შპს „ფოთი ტერმინალ ჰოლდინგი“-ს დირექტორის ბრძანება

შპს „ფოთი ტერმინალ ჰოლდინგის” (ს/ნ 415084189) დირექტორის

ბრძანება

NFPA-30-ის საწარმოს შიდა სტანდარტად დამტკიცების შესახებ

 

 ვინაიდან:

1)  საქართველოს პარლამენტის 2000 წლის 20 აპრილის №265-IIს დადგენილებით საქართველო შეუერთდა მსოფლიო სავაჭრო ორგანიზაციის შეთანხმებას ვაჭრობაში ტექნიკური ბარიერების შესახებ;

2) აღნიშნული შეთანხმების 2.7 მუხლის თანახმად, საქართველომ აიღო ვალდებულება პოზიტიურად განიხილოს სხვა წევრი ქვეყნების ტექნიკური რეგლამენტები როგორც ეკვივალენტური;

3)  „პროდუქტის უსაფრთხოებისა და თავისუფალი მიმოქცევის კოდექსის ” 103-ე მუხლის მე-4 ნაწილის თანახმად, საქართველოს მთავრობამ 2013 წლის 07 მარტს №50-ე დადგენილებით დაამტკიცა იმ ქვეყნების ნუსხა, რომელთა ტექნიკური რეგლამენტები საქართველოში სამოქმედოდ არის დაშვებული;

4)  აღნიშნულ ქვეყანათა ნუსხაში სიითი ნომრით №4 და კოდით 840 მითითებულია ამერიკის შეერთებული შტატები;

5)   ამერიკის შეერთებული შტატების ტექნიკურ რეგლამენტს წარმოადგენს NFPA-30, რაც დასტურდება NFPA-დან, აშშ-ის სტანდარტების ეროვნული ინსტიტუტიდან (AN SI) და აშშ-ის შტატ ტეხასის ადმინისტრაციიდან მიღებული შეტყობინებებით, რაც დასტურდება ლ. სამხარაულის სახ. სასამართლო ექსპერტიზის ეროვნული ბიუროს 2013 წლის 31 ივლისის №003327113 და 2013 წლის 04 ივლისის 002838113 ექსპერტის დასკვნებით;

6)   NFPA-30 წარმოადგენს აშშ-ის შტატ ტეხასის ადმინისტრაციული კოდექსის შემადგენელ ნაწილს .

 ვბრძანებ:

1)   NFPA-30 დამტკიცდეს შპს „ფოთი ტერმინალ ჰოლდინგის“ (ს/ნ 415084189) საწარმოს შიდა სტანდარტად.

2)   წინამდებარე ბრძანება გამოქვეყნდეს „საქართველოს საკანონმდებლო მაცნეში“.

 

დირექტორი                                               აგამალი გურბანოვი