სალიცენზიო მოწმობის ფორმების დამტკიცების თაობაზე

სახელმწიფოსარეგისტრაციო კოდი 240.090.000.12.005.010.724

საქართველოს ფასიანი ქაღალდების ეროვნული კომისიის

დადგენილება №74

2007 წლის 6 აგვისტო

ქ. თბილისი

სალიცენზიო მოწმობის ფორმების დამტკიცების თაობაზე

„ნორმატიული აქტების შესახებ“ საქართველოს კა­ნო­ნის 14¹ მუხლის, „ლიცენზიებისა და ნებართვების შესახებ“ საქართველოს კანონის მე-6 მუხლის 36-41 პუნქტების, მე-14 და 22-ე მუხლების, „ფასიანი ქაღალ­დების ბაზრის შესახებ“ საქართველოს კანონის მე-2 მუხლის 29-ე და 50-ე პუნქტების, მე-20, 23-ე და 31-ე მუხლების, ასევე „არასახელმწიფო საპენსიო დაზღვევისა და უზრუნველყოფის შესახებ“ საქართვე­ლოს კანონის მე-40 მუხლის მე-2 პუნქტის „ა“ და „ზ“ ქვეპუნქტების მოთხოვნათა საფუძველზე, საქარ­თველოს ფასიანი ქაღალდების ეროვნული კომისია ადგენს:

1. დამტკიცდეს:

ა) საფონდო ბირჟის სალიცენზიო მოწმობის ფორმა (დანართი №1);

ბ) ცენტრალური დეპოზიტარის სალიცენზიო მოწ­მობის ფორმა (დანართი №2);

გ) საბროკერო საქმიანობის სალიცენზიო მოწმობის ფორმა (დანართი №3);

დ) ფასიანი ქაღალდების რეგისტრატორის სალიცენ­ზიო მოწმობის ფორმა (დანართი №4);

ე) სპეციალიზებული დეპოზიტარის სალიცენზიო მოწმობის ფორმა (დანართი №5);

ვ) აქტივების მმართველის საქმიანობის სალიცენზიო მოწმობის ფორმა (დანართი №6).

2. ამ დადგენილების ამოქმედებისთანავე ძალადა­კარგულად იქნეს ცნობილი საქართველოს ფასიანი ქაღალ­­დების ეროვნული კომისიის 2006 წლის 25 აგვისტოს №69 დადგენილება „ლიცენზიის ფორ­მების დამტკიცების შესახებ“.

3. ეს დადგენილება ამოქმედდეს გამოქვეყნებისთანავე.

კომისიის თავმჯდომარის მოადგილე,

თავმჯდომარის მოვალეობის შემსრულებელი        თ. გოდერძიშვილი