„სახაზინო ადვოკატთა შრომის ანაზღაურების განსაზღვრის შესახებ“ საქართველოს პრეზიდენტის 2004 წლის 24 დეკემბრის №608 ბრძანებულებაში ცვლილებებისა და დამატების შეტანის თაობაზე“

სახელმწიფო სარეგისტრაციო კოდი160.030.000.08.002.004

საქართველოს პრეზიდენტის

ბრძანებულება №147

2007 წლის 1 მარტი

ქ. თბილისი

 „სახაზინო ადვოკატთა შრომის ანაზღაურების განსაზღვრის შესახებ“ საქართველოს პრეზიდენტის 2004 წლის 24 დეკემბრის №608 ბრძანებულებაში ცვლილებებისა და დამატების შეტანის თაობაზე

1. „ნორმატიული აქტების შესახებ“ საქართველოს კანონის 36-ე მუხლის შესაბამისად, „სახაზინო ადვოკატთა შრომის ანაზღაურების განსაზღვრის შესახებ“ საქართველოს პრეზიდენტის 2004 წლის 24 დეკემბრის №608 ბრძანებულებაში (სსმ III, 2004 წ., №152, მუხ. 1383) შეტანილ იქნეს შემდეგი ცვლილებები და დამატება:

ა) ბრძანებულების მე-2 პუნქტი ჩამოყალიბდეს შემდეგი რედაქციით:

„2. „ადვოკატთა შესახებ“ საქართველოს კანონის 45-ე მუხლის მე-4 პუნქტის შესაბამისად, სახაზინო წესით დანიშნულ ადვოკატთა შრომის ანაზღაურება განახორციელოს საქართველოს იუსტიციის სამინისტრომ „საქართველოს 2007 წლის სახელმწიფო ბიუჯეტის შესახებ“ საქართველოს კანონით საჯარო სამართლის იურიდიული პირის – საზოგადოებრივი (სახაზინო) ადვოკატის სამსახურისათვის გამოყოფილი სუბსიდიების ფარგლებში.“;

ბ) ბრძანებულების მე-3 პუნქტი ამოღებულ იქნეს;

გ) ბრძანებულებას დაემატოს შემდეგი შინაარსის მე-4 პუნქტი:

„4. ამ ბრძანებულებით გათვალისწინებული ანაზღაურების გაცემა შეწყდეს იმ რეგიონში, სადაც იურიდიული დახმარება განხორციელდება საქართველოს იუსტიციის სამინისტროს შესაბამისი სამსახურის მიერ.“.

2. ეს ბრძანებულება ამოქმედდეს გამოქვეყნებისთანავე.

მ. სააკაშვილი