მუხლი 10. ინფორმაციის დამუშავების და ანალიზის სამმართველო

ინფორმაციის დამუშავების და ანალიზის სამმართველოს ფუნქციებია:

ინფორმაციის დამუშავების და ანალიზის სამმართველოს ფუნქციებია:

ა) სამსახურის მიერ ადმინისტრირებადი შემოსავლების შესახებ ინფორმაციის დამუშავება, მათ შორის, გადასახადის სახეების და ტერიტორიული ერთეულების მიხედვით;

ბ) შემოსულობების  საპროგნოზო პარამეტრების შესრულების მიმდინარეობის აღრიცხვა და ანალიზი;

გ) საგადასახადო შემოსავლების მობილიზაციის ანალიზისათვის საჭირო სხვა სტატისტიკური ინფორმაციის მომზადება;

დ) საბაჟო პროცედურების/რეექსპორტის ამსახველი სტატისტიკის წარმოება;

ე) დეპარტამენტის საჭიროების შესაბამისად საგადასახადო მონაცემთა დამუშავება, სტატისტიკური რეპორტების, მათი ავტომატიზაციის პროგრამული ლოგიკისა და ფორმების შემუშავება;

ვ)
შესაბამისი სტრუქტურული ერთეულების ჩართულობით მონაცემთა ბაზებში არსებული ინფორმაციის ხარისხის კონტროლი და ხარისხის კონტროლის მექანიზმების შემუშავება;

ვ1) გადამხდელთა მიერ დეკლარაციების დროულად წარმოდგენის უზრუნველსაყოფად მონაცემთა დამუშავება, მონიტორინგი და შესაბამისი ღონისძიებების დაგეგმვა;

ზ) (ამოღებულია - 11.02.2020, №3186);

თ)
არარეგისტრირებული გადამხდელების შესახებ ინფორმაციის ანალიზი და შესაბამისი ღონისძიებების დაგეგმვა;

ი) დეპარტამენტის კომპეტენციის ფარგლებში ანალიტიკური პროცედურების განხორციელება;

კ) საგადასახადო დანაკარგების (Tax Gap) გამოანგარიშება და ანალიზი;

კ1) საოპერაციო დეპარტამენტისათვის შესაგროვებელი ინფორმაციის განსაზღვრა;

კ2) ერთიანი ელექტრონული საინფორმაციო ბაზაში მონაცემების შესწორების მიზნით, საოპერაციო დეპარტამენტისათვის იმ გადასახადის გადამხდელთა შესახებ ინფორმაციის მიწოდება, რომელთა შესახებ ერთიანი ელექტრონული საინფორმაციო ბაზაში არასწორი მონაცემი ფიქსირდება;

კ3) გადასახადის გადამხდელისთვის სიდიდის შესაბამისი კატეგორიის განსაზღვრასთან დაკავშირებით სათანადო ღონისძიებების განხორციელება;

კ4) გადასახადის გადამხდელის შესახებ მონაცემების მართვა და მართვის პროცესში მონაცემების სანდოობის უზრუნველსაყოფი ღონისძიებების დაგეგმვა-განხორციელება;

ლ) (ამოღებულია - 03.07.2018, №16953);

მ) კომპეტენციის ფარგლებში გადასახადის გადამხდელის, მისი წარმომადგენლისა და სხვა დაინტერესებული პირის კორესპონდენციის განხილვა;

ნ) სამსახურის ხელმძღვანელობის ცალკეული დავალებებისა და მითითებების შესრულება.

შემოსავლების სამსახურის უფროსის 2017 წლის 10 აპრილის ბრძანება

№9458 - ვებგვერდი, 18.04.2017წ.

შემოსავლების სამსახურის უფროსის 2018 წლის 9 მარტის ბრძანება №5091 - ვებგვერდი, 14.03.2018წ.

შემოსავლების სამსახურის უფროსის 2018 წლის 3 ივლისის ბრძანება №16953 - ვებგვერდი, 10.07.2018წ.

შემოსავლების სამსახურის უფროსის 2019 წლის 30 აგვისტოს ბრძანება №30470 - ვებგვერდი, 10.09.2019წ.

შემოსავლების სამსახურის უფროსის 2020 წლის 11 თებერვლის ბრძანება №3186 - ვებგვერდი, 13.02.2020წ.

შემოსავლების სამსახურის უფროსის 2021 წლის 9 თებერვლის ბრძანება №2506 - ვებგვერდი, 17.02.2021წ.

შემოსავლების სამსახურის უფროსის 2021 წლის 16 ნოემბრის ბრძანება №35729
- ვებგვერდი, 19.11.2021