„გადასახადების ადმინისტრირების შესახებ“ საქართველოს ფინანსთა მინისტრის 2010 წლის 31 დეკემბრის N996 ბრძანებაში ცვლილების შეტანის თაობაზე

საქართველოს ფინანსთა მინისტრის

2013 წლის 23 ოქტომბერი

ქ. თბილისი

ა) სათაური ჩამოყალიბდეს შემდეგი რედაქციით:

,,მუხლი 56. კომპიუტერული წესით ამობეჭდილი საგადასახადო ანგარიშ-ფაქტურა“;

        ბ) პირველი პუნქტი ჩამოყალიბდეს შემდეგი რედაქციით:

,,1. კომპიუტერული წესით ამობეჭდილი საგადასახადო ანგარიშ-ფაქტურა (შემდგომში - კსაფ) გამოიყენება დღგ-ის იმ გადამხდელებთან მიმართებაში, რომლებიც თავიანთ საქმიანობასთან დაკავშირებული ყველა სამეურნეო ოპერაციის ბუღალტრულ აღრიცხვას ახდენენ კომპიუტერული სისტემებისა და პროგრამების გამოყენებით და რომელთა მიერ მომსახურების გაწევა ან ელექტრო - ან თბოენერგიის, გაზის ან წყლის მიწოდება ხდება რეგულარულად ან უწყვეტად.“;

         გ)  მე-6 პუნქტი ჩამოყალიბდეს შემდეგი რედაქციით:

„6. კსაფ-ის მონაცემები შეიტანება საგადასახადო ორგანოში წარსადგენ დღგ-ის დეკლარაციაში, ხოლო გადამხდელებთან არსებული ეგზემპლარები საგადასახადო ორგანოს კონტროლის მიზნით წარედგინება მხოლოდ მისი მოთხოვნის შემთხვევაში.“;

დ) მე-7  და მე-8 პუნქტები ამოღებულ იქნეს;

ე) მე-9 პუნქტი ჩამოყალიბდეს შემდეგი რედაქციით:

„9. საგადასახადო ორგანო ვალდებულია გადამხდელის მიერ წარმოდგენილ დღგ-ის დეკლარაციაში ასახული კსაფ-ების მონაცემების მიხედვით განახორციელოს ჩათვლებზე მონიტორინგი არსებული წესის შესაბამისად.“;

      ვ) მე-10 პუნქტი ამოღებულ იქნეს;

     ზ) მე-11 პუნქტი ჩამოყალიბდეს შემდეგი რედაქციით:

        „11. გადამხდელს უფლება აქვს ნებისმიერ დროს უარი თქვას კსაფ-ების გამოყენებაზე, რისთვისაც საანგარიშო პერიოდის დაწყებამდე განცხადებით უნდა მიმართოს საგადასახადო ორგანოს.“;

      თ) მე-11 პუნქტის შემდეგ დაემატოს შემდეგი შინაარსის მე-12 პუნქტი:

        „12. დაუშვებელია საქონლის (მომსახურების) მიმწოდებლის მიერ, არასწორად შევსებული (შეცდომით შეტანილი რეკვიზიტებით) კსაფ-ის მიცემა მყიდველისათვის (მიმღებისათვის). გაუქმების მიზნით, გადასახადის გადამხდელის მიერ არასწორად შევსებული კსაფ-ების შესახებ  ინფორმაცია წარედგინება საგადასახადო ორგანოს არა უგვიანეს მომდევნო წლის 15 იანვრისა.“.