ასპინძის მუნიციპალიტეტის გერბისა და დროშის დამტკიცების შესახებ

ასპინძის მუნიციპალიტეტის საკრებულო ს

 დადგენილება №11

2011 წლის 18 მაისი

დ.ასპინძა

ასპინძის მუნიციპალიტეტის გერბისა და დროშის დამტკიცების შესახებ

„ადგილობრივი თვითმმართველობის შესახებ“ საქართველოს ორგანული კანონის მე-8 მუხლის უზრუნველსაყოფად, ასპინძის მუნიციპალიტეტის საკრებულომ დ ა ა დ გ ი ნ ა:

დამტკიცდეს ასპინძის მუნიციპალიტეტის სიმბოლოები – გერბი და დროშა თანდართული დანართების შესაბამისად;

დადგენილება ძალაშია ,,ნორმატიული აქტების შესახებ“ საქართველოს კანონის შესაბამისად, გამოქვეყნებისთანავე.

საკრებულოს თავმჯდომარე             ა.მელიქიძე

 

 

 

დანართი

ასპინძის მუნიციპალიტეტის გერბი

  გერბის ფარის ოქროს ველზე მოთავსებულია მცირე ფარი თანმხლები 8 მეწამული ჯვრით (3-2-3), მცირე ფარის მეწამულ ველზე გამოსახულია სამეფო ოქროს გვირგვინი, ხოლო მის ქვემოთ ერთმანეთზე ჯვარედინად დადებული ოქროს გრაგნილი და ოქროს კვერთხი.

 გერბის ფარს ზემოთ მოთავსებულია საქალაქო ვერცხლის გვირგვინი – სამკოშკიანი ქონგურებიანი გალავანი (ციხე-სიმაგრის ფორმის) ნახევრად ღია ჭიშკრით.

 ფარს ქვემოთ მოთავსებულია გერბის დევიზის ვერცხლ-მეწამული ბაფთა, რომლის ვერცხლის ველზე შავით ჩაწერილია გერბის დევიზი – ,,ასპინძა”.

 

 

 

ასპინძის მუნიციპალიტეტის დროშა

  დროშის ყვითელ ველზე ცენტრში მოთავსებულ მართკუთხედის მეწამულ ველზე გამოსახულია გაყოფილი სამეფო ოქროს გვირგვინი. მეწამულ მართკუთხედს გარშემო შემოყვება 8 მეწამული ჯვარი (3-2-3).

   დროშის პროპორციაა 2:3.