"თვითმმართველი ქალაქ ფოთის (თვითმმართველი ერთეული)50%-ზე მეტი წილობრივი მონაწილეობით შექმნილი საწარმოების საკუთრებაში არსებული (ბალანსზე რიცხული) ქონების ინვენტარიზაციის და ამორტიზებული ან გამოუყენებელი ქონების ჩამოწერის წესის დამტკიცების შესახებ"

თვითმმართველი ქალაქ ფოთის საკრებულოს

დადგენილება №15/52

2010 წლის 29 დეკემბერი

ქ. ფოთი

თვითმმართველი ქალაქ ფოთის (თვითმმართველი ერთეული) 50%-ზე მეტი წილობრივი მონაწილეობით შექმნილი საწარმოების საკუთრებაში არსებული (ბალანსზე რიცხული) ქონების ინვენტარიზაციის და ამორტიზებული ან გამოუყენებელი ქონების ჩამოწერის წესის დამტკიცების შესახებ

„ადგილობრივი თვითმმართველობის შესახებ“ საქართველოს ორგანული კანონის მე-16 მუხლის მე-2 პუნქტის „ვ“ ქვეპუნქტის, და „ადგილობრივი თვითმმართველი ერთეულის ქონების შესახებ" საქართველოს კანონით ადგილობრივი თვითმმართველი ერთეულის საკუთარ უფლებამოსილებას განეკუთნება თვითმმართველი ერთეულის საკუთრებაში არსებული ქონების მართვა და განკარგვა; თვითმმართველი ერთეულის ქონების ფლობის, განკარგვის და ქონების სარგებლობის წესების დადგენა ასევე „ძირითადი საშუალებების, სასაქონლო-მატერიალურ ფასეულობათა, ფულადი საშუალებებისა და ანგარიშსწორებათა ინვენტარიზაციის ჩატარების წესის შესახებ“  საქართველოს  ფინანსთა მინისტრის 1996 წლის 1 აგვისტოს №12-03 ბრძანებით დამტკიცებული დებულების შესაბამისად,

      მუხლი1

დამტკიცდეს თვითმმართველი ქალაქ ფოთის (თვითმმართველი ერთეული) 50%-ზე მეტი წილობრივი მონაწილეობით შექმნილი საწარმოების საკუთრებაში არსებული (ბალანსზე რიცხული) ქონების ინვენტარიზაციის და ამორტიზებული ან გამოუყენებელი ქონების ჩამოწერის წესი თანახმად №1 დანართისა.

      მუხლი2

დამტკიცდეს ჩამოსაწერ ძირითად საშუალებათა პასიური ნაწილის (შენობა-ნაგებობებისა და გადასაცემ მოწყობილობათა) ღირებულების დადგენის აქტის ფორმა თანახმად №2 დანართისა.

     მუხლი3

დამტკიცდეს ჩამოსაწერ ძირითად საშუალებათა აქტიური ნაწილის (მანქანა-დანადგარებისა და სხვა) ღირებულების დადგენის აქტის ფორმა თანახმად №3 დანართისა.

      მუხლი4

დამტკიცდეს  ძირითადი  აქტივების  ლიკვიდაციის  აქტის  ფორმა  თანახმად  №4 დანართისა.

      მუხლი 5

ეს დადგენილება ამოქმედდეს გამოქვეყნებისთანავე.

საკრებულოს თავმჯდომარე                                   ი. საღინაძე

 

დანართი 1  

თვითმმართველ ი ქალაქ ფოთის (თვითმმართველი ერთეული)50%-ზე მეტი წილობრივი მონაწილეობით შექმნილი საწარმოების საკუთრებაში არსებული (ბალანსზე რიცხული) ქონების ინვენტარიზაციის და ამორტიზებული ან გამოუყენებელი ქონების ჩამოწერის წესის დამტკიცების შესახებ

 

მუხლი 1. ზოგადი დებულებები

 1. ეს წესი განსაზღვრავს თვითმმართველ ი ქალაქ ფოთის (თვითმმართველი ერთეული)50%-ზე მეტი წილობრივი მონაწილეობით შექმნილი საწარმოების (შემდგომში ტექსტში – საწარმო) საკუთრებაში არსებული (ბალანსზე რიცხული) ქონების ინვენტარიზაციის და ამორტიზებული ან გამოუყენებელი ქონების ჩამოწერის პროცედურებს.

