საოლქო საარჩევნო კომისიებისათვის საჭირო ფულადი სახსრების განაწილებისა და გამოყენების წესის დამტკიცების შესახებ

აჭარის ავტონომიური რესპუბლიკის უმაღლესი საარჩევნო კომისიის

დადგენილება №11

2012 წ ლის 22 აგვისტო

ქ. ბათუმი

საოლქო საარჩევნო კომისიებისათვის საჭირო ფულადი სახსრების განაწილებისა და გამოყენების წესის დამტკიცების შესახებ

საქართველოს ზოგადი ადმინისტრაციული კოდექსის 61-ე მუხლის,„აჭარის ავტონომიური რესპუბლიკის უმაღლესი საბჭოს არჩევნების შესახებ“აჭარის ავტონომიური რესპუბლიკის კანონის მე-15 მუხლის პირველი პუნქტის „მ“ქვეპუნქტის, 58-ე მუხლის მე-3 პუნქტის და 73-ე მუხლის მე-5 პუნქტის შესაბამისად, უმაღლესი საარჩევნო კომისია ადგენს:

მუხლი 1. დამტკიცდეს აჭარის ავტონომიური რესპუბლიკის უმაღლესი საბჭოს 2012 წლის 1 ოქტომბრის არჩევნებზე საოლქო საარჩევნო კომისიებისათვის საჭირო ფულადი სახსრების განაწილებისა და გამოყენების წესი შემდეგი ოდენობით:

 

№	ოლქის №	ოლქის დასახელება	ოლქის ხარჯები (გადაზიდვის ხარჯები)
1	79	ბათუმი	1500
2	80	ქედა	1750
3	81	ქობულეთი	1500
4	82	შუახევი	1750
5	83	ხელვაჩაური	1500
6	84	ხულო	1750
სულ			9750

 

მუხლი 2. უმაღლესი საარჩევნო კომისიის თავმჯდომარის მიერ გამოცემულ იქნეს შესაბამისი აქტი, რომლითაც ამ დადგენილების პირველი მუხლით გათვალისწინებული თანხების ფარგლებში მოხდება საოლქო საარჩევნო კომისიებისათვის საწვავის ლიმიტის ოდენობის განსაზღვრა შესყიდვის მომენტისათვის ბაზარზე არსებული ფასის გათვალისწინებით.

მუხლი 3 უმაღლესი საარჩევნო კომისიის აპარატის შესაბამისმა სამსახურმა უზრუნველყოს ამ დადგენილების საფუძველზე უსკოს თავმჯდომარის მიერ გამოცემული აქტით განსაზღვრული ლიმიტის ფარგლებში საწვავის შესყიდვა კანონმდებლობით დადგენილი წესით და ტალონური სისტემით საოლქო საარჩევნო კომისიებზე გადაცემა.

მუხლი 4 . საოლქო საარჩევნო კომისიებმა უზრუნველყონ მათთვის გადაცემული საწვავის მიზნობრივად გამოყენება და ხარჯვის შესაბამისი დოკუმენტების წარმოდგენა კანონმდებლობით დადგენილი წესით.

მუხლი 5 . ძალადაკარგულად გამოცხადდეს უმაღლესი საარჩევნო კომისიის 2012 წლის 7 აგვისტოს №6 დადგენილება –„საოლქო საარჩევნო კომისიებისათვის საჭირო ფულადი სახსრების განაწილებისა და გამოყენების წესის დამტკიცების შესახებ“.

მუხლი 6 . ეს დადგენილება შეიძლება გასაჩივრდეს ბათუმის საქალაქო სასამართლოში (მის.: ქ. ბათუმი, ზუბალაშვილის ქ. №30) მისი მიღებიდან 2 (ორი)კალენდარული დღის ვადაში.

მუხლი 7 . ეს დადგენილება ამოქმედდეს გამოქვეყნებისთანა ვე.

კომისიის თავმჯდომარე             ა. მიქელაძე

კომისიის მდივანი                      ქ. ჯიქია