,,ქალაქ თბილისის მერიის დებულების დამტკიცების შესახებ" ქ. თბილისის საკრებულოს 2006 წლის 12 ოქტომბრის №1–1 გადაწყვეტილებაში ცვლილების შეტანის თაობაზე

ქალაქ თბილისის საკრებულოს

გადაწყვეტილება №1-6

2013 წლის 28 იანვარი

ქ. თბილისი

,,ქალაქ თბილისის მერიის დებულების დამტკიცების შესახებ" ქ. თბილისის საკრებულოს 2006 წლის 12 ოქტომბრის №1–1 გადაწყვეტილებაში ცვლილების შეტანის თაობაზე

,,ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ქ. თბილისის საკრებულომ გადაწყვიტა:

1.
,,ქალაქ თბილისის მერიის დებულების დამტკიცების შესახებ“ ქ. თბილისის საკრებულოს 2006 წლის 12 ოქტომბრის №1–1 გადაწყვეტილებით (,,საქართველოს რესპუბლიკა“, 25.10.2006წ., №209, სარეგისტრაციო კოდი: 010.260.030.35.101.009.490) დამტკიცებულ ქ. თბილისის მერიის დებულებაში შეტანილ იქნეს შემდეგი სახის ცვლილება:

ა) მე-5 მუხლის მე-3 პუნქტი ჩამოყალიბდეს შემდეგი რედაქციით:

,,3. ქალაქ თბილისის რაიონებია: გლდანის, დიდუბის, ვაკის, ისნის, კრწანისის, მთაწმინდის, ნაძალადევის, საბურთალოს, სამგორის და ჩუღურეთის რაიონი.“;

ბ) 121 მუხლი ჩამოყალიბდეს შემდეგი რედაქციით:

,,მუხლი 121. ქ. თბილისის მთავრობის სტრუქტურა

ქ. თბილისის მთავრობა შედგება შემდეგი თანამდებობის პირებისაგან:

ქ. თბილისის მერი - მთავრობის ხელმძღვანელი;

ქ. თბილისის მერის პირველი მოადგილე (ვიცე-მერი);

ქ. თბილისის მერის მოადგილეები;

ქ. თბილისის გლდანის რაიონის გამგებელი;

ქ. თბილისის დიდუბის რაიონის გამგებელი;

ქ. თბილისის ვაკის რაიონის გამგებელი;

ქ. თბილისის ისნის რაიონის გამგებელი;

ქ. თბილისის კრწანისის რაიონის გამგებელი;

ქ. თბილისის მთაწმინდის რაიონის გამგებელი;

ქ. თბილისის ნაძალადევის რაიონის გამგებელი;

ქ. თბილისის საბურთალოს რაიონის გამგებელი;

ქ. თბილისის სამგორის რაიონის გამგებელი;

ქ. თბილისის ჩუღურეთის რაიონის გამგებელი;

სოციალური მომსახურების და კულტურის საქალაქო სამსახურის უფროსი;

ეკონომიკური პოლიტიკის საქალაქო სამსახურის უფროსი;

ტრანსპორტის საქალაქო სამსახურის უფროსი;

მუნიციპალური შესყიდვების საქალაქო სამსახურის უფროსი;

საფინანსო საქალაქო სამსახურის უფროსი;

კეთილმოწყობის საქალაქო სამსახურის უფროსი;

ეკოლოგიის და გამწვანების საქალაქო სამსახურის უფროსი;

იურიდიული საქალაქო სამსახურის უფროსი;

უსაფრთხოების საქალაქო სამსახურის უფროსი.“;

გ) 351 მუხლი ჩამოყალიბდეს შემდეგი რედაქციით:

„მუხლი 351. ისტორიული განაშენიანების რეგულირების ზონაში გამგეობების უფლებამოსილებანი

ამ დებულებით დადგენილი უფლებამოსილების გარდა ისტორიული განაშენიანების რეგულირების ზონაში გამგეობების კომპეტენციაში შედის:

ა) დაქვემდებარებულ ტერიტორიაზე კულტურული მემკვიდრეობის დაცვა, მიმდინარე პროცესების კოორდინაცია და ხელშეწყობა ძველი თბილისის ისტორიულ-კულტურული, საკურორტო-რეკრეაციული და ტურისტულ-ეკონომიკური პოტენციალის განვითარების მიმართულებით;

ბ) ინფორმაციის მიღება როგორც ადმინისტრაციული ორგანოების, ისე იურიდიული პირებისაგან, ამ ტერიტორიაზე მიმდინარე პროცესებსა და წარმოებული სამუშაოების თაობაზე;

გ) საკუთარი კომპეტენციის ფარგლებში მიმდინარე პროცესების და ძეგლების მდგომარეობის მუდმივი მონიტორინგის წარმოება, მონიტორინგის ადეკვატური და ქმედითი სისტემის მეშვეობით;

დ) საქმიანობის წარმართვა მოსახლეობასთან მჭიდრო კავშირში, მათი ინიციატივების წახალისებით და მოსახლეობის ძველი თბილისის განვითარების პროცესებში ჩართვის გზით;

ე) დაქვემდებარებულ ტერიტორიაზე ფინანსური სტრატეგიის შემუშავება და ქმედითი ღონისძიებების განხორციელებით ფონდების მოძიება-კოორდინაციაზე ზრუნვა;

ვ) არსებული ღირშესანიშნაობების პოპულარიზაცია და ტურისტების მოზიდვის მიზნით სარეკლამო წინადადებების მომზადება და მათი განხორციელება;

ზ) ამ დებულებით, გამგეობის დებულებებით და ნორმატიული აქტებით გათვალისწინებული უფლებამოსილებები“.

2.
გადაწყვეტილება ძალაში შედის 2013 წლის 1 მარტს.ქ. თბილისის საკრებულოს თავმჯდომარეზაალ სამადაშვილი