„საქართველოს რესპუბლიკის მთავრობასა და რუსეთის ფედერაციის მთავრობას შორის თავისუფალი ვაჭრობის შესახებ 1994 წლის 3 თებერვლის შეთანხმების თავისუფალი ვაჭრობის რეჟიმიდან ამოღებათა შესახებ 1994 წლის 11 მაისს ხელმოწერილ ოქმში ცვლილებებისა და დამატებების შეტანის შესახებ“ ოქმი

მუხლი 1

შეთანხმების ოქმში შეტანილი იქნეს ცვლილებები:

მუხლი პირველი ჩამოყალიბდეს შემდეგი რედაქციით:

„საქართველოს რესპუბლიკის მთავრობასა და რუსეთის ფედერაციის მთავრობას შორის თავისუფალი ვაჭრობის შესახებ 1994 წლის 3 თებერვლის შეთანხმების (შემდგომში - შეთანხმება) 1-ელი მუხლით გათვალისწინებული ამოღებები თავისუფალი ვაჭრობის რეჟიმიდან, რომელთა მიმართაც არ მოქმედებს სატარიფო და არასატარიფო რეგულირების ზომების გამოყენებისაგან გათავისუფლება, ვრცელდება:

რუსეთის ფედერაციიდან საქართველოში ექსპორტირებულ იმ საქონელზე, რომელზეც ვრცელდება საექსპორტო ტარიფების ლიცენზირების და საქონლის ექსპორტის (სამუშაოების, მომსახურების) კვოტირების შესახებ რუსეთის ფედერაციის კანონმდებლობა საქონლის საბაჟო გაფორმების მომენტისათვის;

საქართველოდან რუსეთის ფედერაციაში ექსპორტირებულ იმ საქონელზე, რომელზეც ვრცელდება საექსპორტო ტარიფების, ლიცენზირების და საქონლის ექსპორტის (სამუშაოების, მომსახურების) კვოტირების შესახებ საქართველოს კანონმდებლობა საქონლის განბაჟების მომენტისათვის.

შეთანხმების 1-ელი მუხლით გათვალისწინებული თავისუფალი ვაჭრობის რეჟიმიდან ამომღები, რომელთა მიმართ არ მოქმედებს არასატარიფო რეგულირების ზომების გამოყენებისაგან გათავისუფლება, ვრცელდება ამ ოქმის N1 დანართში მითითებულ სატარიფო ამოღებას დაქვემდებარებულ საქონელზე, რომელიც შედის საქართველოდან რუსეთის ფედერაციის საბაჟო ტერიტორიაზე და ამ ოქმის N2 დანართში მითითებულ სატარიფო ამოღებას დაქვემდებარებულ საქონელზე, რომელიც შედის რუსეთის ფედერაციიდან საქართველოს საბაჟო ტერიტორიაზე:

შეთანხმების 1-ელი მუხლით გათვალისწინებული თავისუფალი ვაჭრობის რეჟიმიდან ამომღები, რომელთა მიმართ არ მოქმედებს არასატარიფო რეგულირების ზომების გამოყენებისაგან გათავისუფლება, ვრცელდება იმ საქონელზე, რომელიც ხვდება მხარეთა სახელმწიფოების ლიცენზირებისა და საქონლის (სამუშაოების, მომსახურების) იმპორტის ქვოტირების კანონმდებლობის ქვეშ საქონლის საბაჟო გაფორმების მომენტისათვის;

მხარეები დაუყოვნებლივ აცნობენ ერთმანეთს ზემოაღნიშნულ საკითხებზე ყველა სახის შიდა საკანონმდებლო ცვლილებების შესახებ.

მხარეები ატყობინებენ ერთმანეთს თავისუფალი სავაჭრო რეჟიმიდან იმ საქონლის ამოღებათა შემოღების შესახებ, რომელიც მითითებულია ამ ოქმის N1 და N2 დანართებში, არაუგვიანეს 2 თვისა მათ შემოღებამდე.

მე-2 მუხლში სიტყვები „ექსპორტის; საექსპორტო“ შეიცვალოს სიტყვებით „ექსპორტის და/ან იმპორტის, საექსპორტო და/ან საიმპორტო“;

ამოღებული იქნეს მე-6 მუხლი.

მუხლი 2

ეს ოქმი ძალაში შედის მისი მხარეთა მიერ ძალაში შესვლისათვის აუცილებელი შიდასახელმწიფოებრივი პროცედურების დასრულების შესახებ უკანასკნელი წერილობითი შეტყობინების მიღების თარიღიდან და წარმოადგენს 1994 წლის 3 თებერვლის საქართველოს რესპუბლიკის მთავრობასა და რუსეთის ფედერაციის მთავრობას შორის თავისუფალი ვაჭრობის შესახებ შეთანხმების განუყოფელ ნაწილს.

შესრულებულია ქ. მოსკოვში 2001 წლის 10 ივლისს ორ პირად, თითოეული ქართულ და რუსულ ენაზე. ამასთან ორივე ტექსტს თანაბარი ძალა აქვს.

დანართი N1

თავისუფალი ვაჭრობის შესახებ საქართველოს რესპუბლიკის მთავრობასა და რუსეთის ფედერაციის მთავრობას შორის 1994 წლის 3 თებერვლის შეთანხმების 1994 წლის 11 მაისს ხელმოწერილ თავისუფალი ვაჭრობის რეჟიმიდან ამოღებათა ოქმში ცვლილებებისა და დამატებების შეტანის შესახებ

„10“ ივლისი 2001 წელი

ჩამონათვალი

საქონლისა, რომელიც შედის საქართველოდან რუსეთის ფედერაციის საბაჟო ტერიტორიაზე და ექვემდებარება საქონლის თავისუფალი ვაჭრობის რეჟიმიდან სატარიფო ამოღებას, რომელთა ფორმირება გათვალისწინებულია საქართველოს რესპუბლიკის მთავრობასა და რუსეთის ფედერაციის მთავრობას შორის თავისუფალი ვაჭრობის შესახებ 1994 წლის 3 თებერვლის შეთანხმების I მუხლით

დანართი N2

თავისუფალი ვაჭრობის შესახებ საქართველოს რესპუბლიკის მთავრობასა და რუსეთის ფედერაციის მთავრობას შორის 1994 წლის 3 თებერვალის შეთანხმების 1994 წლის 11 მაისს ხელმოწერილ თავისუფალი ვაჭრობის რეჟიმიდან ამოღებათა ოქმში ცვლილებებისა და დამატებების შეტანის შესახებ

„10“ ივლისი 2001 წელი

ჩამონათვალი

საქონლისა, რომელიც შედის რუსეთის ფედერაციიდან საქართველოს საბაჟო ტერიტორიაზე და ექვემდებარება საქონლის თავისუფალი ვაჭრობის რეჟიმიდან სატარიფო ამოღებას, რომელთა ფორმირება გათვალისწინებულია საქართველოს რესპუბლიკის მთავრობასა და რუსეთის ფედერაციის მთავრობას შორის თავისუფალი ვაჭრობის შესახებ 1994 წლის 3 თებერვლის შეთანხმების I მუხლით