საბოლოოდ, განაჩენთა ერთობლიობით, კ. გ-ს სასჯელის სახედ და ზომად განესაზღვროს – თავისუფლების აღკვეთა 7 წლით.

7. კ. გ-ს სასჯელის ვადა აეთვალოს დაკავების მომენტიდან – 2023 წლის 16 ივლისიდან;

8. განაჩენი სხვა ნაწილში დარჩეს უცვლელად;

9. მიღებული განაჩენი სასამართლოს ვებგვერდზე გამოქვეყნდეს საქართველოს სსსკ-ის 182-ე მუხლის მე-3 ნაწილის გათვალისწინებით;

10. განაჩენი საბოლოოა და არ გასაჩივრდება.

თავმჯდომარე ლ. ფაფიაშვილი

მოსამართლეები: ლ. თევზაძე

მ. გაბინაშვილი