1. საკრებულოს სხდომა იწყება დილის 10.00 საათზე და მთავრდება 18.00 საათზე. სხდომები მიმდინარეობს შემდეგი განრიგით:
ა) დილის სხდომა- 10.00-დან 13.00-მდე;
ბ) საღამოს სხდომა- 15.00-დან 18.00-მდე;
გ) შესვენებები: 11.30-დან 11.45-მდე; 13.00-დან 15.00-მდე; 16.30-დან 17.00-მდე.
2. საკრებულოს სხდომა საკრებულოს გადაწყვეტილებით შეიძლება გაგრძელდეს არა უგვიანეს 21.00 საათამდე.
3. საკრებულოს სხდომები, როგორც წესი, ტარდება სამუშაო დღეებში. მორიგი სხდომის დღის წესრიგით გათვალისწინებული სხდომების დღეები განისაზღვრება მორიგი სხდომის განრიგით, რომელსაც მორიგი სხდომის დღის წესრიგთან ერთად განსაზღვრავს საკრებულოს ბიურო და ამტკიცებს საკრებულო.
4. საჭიროების შემთხვევაში, საკრებულოს თავმჯდომარის წინადადებით, ღია კენჭისყრით ან თუ საკრებულოს არც ერთი წევრი არ გამოთქვამს განსხვავებულ აზრს - კენჭისყრის გარეშე, საკრებულოს ცვლილებები შეაქვს შესაბამისი სხდომის განრიგში