„გორის მუნიციპალიტეტის 2013 წლის ადგილობრივი ბიუჯეტიდან სოციალური დახმარების გაცემის წესის დამტკიცების შესახებ“ გორის მუნიციპალიტეტის საკრებულოს 2012 წლის 21 დეკემბრის №42 დადგენილებაში ცვლილების შეტანის თაობაზე

,,1. სოციალურად დაუცველი მოსახლეობის, სამედიცინო უზრუნველყოფის კუთხით დასაფინანსებელ დახმარების მიმღებთა (ბენეფიციართა) კონტინგენტია და მათზე გაიცემა შემდეგი სამედიცინო დახმარება ერთჯერადად:

ა) სიღარიბის ზღვარს მიღმა მაცხოვრებლები, რომელთაც გააჩნია 0-დან 70 001-მდე სარეიტინგო ქულა და არ აქვთ მიღებული ან განახლებული სადაზღვევო პოლისი, ოპერაციული მკურნალობის, სტაციონარული, ამბულატორიული მომსახურების სამკურნალო-სარეაბილიტაციო ღონისძიებების თანადაფინანსება განისაზღვროს მანიპულაციის 2000 ლარამდე  ღირებულების შემთხვევაში 50%-ით, მაგრამ არა უმეტეს 600 ლარისა, ხოლო 2001 ლარიდან ზემოთ  ღირებულების შემთხვევაში 30%-ით, მაგრამ არა უმეტეს 1500 ლარისა;

ბ) სიღარიბის ზღვარს მიღმა მაცხოვრებლები, რომელთაც გააჩნია 0-დან 70 001-მდე სარეიტინგო ქულა, საკეისრო ოპერაციების (ფორმა 100-ში საკეისრო კვეთის სამედიცინო ჩვენებით) თანადაფინანსება განისაზღვროს 400 ლარით, ხოლო სიღარიბის ზღვარს მიღმა მაცხოვრებლები, რომელთაც გააჩნია 0-დან 70 001-მდე სარეიტინგო ქულა და არ აქვთ მიღებული ან განახლებული სადაზღვევო პოლისი, ფიზიოლოგიური და საკეისრო მშობიარობის (ფორმა 100-ში საკეისრო კვეთის სამედიცინო ჩვენებით) დაფინანსება განისაზღვროს 50%-ით, მაგრამ არა უმეტეს 400 ლარის ოდენობისა;

გ) სიღარიბის ზღვარს მიღმა მაცხოვრებლები, რომლებსაც გააჩნიათ 70 001-დან 100 000-მდე სარეიტინგო ქულა – ფიზიოლოგიური მშობიარობის და საკეისრო ოპერაციების (ფორმა 100-ში საკეისრო კვეთის სამედიცინო ჩვენებით) თანადაფინანსება განისაზღვროს 50%-ით, მაგრამ არა უმეტეს 400 ლარისა;

დ) სიღარიბის ზღვარს მიღმა მაცხოვრებლები, რომელთაც გააჩნია 70 001-დან 100 000-მდე სარეიტინგო ქულა, ოპერაციული მკურნალობის, სტაციონარული, ამბულატორიული მომსახურების სამკურნალო-სარეაბილიტაციო ღონისძიებების თანადაფინანსება განისაზღვროს მანიპულაციის 2000 ლარამდე  ღირებულების შემთხვევაში 50%-ით, მაგრამ არა უმეტეს 600 ლარისა, ხოლო 2001 ლარიდან ზემოთ  ღირებულების შემთხვევაში 30%-ით, მაგრამ არა უმეტეს 1500 ლარისა”.