ბრალდებულთა და მსჯავრდებულთა დამცველთან/ადვოკატთან შეხვედრის უფლების განხორციელების შესახებ

✨ ჰკითხე AI-ს ამ კანონის შესახებ
საქართველოს მინისტრის ბრძანება ძალადაკარგული სახელმწიფო მმართველობა
მიღების თარიღი
04.01.2011 ძალადაკარგული 02.11.2015
გამომცემი ორგანო
საქართველოს სასჯელაღსრულების, პრობაციისა და იურიდიული დახმარების საკითხთა მინისტრი
ნომერი
№2
სარეგისტრაციო კოდი
100040000.22.038.016021
გამოქვეყნების წყარო
matsne.gov.ge , 060111, 06/01/2011
📥 მინიშნება 1
🕸️ გრაფი — კავშირების ვიზუალიზაცია
← უკუმითითება ცვლილება → 🧬 სემანტიკური ეს აქტი
📥 უკუმითითებები — 1 დოკუმენტი

საქართველოს მინისტრის ბრძანება (1)

ცვლილებები (2)
1
ბრალდებულთა და მსჯავრდებულთა დამცველთან/ადვოკატთან შეხვედრის უფლების განხორციელების შესახებ
02.11.2015
2
„ბრალდებულთა და მსჯავრდებულთა დამცველთან/ადვოკატთან შეხვედრის უფლების განხორციელების შესახებ“ საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2011 წლის 4 იანვრის №2 ბრძანებაში ცვლილების შეტანის თაობაზე
22.04.2014
06.01.2011 22.04.2014 02.11.2015

დოკუმენტის ტექსტი

საქართველოს სასჯელაღსრულების, პრობაციისა და იურიდიული დახმარების საკითხთა მინისტრის

ბრძანება №2

2011 წლის 4 იანვარი

ქ. თბილისი

ბრალდებულთა და მსჯავრდებულთა დამცველთან/ადვოკატთან შეხვედრის უფლების განხორციელების შესახებ

ბრალდებულთ ა და მსჯავრდებულთა დამცველთან/ადვოკატთან შეხვედრის უფლების შეუფერხებელი განხორციელების, დამცველთან შეხვედრის ორგანიზებისა და გაუმჯობესების, ბრალდებულთა და მსჯავრდებულთა, აგრეთვე დამცველთა/ადვოკატთა თანასწორუფლებიანობის მიზნებიდან გამომდინარე, პატიმრობის კოდექსის მე-2 მუხლის მე-4 ნაწილის, მე-14 მუხლის პირველი ნაწილის „ა.გ“ ქვეპუნქტისა და მე-18 მუხლის შესაბამისად, ვბრძანებ:

    მუხლი 1

საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს სასჯელაღსრულების დეპარტამენტმა და პატიმრობის/თავისუფლების აღკვეთის დაწესებულებებმა კანონმდებლობის ფარგლებში უზრუნველყონ ბრალდებულთა/ მსჯავრდებულთა დამცველთან/ადვოკატთან შეხვედრის უფლების განხორციელება.

    მუხლი 2

პატიმრობის/თავისუფლების აღკვეთის დაწესებულების ადმინისტრაციამ განახორციელოს ბრალდებულთა/მსჯავრდებულთა დამცველთან/ადვოკატთან შეხვედრის უსაფრთხოების განუხრელი დაცვა, მიიღოს და გაატაროს კანონმდებლობით გათვალისწინებული შესაბამისი ზომები და ღონისძიებები.

    მუხლი 3

პატიმრობის/თავისუფლების აღკვეთის დაწესებულების ადმინისტრაციამ დამცველთა/ ადვოკატთა, აგრეთვე დაცვის ქვეშ მყოფთა თანასწორუფლებიანობის დასაცავად, განახორციელოს თითოეული დამცველის/ადვოკატის თავისი დაცვის ქვეშ მყოფ ბრალდებულთან/ მსჯავრდებულთან შეხვედრის უზრუნველყოფა მიუკერძოებელი და სამართლიანი რიგითობის დაცვით.

    მუხლი 4

დამცველს/ადვოკატს უფლება აქვს პატიმრობის/თავისუფლების აღკვეთის დაწესებულებაში ერთ შესვლაზე შეხვდეს თავისი დაცვის ქვეშ მყოფ ერთ ბრალდებულს/მსჯავრდებულს, ხოლო სხვა თავისი დაცვის ქვეშ მყოფ ბრალდებულთან/მსჯავრდებულთან შეხვედრის სურვილის შემთხვევაში დაიცვას ბრალდებულთან/მსჯავრდებულთან შეხვედრის რიგში მდგომ დამცველთა/ადვოკატთა რიგითობა.

    მუხლი 5

დამცველს/ადვოკატს უფლება აქვს პატიმრობის/თავისუფლების აღკვეთის დაწესებულებაში ერთ შესვლაზე შეხვდეს თავისი დაცვის ქვეშ მყოფ რამდენიმე ბრალდებულს/მსჯავრდებულს, თუ ისინი მონაწილეობენ ერთ სისხლის სამართლის საქმეში.

    მუხლი 6

ძალადაკარგულად გამოცხადდეს „მსჯავრდებულთა და პატიმართა დამცველთან შეხვედრის უფლების განხორციელების შესახებ” საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2010 წლის 10 ივნისის №89 ბრძანება.

    მუხლი 7

ბრძანება ამოქმედდეს გამოქვეყნებისთანავე.

მინისტრის მოვალეობის შემსრულებელი              პ. სულაბერიძე