 

მუხლი 2. ტერმინთა განმარტება

1. ქონება –  საწარმოს საკუთრებაში არსებული (ბალანსზე რიცხული) ქონება.

2. ჩამოსაწერი ქონება –  ამორტიზებული ან გამოუყენებელი ქონება.

3. საინვენტარიზაციო კომისია – ქონების ინვენტარიზაციის მიზნით საწარმოში შექმნილი კომისია.

 

მუხლი 3. ინვენტარიზაციის ჩატარება

1.საწარმოში ინვენტარიზაცია ტარდება „ძირითადი საშუალებების, სასაქონლო-მატერიალურ ფასეულობათა, ფულადი საშუალებებისა და ანგარიშსწორებათა ინვენტარიზაციის ჩატარების წესის შესახებ“ საქართველოს ფინანსთა მინისტრის 1996 წლის 1 აგვისტოს №12-03 ბრძანებით დამტკიცებული დებულების თანახმად.

 

მუხლი 4. საინვენტარიზაციო კომისია

1. საინვენტარიზაციო კომისია (შემდგომში – კომისია) იქმნება საწარმოს ხელმძღვანელის შესაბამისი ადმინისტრაციულ-სამართლებრივი აქტის საფუძველზე.

2. კომისიის შემადგენლობას განსაზღვრავს საწარმოს ხელმძღვანელი.

3. კომისია შედგება: თავმჯდომარის, მოადგილის, მდივნის, ბუღალტრისა (აღრიცხვა-ანგარიშგებაზე პასუხისმგებელი პირი), თვითმმართველი ქალაქ ფოთის მერიის ქონების მართვის სფეროში უფლებამოსილი სამსახურის წარმომადგენლის და სხვა წევრებისაგან.

4. საჭიროების შემთხვევაში დაწესებულების ხელმძღვანელმა კომისიის მუშაობაში მონაწილეობის მისაღებად შეიძლება მოიწვიოს დარგის სხვა სპეციალისტებიც. მოწვეული სპეციალისტები არ იღებენ მონაწილეობას გადაწყვეტილების მიღების პროცესში.

5. კომისია გადაწყვეტილებას იღებს ხმათა უბრალო უმრავლესობით. ხმათა თანაბრად გაყოფის შემთხვევაში გადამწყვეტია თავმჯდომარის ხმა.

7. კომისია სწავლობს ჩამოსაწერი ქონების ფაქტობრივ ფიზიკურ მდგომარეობას, სათანადო საფუძვლის არსებობისას ასაბუთებს მისი ბალანსიდან ჩამოწერის აუცილებლობას და ამზადებს ქონების ჩამოწერისათვის საჭირო დოკუმენტაციას.

 

მუხლი 5. ამორტიზებული ან გამოუყენებელი ქონების ჩამოწერის წესი

1. კომისია საწარმოს ხელმძღვანელს წარუდგენს ჩამოსაწერი ქონების ნუსხას, ასევე ჩამოსაწერი ძირითადი საშუალებების ნარჩენი ღირებულების დადგენის აქტებისა და საჭიროების შემთხვევაში, ძირითადი აქტივების ლიკვიდაციის აქტის შევსებულ ფორმებს, ყველა ძირითად საშუალებაზე ცალ-ცალკე.

2. საწარმოს ხელმძღვანელი იხილავს ჩამოსაწერი ქონების ნუსხას და კომისიის დასკვნისა და აუდიტორის დასკვნის საფუძველზე ადგენს ქონების ჩამოწერის აქტს.

