საქართველოს შრომის, ჯანმრთელობისა და სოციალური დაცვის სამინისტროს მმართველობის სფეროში შემავალი სახელმწიფო საქვეუწყებო დაწესებულების – ჯანმრთელობისა და სოციალური პროგრამების სააგენტოს მიერ 2009 წლის ბავშვთა სამედიცინო მომსახურების სახელმწიფო პროგრამის ფარგლებში მომსახურების სახელმწიფო შესყიდვის ერთ პირთან მოლაპარაკების საშუალებით განხორციელების თაობაზე

საქართველოს მთავრობის

განკარგულება №640

2009 წლის 2 სექტემბერი

ქ. თბილისი

საქართველოს შრომის, ჯანმრთელობისა და სოციალური დაცვის სამინისტროს მმართველობის სფეროში შემავალი სახელმწიფო საქვეუწყებო დაწესებულების – ჯანმრთელობისა და სოციალური პროგრამების სააგენტოს მიერ 2009 წლის ბავშვთა სამედიცინო მომსახურების სახელმწიფო პროგრამის ფარგლებში მომსახურების სახელმწიფო შესყიდვის ერთ პირთან მოლაპარაკების საშუალებით განხორციელების თაობაზე

  „სახელმწიფო შესყიდვების შესახებ” საქართველოს კანონის მე-10 მუხლის მე-3 პუნქტის „ე” ქვეპუნქტის შესაბამისად საქართველოს შრომის, ჯანმრთელობისა და სოციალური დაცვის სამინისტროს მმართველობის სფეროში შემავალმა სახელმწიფო საქვეუწყებო დაწესებულებამ – ჯანმრთელობისა და სოციალური პროგრამების სააგენტომ „საქართველოს 2009 წლის სახელმწიფო ბიუჯეტის შესახებ” საქართველოს კანონით დადგენილ „ბავშვთა სამედიცინო მომსახურების სახელმწიფო პროგრამით” (ორგანიზაციული კოდი – 35 18 02 03) გათვალისწინებულ ასიგნებათა ფარგლებში ერთ პირთან მოლაპარაკების საშუალებით განახორციელოს ამ პროგრამის შემდეგი კომპონენტებით განსაზღვრული მომსახურების სახელმწიფო შესყიდვა:

   ა) „3 წლამდე ასაკის ბავშვთა სტაციონარული დახმარების კომპონენტი”;

   ბ) „18 წლამდე ასაკის ბავშვთა ანტირაბიული სამედიცინო დახმარების (ანტირაბიული საშუალებების გარდა) კომპონენტი”;

   გ) „18 წლამდე ასაკის ბავშვთა ონკოლოგიურ (მათ შორის, ნეიროონკოლოგიური) დაავადებათა დიაგნოსტიკისა და მკურნალობის კომპონენტი”.

 

   პრემიერ-მინისტრი          ნიკა გილაური