"ყვარლის მუნიციპალიტეტის ტერიტორიაზე სათამაშო ბიზნესის მოსაკრებელის შემოღების შესახებ" ყვარლის მუნიციპალიტეტის საკრებულოს 2007 წლის 1 მარტის №36 დადგენილებაში ცვლილებების და დამატებების შეტანის თაობაზე

ყვარლის მუნიციპალიტეტის საკრებულოს

დადგენილება №24

2010 წლის 1 დეკემბერი

ქ. ყვარელი  

„ყვარლის მუნიციპალიტეტის ტერიტორიაზე სათამაშო ბიზნესის მოსაკრებლის შემოღების შესახებ’’ ყვარლის მუნიციპალიტეტის საკრებულოს 2007 წლის 1 მარტის                      №36 დადგენილებაში ცვლილებების და დამატებების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის თანახმად, ყვარლის მუნიციპალიტეტის საკრებულოს 2007 წლის 1 მარტის №36 დადგენილებაში „ყვარლის მუნიციპალიტეტის ტერიტორიაზე სათამაშო ბიზნესის მოსაკრებლის შემოღების შესახებ“ შევიდეს შემდეგი სახის ცვლილებები და დამატებები:

    მუხლი 1

 დანართის მე-2 პუნქტის „გ“ ქვეპუნქტი ჩამოყალიბდეს შემდეგი რედაქციით: ნაცვლად „თითოეულ სათამაშო აპარატზე კვარტალში 600 ლარისა” – „თითოეულ სათამაშო აპარატზე კვარტალში 3000 ლარი“.

    მუხლი 2

დანართის მე-2 პუნქტის „დ“ ქვეპუნქტი ჩამოყალიბდეს შემდეგი რედაქციით: ნაცვლად „ტოტალიზატორის, ბინგოს, ლოტოს თითოეულ სალაროზე კვარტალში 1500 ლარისა“ – „ტოტალიზატორის, ბინგოს, ლოტოს თითოეულ სალაროზე კვარტალში 7500 ლარი“.

    მუხლი 3

 დადგენილების დანართს დაემატოს შემდეგი პუნქტები, რომელიც ჩამოყალიბდეს შემდეგი რედაქციით:

1. „იმ სათამაშო აპარატების სალონის, ტოტალიზატორის, ბინგოსა და ლოტოს მოწყობის ნებართვების მფლობელებისათვის, რომლებსაც ამ დადგენილების ამოქმედებამდე აქვთ აღებული 2010 წლის მე-4 კვარტალის სათამაშო ბიზნესის მოსაკრებლის გადახდის ნიშნები, ამ პერიოდისათვის გადახდილი მოსაკრებელი გადაიანგარიშება შემდეგი წესით:

ა) ამ დადგენილების ამოქმედებამდე მოსაკრებლის გადახდის ნიშნები გადაანგარიშდეს – თითოეულ სათამაშო აპარატზე კვარტალში 1500 ლარის ოდენობით. ტოტალიზატორის, ბინგოს, ლოტოს თითოეულ სალაროზე კვარტალში 3500 ლარის ოდენობით;

ბ) ამ დადგენილების ამოქმედებიდან 2010 წლის მე-4 კვარტალის დარჩენილ პერიოდზე – მოსაკრებლის ახლად დადგენილი ოდენობის მიხედვით;“.

2. ამ მუხლის პირველი პუნქტით გათვალისწინებული გადაანგარიშების წესი ვრცელდება აგრეთვე იმ სათამაშო აპარატების სალონის, ტოტალიზატორის, ბინგოსა და ლოტოს მოწყობის ნებართვების მფლობელებზე, რომლებიც 2010 წლის მე-4 კვარტალის სათამაშო ბიზნესის მოსაკრებლის გადახდის ნიშნებს ამ დადგენილების ამოქმედების შემდეგ აიღებენ.

    მუხლი 4

ეს დადგენილება ძალაშია გამოქვეყნებიდან მე-15 დღეს.

საკრებულოს თავმჯდომარე                                                                   ბ. ზანდარაშვილი