,,საქართველოს პრეზიდენტის ზოგიერთი ბრძანებულების ძალადაკარგულად გამოცხადების შესახებ“

საქართველოს პრეზიდენტის

ბრძანებულება №619

2008 წლის 25 დეკემბერი

ქ. თბილისი

საქართველოს პრეზიდენტის ზოგიერთი ბრძანებულების ძალადაკარგულად გამოცხადების შესახებ

1. საქართველოს ზოგადი ადმინისტრაციული კოდექსის 61-ე მუხლის პირველი ნაწილის შესაბამისად, ძალდაკარგულად გამოცხადდეს:

ა) „საბიუჯეტო და საგადასახადო სისტემის სრულყოფის კომისიის შექმნის შესახებ“ 2002 წლის 28 იანვრის №24 ბრძანებულება;

ბ) „რუსეთ-საქართველოს საზღვარზე სავიზო რეჟიმის შემოღებასთან დაკავშირებით მოქალაქეების წინაშე წარმოქმნილი პრობლემების შემსწავლელი სახელმწიფო კომისიის შექმნის შესახებ“ საქართველოს პრეზიდენტის 2001 წლის 28 ივლისის №298 ბრძანებულება;

გ) „საქართველოს თავდაცვის სისტემის სტრატეგიული მიმოხილვის“ შემმუშავებელი საუწყებათაშორისო კომისიის შექმნის შესახებ“ საქართველოს პრეზიდენტის 2004 წლის 7 სექტემბრის №372 ბრძანებულება;

დ) „საქართველოს საგარეო საქმეთა სამინისტროსთან საქართველოს რეგიონების საგარეო ურთიერთობათა საკონსულტაციო საბჭოს შექმნისა და დებულების დამტკიცების შესახებ“ საქართველოს პრეზიდენტის 1998 წლის 23 დეკემბრის №705 ბრძანებულება;

ე) „მცირე და საშუალო საწარმოთა საკოორდინაციო საბჭოს შექმნის შესახებ“ საქართველოს პრეზიდენტის 2000 წლის 26 იანვრის №16 ბრძანებულება;

ვ) „საქართველოს საინფორმაციო და საკომუნიკაციო ტექნოლოგიების საკოორდინაციო საბჭოს რეორგანიზაციის შესახებ“ საქართველოს პრეზიდენტის 2001 წლის 8 ივლისის №267 ბრძანებულება;

ზ) „კულტურული მემკვიდრეობის დაცვის სამეცნიერო-მეთოდური საბჭოს დებულების დამტკიცების შესახებ“ საქართველოს პრეზიდენტის 2002 წლის 28 აპრილის №200 ბრძანებულება;

თ) „გაეროს უშიშროების საბჭოს №1373 (2001) რეზოლუციის შესრულებისა და საერთაშორისო ტერორიზმის წინააღმდეგ ბრძოლაში საქართველოს ერთიანი მოქმედების სახელმწიფო პროგრამის განხორციელების მიზნით ეროვნული უშიშროების საბჭოსთან არსებული დროებითი საუწყებათაშორისო ეროვნული ანტიტერორისტული კომისიის შექმნის შესახებ“ საქართველოს პრეზიდენტის 2001 წლის 21 დეკემბრის №526 ბრძანებულება;

ი) „დემოკრატიისა და ეკონომიკური განვითარების ორგანიზაციის – სუამის მესამე სამიტის მოსამზადებელი კომისიის შექმნის შესახებ“ საქართველოს პრეზიდენტის 2008 წლის 25 მარტის №157 ბრძანებულება;

კ) „მიმოქცევისათვის უვარგისი ფულის ნიშნების საკონტროლო გადათვლა-განადგურების დროებითი საგანგებო კომისიის შესახებ“ საქართველოს პრეზიდენტის 1999 წლის 17 იანვრის №16 ბრძანებულება.

2. ეს ბრძანებულება ამოქმედდეს გამოქვეყნებისთანავე.

მ. სააკაშვილი