„საქართველოს სამხედრო ძალების სამხედრო უნიფორმის, სიმბოლიკის, ატრიბუტიკისა და ინსიგნიის დამტკიცების შესახებ“ საქართველოს პრეზიდენტის 2003 წლის 22 მაისის №228 ბრძანებულებაში ცვლილებებისა და დამატების შეტანის თაობაზე“
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
სახელმწიფო სარეგისტრაციო კოდი 120.340.000.05.002.002
საქართველოს პრეზიდენტის
ბრძანებულება №502
2008 წლის 20 ოქტომბერი
ქ. თბილისი
„საქართველოს სამხედრო ძალების სამხედრო უნიფორმის, სიმბოლიკის, ატრიბუტიკისა და ინსიგნიის დამტკიცების შესახებ“ საქართველოს პრეზიდენტის 2003 წლის 22 მაისის №228 ბრძანებულებაში ცვლილებებისა და დამატების შეტანის თაობაზე
1. „ნორმატიული აქტების შესახებ“ საქართველოს კანონის 36-ე მუხლის შესაბამისად, „საქართველოს სამხედრო ძალების სამხედრო უნიფორმის, სიმბოლიკის, ატრიბუტიკისა და ინსიგნიის დამტკიცების შესახებ“ საქართველოს პრეზიდენტის 2003 წლის 22 მაისის №228 ბრძანებულებაში (სსმ III, 2003 წ., №48, მუხ. 438) შეტანილ იქნეს შემდეგი ცვლილებები და დამატება:
ა) ამოღებულ იქნეს ბრძანებულების პირველი პუნქტით დამტკიცებული №59 (სარიტუალო) და №60 (სარიტუალო-ზამთრის) პლანშეტების პირველი პუნქტები და სახმელეთო ძალების სარიტუალო უნიფორმის ნიმუშები;
ბ) ბრძანებულებას №60 პლანშეტის შემდგომ დაემატოს №60ა პლანშეტი დანართის თანახმად.
2. ეს ბრძანებულება ამოქმედდეს 2008 წლის 25 დეკემბერს.
მ. სააკაშვილი
პლანშეტი 60ა
(სახმელეთო ჯარების სარიტუალო უნიფორმა)
1. ზაფხულის – თხელი თეთრი შალის ორბორტიანი კიტელი. თეთრი წინაფრიანი ქუდი მინანქრის კოკარდით. თეთრი ფერის შარვალი წითელი ზოლით. შავი ფერის ფეხსაცმელი. წოდების შესაბამისი სააღლუმე ატრიბუტიკა და ფურნიტურა.
2. ზამთრის – სქელი წითელი შალის ორბორტიანი ფარაჯა. წითელი წინაფრიანი ქუდი მინანქრის კოკარდით. შავი ფერის შარვალი წითელი ზოლით. შავი ფერის ფეხსაცმელი. წოდების შესაბამისი სააღლუმე ატრიბუტიკა და ფურნიტურა.
