სახელმწიფო საკუთრებაში არსებული შენობა-ნაგებობების სარგებლობის უფლებით გადაცემისას საწყისი წლიური ქირის ოდენობის განსაზღვრის შესახებ

საქართველოს მთავრობის

დადგენილება №36

2007 წლის 22 თებერვალი

ქ. თბილისი

სახელმწიფო საკუთრებაში არსებული შენობა-ნაგებობების სარგებლობის უფლებით გადაცემისას საწყისი წლიური ქირის ოდენობის განსაზღვრის შესახებ

,,საქართველოს მთავრობის სტრუქტურის, უფლებამოსი­ლებისა და საქმიანობის წესის შესახებ“ საქართველოს კანონის მე-5 მუხლის ,,ი“ ქვეპუნქტისა და ,,სახელმწიფო საკუთრებაში არსებული შენობა-ნაგებობების სარგებლობის უფლე­ბით გადაცემის შესახებ“ საქართველოს კანონის მე-5 მუხლის პირველი პუნქტის ,,ბ“ ქვეპუნქტის საფუძველზე:

1. შენობა-ნაგებობების სასყიდლიანი უზუფრუქტის, ქირავნობის, იჯარისა და საქართველოს სამოქალაქო კო­დექსით განსაზღვრული სარგებლობის სხვა ფორმებით გადაცე­მისას საწყისი წლიური საიჯარო ქირა განისაზღვროს ,,საპრი­ვატიზებო სახელმწიფო ქონების საწყისი ფასის განსაზღვრის წესის შესახებ“ საქართველოს პრეზიდენტის 1997 წლის 17 ნოემბრის №671 ბრძანებულებით განსაზღვრული საპრივატიზებო სახელმწიფო ქონების ღირებულების არანაკლებ 5 პროცენტით.

2. ძალადაკარგულად გამოცხადდეს ,,სახელმწიფო საკუთ­რებაში არსებული შენობა-ნაგებობების სარგებლობის უფლე­ბით გადაცემისას წლიური ქირის ოდენობის გამოთვლის წესის დამტკიცების შესახებ“ საქართველოს მთავრობის 2006 წლის 28 სექტემბრის №183 დადგენილება.

3. დადგენილება ამოქმედდეს გამოქვეყნებისთანავე.

პრემიერ-მინისტრი ზ. ნოღაიდელი