3. ქონების ჩამოწერის აქტს საწარმოს ხელმძღვანელი დასამტკიცებლად წარუდგენს თვითმმართველი ქალაქ ფოთის საკრებულოს, თვითმმართველი ქალაქ ფოთის მერის მეშვეობით.

 

მუხლი6.სასაქონლო-მატერიალური ფასეულობების ჩამოწერა

1. სასაქონლო-მატერიალური ფასეულობების (პირის მიერ ჩვეულებრივი სამეურნეო საქმიანობის პროცესში გამოყენებული ნედლეული, მასალები, ნახევარფაბრიკატები, მარაგ-ნაწილები, ტარა, მზა პროდუქცია (საქონელი) ბუღალტრული აღრიცხვის საერთაშორისო სტანდარტების მიხედვით) ჩამოწერა ხორციელდება საქართველოს ფინანსთა მინისტრის 2010 წლის 31აგვისტოს №691 ბრძანების „სასაქონლო-მატერიალური ფასეულობების ჩამოწერის წესის დატკიცების თაობაზე“შესაბამისად.

 

 

 

 

 

მუხლი 7. ჩამოწერილი და გამოუსადეგარი ძირითადი საშუალებების

          განადგურება და განკარგვა

1. ძირითადი საშუალებების ჩამოწერის შედეგად მიღებული ქონება, რომლის რაიმე დანიშნულებით გამოყენებაც შეუძლებელია, დაწესებულების ხელმძღვანელის გადაწყვეტილების საფუძველზე ექვემდებარება განადგურებას.

2. ქონების განადგურების პროცესს ესწრებიან შესაბამისი საწარმოს ხელმძღვანელის მიერ კომისიის შემადგენლობიდან განსაზღვრული პირები.

3. ქონების განადგურებას ტექნიკურად და ორგანიზაციულად უზრუნველყოფს საწარმო, რომელსაც ეკუთვნის გასანადგურებელი ქონება.

4. ქონება უნდა განადგურდეს ამ მიზნისათვის გამოყოფილ ადგილებში ან ნაგვის დასაწვავ ადგილებში.

5. ქონების განადგურების თაობაზე დგება ოქმი, რომელსაც ხელს აწერენ პირები, რომლ ებ იც ესწრებიან განადგურების პროცესს.

6. ქონების განადგურებისათვის აუცილებელი ხარჯი ფინანსდება შესაბამისი საწარმოს მიერ.

7. განადგურების მართლზომიერებასა და შედეგებზე პასუხისმგებელია საწარმოს ხელმძღვანელი.

8. საწარმოს ბალანსზე რიცხული ძირითადი აქტივების ჩამოწერის პროცედურის დასრულების შემდეგ და ძირითადი აქტივების ლიკვიდაციის შედეგად მიღებული ქონება (ჯართი, სამშენებლო მასალა, ვარგისი ნაწილები და სხვ.) აისახება ბალანსში მარაგების სახით კომისიის მიერ დადგენილი ღირებულების შესაბამისად.

 

მუხლი 8. ჩამოწერილი ქონების რეალიზაცია

1. ჩამოწერილი ქონების რეალიზება ხდება „თვითმმართველი ქალაქ ფოთის (თვითმმართველი ერთეულის) ქონების ფლობის, განკარგვის და ქონებით სარგებლობის წესის, აუქციონში გამარჯვების დამადასტურებელი ოქმის, საკუთრების უფლების მოწმობის, აუქციონში მონაწილის განაცხადისა და მონაწილის ბილეთის ფორმების დამტკიცების შესახებ" თვითმმართველი ქალაქ ფოთის საკრებულოს 2010 წლის 28 ოქტომბრის №10/37 დადგენილებით(სსმ №49 11.11.2010 წელი) განსაზღვრული წესის შესაბამისად. აუქციონის გამოცხადებასთან დაკავშირებულ ხარჯებს გასწევს შესაბამისი საწარმო, აუქციონში ბეს თანხა და აუქციონის შედეგად რეალიზებული ქონებიდან მიღებული თანხა ირიცხება საწარმოს ანგარიშზე.