გურჯაანის მუნიციპალიტეტის ადგილობრივი თვითმმართველობის საჯარო მოხელეთა დამატებითი საკვალიფიკაციო მოთხოვნების დამტკიცების შესახებ

   „ადგილობრივი თვითმმართველობის შესახებ' საქართველოს ორგანული კანონის 43-ე მუხლის მე-2 პუნქტისა და „საჯარო სამსახურის შესახებ“ საქართველოს კანონის მე-19 მუხლის შესაბამისად,

დამტკიცდეს გურჯაანის მუნიციპალიტეტის თვითმმართველობის მოხელეთა დამატებითი საკვალიფიკაციო მოთხოვნები თანდართული სახით;

დადგენილება ამოქმედდეს გამოქვეყნებისთანავე.თავმჯდომარის მოვალეობის შემსრულებელიალექსანდრე სირბილაშვილი

დანართი №1

გურჯაანის მუნიციპალიტეტის ადგილობრივი თვითმმართველობის საჯარო

    მოხელეთა დამატებითი საკვალიფიკაციო მოთხოვნები

1.

ადგილობრივი თვითმმართველობის ყველა საჯარო მოხელეს, გარდა სახანძრო-სამაშველო სამსახურის მოხელეებისა, მოეთხოვება:  ა) ქართულ ენაზე გამართული ზეპირი და წერილობითი კომუნიკაციის უნარი;

   ბ) საოფისე კომპიუტერული პროგრამების (Microsoft   Office   Word,  Microsoft  Office   Excel)  და Internet   Explorer–ის სამომხმარებლო დონეზე ცოდნა;

   გ) შემდეგი სამართლებრივი აქტების ცოდნა:

   გ.ა) საქართველოს კონსტიტუცია;

გ.ბ) ევროპული ქარტია ,,ადგილობრივი თვითმმართველობის შესახებ“;

გ.გ) საქართველოს ორგანული კანონი „ადგილობრივი თვითმმართველობის შესახებ“;

   გ.დ) საქართველოს კანონი  „საჯარო სამსახურის“ შესახებ;

გ.ე) საქართველოს კანონი ,,ნორმატიული აქტების შესახებ“;

   გ. ვ) საქართველოს ზოგადი ადმინისტრაციული კოდექსი ( I, II, III და IV თავები);        

გ.ზ) საქართველოს კანონი ,,საჯარო სამსახურში ინტერესთა შეუთავსებლობისა და კორუფციის შესახებ“;

   გ.თ) ,,საქმის წარმოების ერთიანი წესები“ - საქართველოს პრეზიდენტის 1999 წლის 1 ივლისის №414 ბრძანებულება;

   გ. ი) გურჯაანის მუნიციპალიტეტის საკრებულოს დებულება  (რეგლამენტი);

   გ.კ) გურჯაანის მუნიციპალიტეტის გამგეობის დებულება;

   გ.ლ) შესაბამისი სტრუქტურული ერთეულის დებულება.

2. საჯარო მოხელეს, თანამდებობის დასაკავებლად, გარდა  1-ლი პუნქტით გათვალისწინებული მოთხოვნებისა, დამატებით მოეთხოვება სამსახურის სპეციფიკიდან გამომდინარე, შესაბამისი  ნორმატიული აქტების ცოდნა.

2.

გამგებლის, გამგებლის მოადგილის თანამდებობის დასაკავებლად, გარდა პირველი პუნქტით დადგენილი მოთხოვნებისა, სავალდებულოა მაგისტრის (ან მასთან გათანაბრაბებული) აკადემიური ხარისხი და მუშაობის არანაკლებ 3-წლიანი სამუშაო გამოცდილება ან ბაკალავრის აკადემიური ხარისხი  და მუშაობის არანაკლებ 5-წლიანი სამუშაო გამოცდილება (მათ შორის, ხელმძღვანელ თანამდებობაზე მუშაობის მინიმუმ ერთწლიანი გამოცდილება), პროფესიული კვალიფიკაციის შესაბამისი მენეჯერული უნარები, სამუშაოთა აღწერილობით  დადგენილი ნორმატიული აქტების ცოდნა და საჭირო უნარები.